Faasilasilaga

◼ Lomiga e ofo ia Ianuari: Le Manuia Moni ma Le Saogalemu—Mai le ā Le Puna?, Faia o Lou Olaga Faaleaiga ia Fiafia, Agaga Paia—Le Malosi i Tua o Le Faiga Fou o Loo Sau! po O Le Upu Moni E Taʻitaʻi Ai I Le Ola Faavavau. Mo i latou o ē tautatala i le gagana Peretania, ofo i ai le tusi The Greatest Man Who Ever Lived. Fepuari: E Mafai ona E Ola e Faavavau i Parataiso i Le Lalolagi. FAAALIGA: O faapotopotoga e manaomia ni tusi e pei ona taʻua i luga mo le ofo, e ao ona talosagaina i le isi a latou Literature Request Form (S(d)-14) o le masina e sosoo ai.

◼ E amata ia Fepuari, ma e lē silia Mati 7, le lauga lautele fou mo ovasia matagaluega o lona matua “Vaai atu i Talavou e Tusa ma le Silafaga a Ieova.”

◼ O le lauga lautele faapitoa mo le vaitaimi o le Faamanatuga i le 1993, o le a fofogaina atu i le lalolagi aoao i le Aso Sa, Mati 28. O le matua o le lauga “ ‘O Galuega a le Atua’—O le ā Lou Manatu i Ai?” O le a saunia se auivi. O faapotopotoga o loo asiasia e le ovasia matagaluega, o loo faia se fonotaga matagaluega, po o se fonotaga o le aso faapitoa i le faaiʻuga o lena vaiaso, o le a faia la latou lauga faapitoa i le vaiaso e sosoo mai ai. E lē tatau i se faapotopotoga ona faia le lauga a o leʻi oo i le aso 28 o Mati.

◼ E amata ia Ianuari 1, 1993, ona maua lomiga o Le Olomatamata i le gagana Lithuania, ma ua maua ai le 112 o le aofai o gagana ua lomia ai lenei mekasini. Ia Ianuari foi o le a maua ai e faalua i le masina lomiga o Le Olomatamata i le gagana Telugu.

◼ Tusi fou ua maua nei:

Tongan: E Mafai ona E Ola e Faavavau i Parataiso i Le Lalolagi. Tuvaluan: Po o le a Faasaoina ea Lenei Lalolagi? (Sāvali Nu. 19); Faamafanafanaga mo Ē Loto Mafatia (Sāvali Nu. 20); Olioli i le Olaga Faaleaiga (Sāvali Nu. 21); O Ai Moni o loo Pulea Le Lalolagi? (Sāvali Nu. 22); Spirits of the Dead.

◼ E amata i le masina nei, o le a matou saunia se faaopoopoga i masina taitasi i La Tatou Faiva o le Malo, o mataupu faasuesuega mai le tusi o le School Guidebook, o loo talanoaina ai uiga eseese i le faia o lauga.