Faasilasilaga

◼Lomiga e ofo mo Aokuso: E Mafai ona E Ola e Faavavau i Parataiso i Le Lalolagi. Setema: Laʻu Tusi o Tala o Le Tusi Paia. Oketopa: Tusiga o le Awake! po o Le Olomatamata po o mekasini uma e lua. E mafai ona faia tusiga mo le tausaga po o le ono masina, pe a maua e i latou e naunau moni. E lē o iai se fuafuaga mo le faia o ni tusiga i mekasini e faafa ona lomia i le tausaga. E lē taliaina foi ni tusiga e faia mo le sili atu i le tausaga. FAAALIGA: O faapotopotoga e leʻi talosaga mai mo lomiga o tauiviga ua taʻua i luga, e ao ona faia faapea i la latou Literature Request Form (S(d)-14) o le masina e sosoo ai.

◼E ao ia i latou uma o auai i se faapotopotoga ona faafou a latou tusiga o Le Olomatamata ma le Awake! e ala atu i le faapotopotoga.

◼O le a lē toe taliaina e le Sosaiete ni talosaga mo lomiga e faia e ni tagata talaʻi taitoatasi. O i latou e manaomia se lomiga e pei ona faaalia, e mafai ona logo atu i le auauna o tusi, o lē o le a na faaaofia ai loa i le talosaga o tusi a le faapotopotoga mo le masina.

◼O le a maua e faapotopotoga taitasi, kopi e tolu o le pepa, Literature Inventory ma e ao ona faia se faitauga saʻo o tusi mo le tauiviga. Faamolemole ia faatumu atoatoa mai pepa, ma ia auina mai ia i matou le pepa pito i luga a o leʻi mavae Setema 6, 1992. Tuu le pepa pito i lalo mo a outou faila. O loo matou auina atu foi se kopi lona tolu e fai ma pea e tusitusi ai.

◼Ua auina atu i faapotopotoga taitasi se aofaiga e lava ma totoe o pepa e faaaogā i le tausaga faaleauaunaga o le 1993. E lē tatau ona faamāumauina na pepa. E ao ona faaaogā mo na o le fuafuaga na fai ai.

◼E amata atu i le vaiaso o Aokuso 10, 1992, o le a talanoaina ai le tusi E Mafai ona E Ola e Faavavau i Parataiso i Le Lalolagi, i Suesuega Tau Tusi a le Faapotopotoga.

◼Ia Iulai ma Aokuso, ua aauina atu ai i faapotopotoga i Samoa ni pine fatafata mo le tauaofiaga itumalo o le 1992 i le faa-Peretania, faatasi ma lomiga o loo avatu ai. E lē tau manaomia ona talosaga mai mo na mea. O le a aauina atu ia pine e taʻi 25 i le fusi, e faalagolago i le aofai o le faapotopotoga. Afai e manaomia e se faapotopotoga ni pine fatafata faaopoopo, e ao ona talosaga mai i le Literature Request Form (S(d)-14). E tatau foi ona talosagaina ni pepa iila e tuu ai pine fatafata, mo so o se tasi i le faapotopotoga e manao i ai.

◼O le a maua e tagata uma aogā atoatoa mai le tala ua talafeagai lelei o le Tauaofiaga Itumalo “O Ē Faasusulu Atu le Malamalama,” e ala i le faitauina o le talafaasolopito sa faagaeeina ua faamauina i le 2 Tupu 22:1–23:23 ma le 2 Nofoaiga a Tupu 34:1–35:19 a o leʻi auai i le tauaofiaga.

◼Talu ai ona e na o le tolu aso o le tauaofiaga i lenei tausaga, o le a lē manaomia fua la ona tolopō le Suesuega Tau Tusi a le Faapotopotoga i le vaiaso o le tauaofiaga.