Sauniga mo le auaunaga ia Ianuari

Vaiaso e Amata ia Ianuari 4

Pese 9 (26)

10 minu: Faasilasilaga masani ma Faasilasilaga talafeagai mai La Tatou Faiva o le Malo.

25 minu: “Le ‘Loto’ i le Afioga a le Atua, le Tusi Paia.” Se lauga e talanoaina ai le eseesega o le fatu ma le loto [fatu faafaatusa]. Faaaogā faamatalaga mai Le Olomatamata faa-Peretania o Setema 1, 1984, itulau 3-7, 9, ma le Insight Tusi 1, itulau 1057-1058, e faavae aʻe ai le lauga. Fesoasoani i le aofia ina ia malamalama o le loto ua faaatagia mai ai le uiga faaletagata i totonu, ae o le fatu ua na o se tasi o vaega o le tino e faasino atu i ai. Ia faamamafa atu i tagata uma ina ia faaaogā le upu saʻo pe a faaaogā ia taʻu e lua.

10 minu: Manaoga o le faapotopotoga, po o se lauga e faaulutalaina faapea “Tausisia se Vaaiga Saʻo i Faafiafiaga,” e faavae i le Awake! o Novema 8, 1992, itulau 3-10.

Pese 74 (139) ma le tatalo faaiʻu.

Vaiaso e Amata ia Ianuari 11

Pese 89 (162)

10 minu: Faasilasilaga masani. Ia faailoa mai faatulagaga mo le auaunaga i le fanua mo le faaiʻuga o lenei vaiaso.

20 minu: “Talaʻi le Auala a le Atua i le Filemu ma le Saogalemu.” Faaaofia i fesili ma tali le talanoaina o le mataupu. Ia faalaeiau le au talaʻi e faaaogā sāvali i le auaunaga i le fanua. Pe a uma ona talanoaina le palakalafa e 3, ia faia e se tagata talaʻi ua lava saunia se faataʻitaʻiga o le auala e amataina ai se suesuega faale-​Tusi Paia a lē i le uluai asiasiga ia po o se toe asiga, e faaaogā ai le sāvali Po o le a Faasaoina ea Lenei Lalolagi? Tagata Talaʻi: “Talofa. O loo matou talanoa i tagata i le asō e faatatau i le tulaga o iai le olaga. O e fiafia ea e vaai atu i mea o loo tutupu i olaga o tagata i aso nei?” Lē Ona le Fale: “E leai.” Tagata Talaʻi: “E te manatu o le a faaleleia lea tulaga?” Lē Ona le Fale: “Ou te lē iloa.” Ofo e le tagata talaʻi le sāvali ma faapea atu: “Ua manatu nisi faapea o mea o loo tutupu, o faataunuuga ia o valoaga a le Tusi Paia ma e faapea ua lata mai le iʻuga o le lalolagi. O le ā sou manatu?” Lē Ona le Fale: “Tailo, ou te lē iloa. Ou te matea o le tulaga lena.” Ona faasino atu lea e le tagata talaʻi i le sāvali ma faamatala atu faapea, o le iʻuga o le lalolagi e lē o lona uiga o le iʻuga lea o le lagi ma le lalolagi faitino. Fuafua e le tagata talaʻi mo se isi asiasiga e talanoaina ai faamaoniga faale-Tusi Paia e iloa ai ua lalata mai le iʻuga o lenei faiga o mea.

15 minu: Alofia Faafitauli Tau i le Tuigatoto—O le Taimi Lenei e Toe Faafou ai la Tatou Advance Medical Directive. O le toeaina na te taulimaina lenei tofiga e ao ona ia te ia ni pepa fou e tufatufaina atu i tagata talaʻi papatisoina ma ia talanoaina ma le faaeteete le tusi na tuuina atu ia Oketopa 15, 1991, lea o loo faamatala atu ai le faaaogāina o nei pepa. I le faia o le sauniuniga, ia toe autalu ma le faaeteete le tusi a le Sosaiete o Ianuari 1, 1990. O i latou o loo saini e avea o ni molimau, e ao foi ona tagai totoʻa ua sainia e le tagata o loo umiaina lenei pepa faamaonia. Faalaeiau tagata uma ina ia faatutumuina pepa fou a o leʻi tuua le Maota o le Malo. E tatau lava i tagata talaʻi ua papatisoina ona aua neʻi tuua o latou fale e aunoa ma le aveina o a latou pepa Advance Medical Directive/Release. O fanau laiti e leʻi papatisoina a mātua Molimau e ao lava ona tauaveina se Pepa Faailoa (Identity Card). O se suesuega talu ai nei i se tasi faapotopotoga na iloa ai faapea e taitoʻa 1 mai le taitoʻa 5 tagata talaʻi sa leʻi aveina lana pepa faamaonia, ma e leai ma se tamaitiiti na iai sana Pepa Faailoa (Identity Cards). I le faaiʻuga, ia faitau ma faatatau le Faataoto 22:3.

Pese 25 (151) ma le tatalo faaiʻu.

Vaiaso e Amata ia Ianuari 18

Pese 58 (130)

10 minu: Faasilasilaga masani ma Tala Faatiokarate. Faitau le tala o le tupe ma ni faailoaga a le Sosaiete mo meaalofa tauofo. Ia faamalō i le faapotopotoga mo le lagolagosua faamaoni i tulaga tautupe a le faapotopotoga faapea foi ma le galuega a le Sosaiete i le lalolagi aoao.

20 minu: “Ia Faaaogā ma le Atamai Mea Faigaluega e Sili ona Tāua.” Pe a uma se upu tomua puupuu mai le taʻitaʻifono, ona faia lea o ni faataʻitaʻiga se lua e faavae i mataupu o loo otooto mai i le palakalafa e 2 e oo i le 5. I le faaiʻuga o le uluai faataʻitaʻiga, ia talia e lē ona le fale mekasini e lua, fesili atu mo le tau, ma ia faia se meaalofa tauofo i le galuega i le lalolagi aoao. E folafola atu e le tagata talaʻi lona toe foi atu e tali le fesili, Aiseā ua faataga ai e le Atua mafatiaga? I le faaiʻuga o le faataʻitaʻiga lona lua, ia amata ai se suesuega faale-Tusi Paia i le aiga i se sāvali talafeagai. Ia faalaeiau tagata uma ina ia faaaofia ē ona fale i talanoaga faale-Tusi Paia pe a galulue i le auaunaga i le fanua i le faaiʻuga o lenei vaiaso.

15 minu: Le Pogai e Faamamao Ese ai Kerisiano Mai le Toto. Lauga e faia e se toeaina e faavae i le faamatalaga ma uluai ulutala e tolu i lalo o le “Toto” i le tusi Reasoning, itulau 70-72.

Pese 104 (175) ma le tatalo faaiʻu.

Vaiaso e Amata ia Ianuari 25

Pese 64 (127)

10 minu: Faasilasilaga masani. Ia talanoaina manatu autū mai le mataupu “Se Faaeaga Lelei o le Auaunaga.” A lava le taimi, ia faatalanoa se tagata talaʻi e iai se ālā mekasini mautū. Na faapefea ona ia amataina? Ua faapefea ona fesoasoani ia te ia e atiina aʻe se naunau pe iloa manino ai le faateleina o le naunau o lē ona le fale?

15 minu: “Pe Mafai ea ona E Auauna ia Ieova i le Avea ma Paeonia?” Se talanoaga ma le aofia. Ia faatalanoa se talavou o paeonia sauatoa po o se tagata talaʻi o lē sa paeonia a o talavou. Ia faamatilatila pe faapefea i mātua ma isi ona faamalosiau i talavou ina ia ausia lo latou sini o le avea ma paeonia. Ia talosaga atu ma le mafana i tagata uma ina ia iloilo totoʻa pe e mafai ona latou auai i le auaunaga faataimi atoa. Ia fuafua nei e paeonia lagolago ia Aperila.

20 minu: “Ia Atiina aʻe le Naunau e Ala i le Faia o ni Toe Asiga Uigā.” Faia se lauga puupuu ona sosoo mai ai lea o se faataʻitaʻiga o le talanoaga o loo otooto mai i le palakalafa e 3. A lava le taimi, e mafai ona toe taʻua ni manatu autū o le taulimaga, e pei o le faatomuaina po o le fesuiaiina o mau.

Pese 88 (160) ma le tatalo faaiʻu.