Autaluga o le Aʻoga o le Faiva Faatiokarate
Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Setema 7 e oo ia Tesema 21, 1992. Faaaogā se laupepa e tusia ai i lalo tali i le tele o fesili e te mafaia i le taimi faatulagaina.
[Matau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava sailiiliga totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.
Tali faamatalaga taitasi o loo i lalo i le Saʻo pe Sese:
1. E sili ona lelei pe a aʻo faatauloto se lauga ina ia lē toe faaaogāina ai ni faamaumauga. [sg itu. 63 pala. 17]
2. Ina ia faaleleia le tulaga o lou leo, e aogā ona puʻe lou lava leo ona e toe faalogologo lea i ai. [sg itu. 64 pala. 3]
3. E lē manaomia ona tatou faautauta pe a talanoa atu i sui o le aiga o ē lē talitonu. [sg itu. 72 pala. 12]
4. E aogā tele le faaaogā o fesili faatupu manatu, ina ia pāʻia ai le loto o le tagata. [sg itu. 76 pala. 10]
5. O le nofo ai pea i le aai o le sulufaiga, o le a lagona ai e le tagata fasioti tagata paʻi valea le matuiā o lana mea na fai ae maise le alofa mutimutivale o Ieova ua faataga atu ai ia te ia lea puipuiga. (Iosu. 20:6) [Faitau Tusi Paia faalevaiaso; vaai foi le w-E 1973 itu. 304.]
6. E pei ona faamatalaina i le tala a le Faamasino 6:37-39, sa fia lelei naʻua tele Kitiona. [Faitau Tusi Paia faalevaiaso; vaai le w-E 4/1/88 itu. 30.]
7. E ui lava e leʻi vaai tino Manoa i le Atua, ae na ia manatu sa ia vaai tino i ai ona sa ia vaai moni lava i le tino mai o se fofoga fetalai faaagelu a le Atua. (Faama. 13:22) [Faitau Tusi Paia faalevaiaso; vaai le w-E 5/15/88 itu. 23.]
8. E masani lava ona lē faitauina faatasi Samuelu ma ona atalii i faamasino o ē na auauna ina ua mavae Iosua. [Faitau Tusi Paia faalevaiaso; vaai foi le w-E 6/1/86 itu. 31.]
9. Sa saʻo le gaoioiga a Samuelu i le ofoina o taulaga, e ui e lē o ia o se faitaulaga, e pei ona faamauina i le 1 Samuelu 10:8. [Faitau Tusi Paia faalevaiaso; vaai foi le w-E 1971 itu. 478.]
10. O le tuuina atu e Ionatana o ona ofu talaloa, lana pelu, lona pulou, ma lona fusi ia Tavita, na ia faaalia ai lona amanaia ma le gauai atu ia Tavita o sē ua tofia e fai ma tupu. (1 Samu. 18:3, 4) [Faitau Tusi Paia faalevaiaso; vaai le w-E 1/1/89 itu. 24 pala. 4.]
Tali i fesili o mulimuli mai:
11. Aiseā na faatonuina ai ma le saʻo e Ieova le faaumatiaga aʻiaʻi mo tagata tapuai a Paala? [si itu. 47 pala. 7 (lomiga 1983, itu. 47 pala. 8)]
12. O ā aogā e lua o se lauga e fai faafuaseʻi? [sg itu. 59-60 pala. 5-7]
13. Ua faamatalaina faapefea le faautauta? [sg itu. 69 pala. 2]
14. A o aʻoaʻo atu i se tasi, aiseā e ao ai ona tatou taumafai ia fai e sili atu na i lo le tau ina avatu i ai le malamalamaga? [sg itu. 75 pala. 7, 8]
15. O le ā le mea e aofia i se talanoaga, e ese mai i le na ona tautala? [sg itu. 79 pala. 3]
16. Afai ua oo ina lē atiina aʻe talanoaga a se vaega o tagata, o le ā la tatou gaoioiga totino e fai i ai? [sg itu. 83 pala. 22]
17. Ona o le vaaiga i le Faamasino 4:4, pe mafai ona taʻua Tepora o se tasi o faamasino i Isaraelu anamua? Faamatala. [Faitau Tusi Paia faalevaiaso; vaai le w-E 6/1/86 itu. 31.]
18. Aiseā na alu ai Samasoni i le fale o se fafine talitane i le aai o Filisitia o Kasa? (Faama. 16:1) [Faitau Tusi Paia faalevaiaso; vaai foi le w-E 2/15/79 itu. 31.]
19. Aiseā na ‘faanoanoa ai Ieova i lona faapogaia o Saulo e fai ma tupu’? (1 Samu. 15:10, 11) [14, Faitau Tusi Paia faalevaiaso; vaai foi le g 3/22/77 itu. 28.]
Avane le upu po o le faaupuga manaomia e faauma ai fuaiupu taitasi o mulimuli mai:
20. O mea tutupu e ofoofogia le mataʻutia o loo faamauina i le Iosua 10:10-14 o ni faamanatuga malolosi ia o le ․․․․․․․. [si itu. 45 pala. 23 (itu. 46 pala. 23)]
21. E masani lava, e tatau ona ․․․․․․․ inisi le va o le fofoga (gutu) o se tasi mai le mea faaleotele leo. [sg itu. 68 pala. 19]
22. O le fesoasoani a le agaga o le Atua, tatou te mafai ai ona malolosi faaleagaga e pei ona malosi faaletino ․․․․․․․, pe afai tatou te tatalo atu ia Ieova ma faalagolago ia te ia. [si itu. 50 pala. 27 (itu. 50 pala. 28)]
23. Ua faamatilatila mai i le tusi a Ruta le fuafuaga a Ieova ina ia faatuina mai ․․․․․․․. [si itu. 51 pala. 1 (itu. 51 pala. 1)]
24. O le tala i le Faamasino 19:15 ua taʻua ai se tulaga e lē masani ai tagata Isaraelu i le lē taulau ona faaalia la latou tu masani o le ․․․․․․․. [Faitau Tusi Paia faalevaiaso; vaai foi le w-SM 1976 itu. 176.]
25. O le tulafono a le Atua i le ․․․․․․․ e lē mafai ona faataatia ese i taimi o faalavelave faafuaseʻi. (1 Samu. 14:31-34) [Faitau Tusi Paia faalevaiaso; vaai foi le w-SM 5/1/87 itu. 22.]
Fili le tali saʻo mai faamatalaga taitasi o mulimuli mai:
26. Na maeʻa le tusiaina o le Faamasino (e tusa o le 1090; e tusa o le 1100; 1078) T.L.M. [si itu. 46 pala. 3 ma le pusa (itu. 46 pala. 3)]
27. Na tuua e (Ruta; Raava; Tepora) lona nuu moni ina ia sailia le tapuaiga a Ieova ma faamaonia o ia o se tagata galue faamaoni, e gauai, ma loto malie. [si itu. 52 pala. 9 (itu. 52 pala. 9)]
28. I le tausaga e (917; 1017; 1117) T.L.M., na oo ai se suiga mataʻina i le faalapotopotoga faaleatunuu a Isaraelu. [si itu. 53 pala. 1 (itu. 53 pala. 1)]
29. O tusitala o le 1 Samuelu o (Samuelu; Kato; Natana; Tavita; Saulo). [si itu. 53 pala. 2 (itu. 53 pala. 2)]
30. O lē na ia faasili le faamamaluina o lona aiga na i lo le faamamaluina o le Atua o (Manoa; Eli; Saulo). (1 Samu. 2:29, 30) [Faitau Tusi Paia faalevaiaso; vaai foi le w-SM 7/1/88 itu. 16 pala. 8.]
Faafetaui mau o mulimuli mai i fuaiupu o loo lisi mai i lalo:
Iosua 22:9-31; Faama. 8:23; Ruta 2:9; 1 Samu. 21:13-15; Efe. 5:3, 4
31. Ua taʻitaʻia i tatou e le Afioga a le Atua i le ituaiga o tautala e ao ona alofia i o tatou olaga i aso fai soo. [sg itu. 56 pala. 9]
32. E lē faamaonia e Ieova le avea o fafine ma ē faapuapuagatiaina faaleituaiga. [Faitau Tusi Paia faalevaiaso; vaai foi le w-E 3/15/87 itu. 5.]
33. Pe a tatou fetaiaʻi ma faafitauli, e faatalitalia e Ieova i tatou ina ia faaaogā o tatou tomai faalemafaufau ae lē na o le faatalitali ia te ia e galueaiina mea mo i tatou. [Faitau Tusi Paia faalevaiaso; vaai foi le w-SM 12/1/87 itu. 19 pala. 14.]
34. E ao i tagata lē lelei atoatoa ona teena le tofotofoga o le faaaogā sese o le pule. [Faitau Tusi Paia faalevaiaso; vaai foi le w-E 8/15/86 itu. 11 pala. 13.]
35. O le a fesoasoani ia i tatou le faautauta e alofia ai le teu loto o ni lagona leaga mo gaoioiga a isi. [Faitau Tusi Paia faalevaiaso; vaai foi le w-SM 8/1/87 itu. 23 pala. 10.]