Sauniga o le Auaunaga mo Aokuso

Vaiaso e Amata ia Aokuso 3

Pese 89 (162)

10 minu: Faasilasilaga masani ma Faasilasilaga e filifilia mai La Tatou Faiva o le Malo. Saunia ni manatu e talanoa i ai mai mekasini fou. Faalaeiau tagata uma ina ia auai i le auaunaga i le fanua i le faaiʻuga o lenei vaiaso.

15 minu: “Faatomuaga e Faagaeeina ai le Naunau.” Iloiloga i fesili ma tali. Faataʻitaʻi manatu o loo aumaia i le palakalafa e 5.

20 minu: “Tauaofiaga Itumalo 1992 ‘O Ē Faasusulu Atu le Malamalama.’” Iloiloga o le faaopoopoga o Iulai 1992 i fesili ma tali e le failautusi o le faapotopotoga.

Pese 25 (151) ma le tatalo faaiʻu.

Vaiaso e Amata ia Aokuso 10

Pese 68 (133)

10 minu: Faasilasilaga masani, e aofia ai le tala o le tupe ma le talialoaia o foai. Faamālō i le faapotopotoga mo le lagolagoina o le faapotopotoga, ma le galuega a le Sosaiete i le lalolagi aoao i mea tau tupe.

20 minu: Atiina aʻe le Naunau i Toe Asiga. Talanoaga e faia e le ovasia o le auaunaga. E toatele i latou ua olioli e talanoa atu i tagata ma tuu ai lomiga. (om itu. 87-88) O la tatou avega tauave, e aofia ai le atiina aʻe o le naunau i loto o ē tatou te talanoa atu i ai. Ia faia se faataʻitaʻiga puupuu i le auala e mafai ai ona faaaogā se sāvali e atiina aʻe ai le naunau i se toe asiga sa leʻi talia muamua ai se lomiga. Faamatilatila na o se manatu e tasi pe lua. Ia faia foi se faataʻitaʻiga puupuu e faaalia ai le auala e mafai ai ona faaaogāina faamatalaga o loo maua i le faasino mataupu o le tusi Reasoning. Faamamafa manatu pupuu ma le tuusaʻo o loo aumaia i le lomiga, e mafai ona faaaogā e atiina aʻe ai le naunau i le Tusi Paia. Faailoa atu le auala e fuafuaina ai nisi asiasiga atili.

15 minu: “Gaoioiga Mautinoa Ina ia Agaʻigaʻi Atili ai i Luma.” Ia taulimaina e pei o se lauga uluai palakalafa e lua o le faaopoopoga. Ona talanoaina lea o le vaega o totoe o le mataupu i fesili ma tali. Faamamafa manatu e faatatau i le faapotopotoga. Faaiʻu i se aotelega puupuu o le mataupu.

Pese 66 (129) ma le tatalo faaiʻu.

Vaiaso e Amata ia Aokuso 17

Pese 62 (113)

15 minu: Faasilasilaga masani. Tala Faatiokarate. Talanoaga o le mataupu “Ia Tatou Ola ma le Faautauta ma le Amiotonu.” Faalaeiau i uso e faia ni fuafuaga mamao ina ia auai i le polokalama o le aso fono faapitoa i le tausaga faaleauaunaga o le 1993. Faasilasila le aso ma le nofoaga e fai ai pe afai ua iloa. Ia faalaeiau foi ina ia auai i le galuega i le fanua i le faaiʻuga o le vaiaso.

20 minu: “Le Luʻi o le Faia o Toe Asiga.” Fesili ma tali. A maeʻa ona iloiloina le palakalafa e 5 ma le 6, ona fai lea o ni faataʻitaʻiga se lua. (1) Faailoa atu le auala e mafai ai ona faaaogā se sāvali e amata ai se suesuega faale-Tusi Paia. (2) Filifili se mataupu mai le tusi Reasoning, ma faailoa atu pe mafai faapefea ona faaaogā e taliina ai se fesili i se toe asiga. Faamatilatila le aogā o vaega e faataʻitaʻi ai. Faalaeiau le tuliloaina o ē uma na faaalia le naunau.

10 minu: “Papelonia Tele.” Talanoaga mai le tusi Reasoning, itulau e 49-53. Faataʻitaʻiga: Talanoa se tagata talaʻi ma se tagata aʻoga o le Tusi Paia i lona agaʻigaʻi i luma. Faamamafa le manaoga ina ia silasila atu i ai Ieova e paia, ma tatau i ai Lana fesoasoani ma lana faamanuiaga. (1 Pete. 1:15, 16) Ia faamamafa foi le tāua o le sola ese nei mai ia Papelonia, ae auaufaatasi ma le faalapotopotoga a Ieova. Faaiʻu e le failauga e ala i le faalaeiauina o uso, ina ia faaaogā lomiga e tataʻi atu ai tagata aʻoga i le faalapotopotoga, ma ia faaaogā tatau le fesoasoani ua ofoina atu e toeaina.

Pese 58 (130) ma le tatalo faaiʻu.

Vaiaso e Amata ia Aokuso 24

Pese 96 (71)

5 min: Faasilasilaga masani.

15 minu: “Galulue ma le Uigā i Lea Fale ma Lea Fale.” Talanoaga i fesili ma tali. Faalaeiau le avea ma paeonia lagolago ia Setema. Ia faailoa atu faapea e masani lava i ē e paeonia lagolago ona tausisi i se tulaga maualuga o galuega, i masina o loo mulimuli mai.

15 minu: Ia Aauina atu Lau Fanau i le Aʻoga Faatasi ma Afioga a le Atua i o Latou Loto. Lauga a se toeaina. O loo tatou ola i se lalolagi ua mafuli atu i le taumafai e omia i tatou i ana faiga. Ma ua faapitoa lava ona moni o lenei mea i o tatou tagata talavou. E manaomia i mātua ona taunapa i o latou manaoga ma faafitauli. (Faata. 20:5) Ia aʻoaʻoina i latou i tulafono ma le alofa o le Atua faatasi ma le alofa faamatua mo a latou fanau. Faataʻitaʻiga: Talatalanoa e se aiga le auala e faaaogā ai le polosiua o le Aʻoga. Faatoʻā alu se tasi o le fanau i le aʻoga mo le taimi muamua, ae o isi tamaiti e toalua ua auai i le aʻoga mo ni nai tausaga. Filifili se manatu o le a fetaui lelei ma tulaga o tamaiti taitasi. Tuu atu i le fanau e faaleoina mai i latou lava i a latou lava upu, i le mātua o loo avea e pei o se faiaʻoga. Ia faamautinoa ua malamalama le fanau i mataupu silisili o loo aafia ai. Faalaeiau e le uso o loo taulimaina le vaega, suesuega faale-Tusi Paia faaleaiga ma ia faamamafa le manaoga mo mātua ina ia maua se faiā vavalalata moni ma a latou fanau.

10 minu: “Faaaogā le Tusi Ola e Faavavau i Toe Asiga.” Talanoa puupuu manatu i uluai palakalafa e lua. Ona faataʻitaʻi lea o se toe asiga e ala i le faaaogāina o le faafeiloaiga tuusaʻo e amataina ai se suesuega faale-Tusi Paia.

Pese 66 (129) ma le tatalo faaiʻu.

Vaiaso e Amata ia Aokuso 31

Pese 11 (29)

5 minu: Faasilasilaga masani.

15 minu: Po o E Agaʻigaʻi ea i Luma Faaleagaga? Talanoaga e faia e se toeaina. Pe na ausia ea e i latou o le faapotopotoga ni sini patino i le tausaga faaleauaunaga ua mavae? Afai e leai, o le ā le mafuaaga? Faailoa atu ni sini e mafai ona ausia. E manaomia le agaʻigaʻi i luma ina ia puipuia ai le itu faaleagaga. (Fili. 3:16) Faia se faataʻitaʻiga puupuu o se aiga, i le taimi o le suesuega faaleaiga, autalu la latou lava galuega i le faiva, ina ia faamautinoa ai po o gafea e mafai ai ona latou agaʻigaʻi i luma faaleagaga.

10 minu: Manaoga o le faapotopotoga pe talanoaina e se toeaina le galuega o le auaunaga i le fanua a le faapotopotoga.

15 minu: Faatomua Laʻu Tusi o Tala o le Tusi Paia ia Setema. Lauga ma faataʻitaʻiga. Saunia ni manatu e talanoa i ai ma ni faataʻitaʻiga e mafai ona faaaogā, pe a ofoina le tusi o Tala o le Tusi Paia. Ia faataʻitaʻi e se tagata talaʻi agavaa le ofo, e faaaogā ai le Faataoto 2:21, 22 ma le ata o loo i le tala e 115, ma faamatilatila ai, ua toeitiiti ona faataunuuina lea o le uluai fuafuaga a le Atua mo le foafoaina o le lalolagi.

Pese 57 (107) ma le tatalo faaiʻu.