Tala Faatiokarate

Atumotu o Virgin i Peretania: Na faafoeina e se tumutumuga fou e 136 tagata talaʻi ia Me suesuega faale-Tusi Paia e 206, lea foi sa avea o se tumutumuga fou.

Kenya: O le taimi muamua lenei ua pasia ai le aofaiga e 6,000 o tagata talaʻi, faatasi ma se tumutumuga fou e 6,065 ia Me.

Korea: E 65,260 tagata talaʻi na lipoti mai ia Me, o la latou tumutumuga lona 84 lea i masina e 89 faatoʻā mavae atu.

Papua Niu Kini: Na ausia se isi tumutumuga o tagata talaʻi e 2,547 na lipoti ia Me.

Réunion: Na faaalia i le lipoti o Me se faatelega e 11 pasene ma se tumutumuga fou e 1,926 tagata talaʻi.

St Lusia: E 475 se tumutumuga fou o tagata talaʻi na lipotia mai ia Me, o se faatelega lea e 8 pasene. Na oso i luga suesuega faale-Tusi Paia i le 22 pasene mai ia Me o le tausaga ua mavae i se aofaiga e 617.

Atumotu o Virgin i le Iunaite Setete: O se faatelega e 19 pasene ia Me na aumaia ai se tumutumuga fou e 560 tagata talaʻi.