Faasilasilaga

◼ Lomiga e ofo ia Fepuari: E Mafai ona E Ola e Faavavau i Parataiso i Le Lalolagi. Mati: Faia o Lou Olaga Faaleaiga ia Fiafia. Aperila ma Me: Tusiga o Le Olomatamata. FAAALIGA: O faapotopotoga e manaomia ni tusi e pei ona taʻua i luga mo le ofo, e ao ona talosagaina i le isi a latou Literature Request Form (S(d)-14) o le masina e sosoo ai.

◼ E ao i le failautusi ma le ovasia o le auaunaga ona autalu le gaoioiga a paeonia uma sauatoa. Afai o iai ni tulaga faigata i nisi i le ausiaina o itula manaomia, e ao i toeaina ona fuafua e avatu i ai se fesoasoani. Mo ni fautuaga, ia autalu tusi a le Sosaiete, le (S-201) o Oketopa 1, 1992, ma Oketopa 1, 1991. Ia tagai foi i le palakalafa e 12-20 o le faaopoopoga o La Tatou Faiva o le Malo o Aokuso 1986.

◼ O le faamanatuina o le Faamanatuga, o le a faia i le Aso Lua, April 6, 1993. E ui lava e mafai ona vave amata le lauga, ae faamolemole ia manatua o le tautūina atu o le uaina ma le areto e lē tatau ona amataina seiloga e mavae le goto o le la. Ia siaki i le ofisa o vaaitau i lou atunuu ina ia faamautinoa po o le ā tonu le taimi e goto ai le la i lou vaipanoa. E leai ni sauniga e faia i lena aso seʻi vagana ai le faatasiga mo le auaunaga i le fanua. Afai e masani ona faia sauniga a la outou faapotopotoga i le Aso Lua, atonu la tou te mananao e sui i se isi aso o le vaiaso pe afai e avanoa le Maota o le Malo. Ae afai e aafia ai la outou Sauniga o le Auaunaga, atonu e mafai ona faaofi nisi o vaega ua faatulagaina mo lena vaiaso, na e talafeagai lelei ma la outou faapotopotoga, i se isi Sauniga o le Auaunaga. O faapotopotoga o fetaui ma le asiasiga a le ovasia matagaluega, e ao ona toe faia se fetuunaiga o sauniga na e masani ona faia i le afiafi o le Aso Lua.

◼ O tagata talaʻi o ē mananao e fia paeonia lagolago ia Mati ma Aperila, e ao ona faia nei a latou fuafuaga ma vave ona tuu atu tusi talosaga. O le a fesoasoani lenei mea i toeaina e faia ai faatulagaga manaomia i le auaunaga i le fanua, ma ia lava ni lomiga o iai.