Sauniga o le Auaunaga mo Mati

Vaiaso e Amata ia Mati 1

Pese 9 (26)

15 minu: Faasilasilaga masani ma Faasilasilaga mai La Tatou Faiva o le Malo. Ia faamatilatila mai Tala Faatiokarate, e faamamafa ai le auala ua faamanuia ai e Ieova ana auauna i itu eseese o le lalolagi. E mafai foi ona faaaofia ai ni mea na tutupu a tagata o le faapotopotoga pe a talafeagai.

15 minu: “Ia Fai atu Pea: ‘Ina Sau Ia’!” Ia talanoaina i fesili ma tali. Pe a talanoaina le palakalafa e 4, ia faamatilatila mai e se tagata talaʻi ua lava saunia ni nai manatu mai le mataupu e 42 o le tusi Revelation Climax, i palakalafa e 6-10, na o loo talanoaina ai le Faaaliga 21:4-6.

15 minu: “Ia Fesuisuiai Ou Tomai i Lau Faiva.” O se lauga, ma sina sao o le aofia. Faaaofia ai ni faataʻitaʻiga pupuu se lua pe a talanoaina palakalafa e 3-5. Pe a faataʻitaʻia le manatu i palakalafa e 4 ma le 5, ia faaali atu pe mafai faapefea ona galulue faatasi se tagata talaʻi matua ma se tagata talaʻi talavou i le faiva mai lea fale i lea fale, e pei ona faamatala mai i le mataupu. Ia faamamafa le manaomia ona mauaina le olioli i le faiva e tusa lava po o ā iʻuga e oo i ai.

Pese 61 (114) ma le tatalo faaiʻu.

Vaiaso e Amata ia Mati 8

Pese 66 (129)

5 minu: Faasilasilaga masani. Taʻu atu le aofai o paeonia lagolago ua faamaonia mo Aperila. Ia faamalosiau atu ia i latou ua fuafua e paeonia ina ia vave ona faafoi ane a latou pepa talosaga.

20 minu: “Pe Mafai ona Sili atu Nisi Mea E te Faia e Āva ai ia Ieova?” Talanoaina i fesili ma tali palakalafa 1 e oo i le 10.

20 minu: Fesoasoani atu i a Tatou Tagata Aʻoga o le Tusi Paia. O se talanoaga ma le aofia e faamamafa ai le manaomia ona faia ni fesoasoani atili i tagata aʻoga o le Tusi Paia e sili atu na i lo le na ona faia o le suesuega. (1 Tesa. 2:8) Faaavanoa se taimi e faateleina ai le faanaunauga mai le loto ina ia auai atu ma faia se sao i sauniga. Ia faatupuina se talisapaia mo le faalapotopotoga ma le aufaatasiga o uso faavaomalo, e ala i le faamatala atu i ai o fonotaga matagaluega, o aso faapitoa o fonotaga, ma tauaofiaga itumalo. Atonu e te lua matamata faatasi i ata vitiō o le Jehovah’s Witnesses—The Organization Behind the Name, Purple Triangles, ma le The Bible—Accurate History, Reliable Prophecy, ma vaili mai ai i mafaufau o tagata aʻoga ni mea ua latou aʻoaʻoina mai nei ata. Ia faailoa faasolosolo atu i ai le auala e mafai ona latou tufa atu ai i isi i se tulaga lē fuafuaina mea ua latou aʻoaʻoina. O tagata aʻoga o le Tusi Paia ua ausia manaoga na o loo otooto mai i itulau e 98 ma le 99 o le tusi Our Ministry ma o ē foi ua faanaunau e faia se sao i le faiva i le lautele, e tatau ona fesoasoani atu i ai ina ia avea ma ni tagata talaʻi e leʻi papatisoina. E tāua le faaalu o se taimi a o faia le suesuega po o le maeʻa foi o le suesuega, ina ia fesoasoani ai i tagata aʻoga e atiina aʻe se naunau mo le tuuina atu ma le papatisoga. E mafai ona faaali atu i tagata aʻoga ata po o ni mataupu o i nusipepa o loo taʻua ai papatisoga sa faia i a tatou tauaofiaga. Se faataʻitaʻiga: O loo fesoasoani atu le tagata talaʻi i se tagata aʻoga o le Tusi Paia i le faapefea ona talaʻi lē fuafuaina. Filifili ni manatu e aogā i le fanua mai le tusi Ola e Faavavau ona faapea atu lea: “E lelei pe a tufa atu lena manatu i nisi o ou aiga po o tuaoi. Atonu e te taʻu atu ia i latou faapea na e aʻoaʻoina mai le Tusi Paia se mea sa e leʻi iloaina muamua.” Ia faalaeiau atu i tagata talaʻi ina ia fesoasoani i tagata aʻoga o le Tusi Paia, e ala i le faasalafa atu i ai o le manatu mamafa ma le alofa e tusa lava pe ua uma ona papatisoina.

Pese 63 (123) ma le tatalo faaiʻu.

Vaiaso e Amata ia Mati 15

Pese 96 (71)

10 minu: Faasilasilaga masani, e aofia ai le tala o le tupe ma le taliaina aloaia o foai. Ia faasino atu i le ulutala “O se Feau ua Sili ona Talafeagai” o loo i le pito i lalo o lenei vaega. Faalaeiau i tagata uma ina ia tusi i lalo le matua o le lauga faapitoa ia Mati 28 ma ia valaaulia ē naunau ina ia auai.

15 minu: “Fesoasoani i Ē Uma ua Faaalia le Naunau.” O se lauga, ma sina sao o le aofia. Talanoaina mau o loo sii mai pe a lava le taimi. Faia se faataʻitaʻiga i manatu mai le palakalafa e 3. Faamatilatila le manaomia ona tuli tatao le naunau o i latou o le taimi muamua lea ua auai atu ai.

20 minu: “Pe Mafai ona Sili atu Nisi Mea E te Faia e Āva ai ia Ieova?” Talanoaina i fesili ma tali palakalafa 11 e oo i le 22.

Pese 10 (32) ma le tatalo faaiʻu.

Vaiaso e Amata ia Mati 22

Pese 37 (66)

10 minu: Faasilasilaga masani. Pusa Fesili. Faalaeiau i tagata uma e fuafua ina ia faateleina se sao e faia i le faiva ia Aperila.

20 minu: Tausiga mo Ē ua Matutua. O se talanoaga ma ni faatalatalanoaga e faia e ni uso se toalua. I le Tauaofiaga Itumalo ua mavae atu “O Ē Faasusulu atu le Malamalama,” na faia ai i le taeao o le Aso Sa ni lauga faasolo sa faatomua ai le matua “Ia Fetausiai i Totonu o se Auaiga Kerisiano.” I le vaega faaiʻu “I le Tausia o Ē ua Matutua” sa faamamafaina ai le sao tāua ua faia e tagata matutua i le aiga ma le faapotopotoga foi. (Faata. 16:31) O ā auala e mafai ona tatou fesoasoani atu ai i ē matutua? O le aiga o loo iai le tiute tauave autū. (1 Timo. 5:3, 4, 8, 16) E manaomia le onosai ma le alofa. Ua iai i fanau matutua ma fanau a fanau, se avanoa e faaali atu ai le talisapaia mo tausaga e tele ua tuanai sa faaalia ai e mātua ma tuaʻa o mātua le alofa, o galuega ma tausiga. (w 6/1/88 13-18) E mafai foi ona fesoasoani atu le faapotopotoga i ē ua matutua. Atonu e manaomia e nisi se fesoasoani i le sauniunia o a latou pepa mo le mauaina o fesoasoani mai le malo. Ia faaalia i ai le agaga talimālō, i le valaaulia lea o i latou mo ni taumafataga ma ni faatasitasiga. (Roma 12:13) Fesoasoani atu ia i latou i le faiva i le fanua. Fuafua se auala e momoli atu ai i latou i sauniga ma fonotaga. Fesoasoani atu i le faia o a latou faatauga ma le teuina o o latou fale. (w 6/1/88 4-7) Ia faaalia pea le faaaloalo i tagata matutua. (1 Timo. 5:1, 2) Ia faatalatalanoa se tagata matua pe toalua foi o ē o loo avea o ni faaaʻoaʻoga lelei. Faamatilatila ni auala ua la maua ai aogā mai le agalelei ua faaalia atu i ai e o la aiga ma le faapotopotoga.

15 minu: E faatalatalanoa e se toeaina ni tagata talaʻi se toatolu pe toafā o ē o le a paeonia lagolago ia Aperila, po o i latou foi sa paeonia i le taimi ua tuanai. O le ā na uunaia ai i latou ina ia paeonia? O ā ni a latou fuafuaga mo Aperila? Ua fesoasoani faapefea le paeonia lagolago ia i latou lava? Ia faalaeiau ia i latou uma ua fuafua e paeonia lagolago i le masina o sosoo mai, ina ia faatumu le pepa talosaga ma vave ona faafoi ane.

Pese 92 (172) ma le tatalo faaiʻu.

Vaiaso e Amata ia Mati 29

Pese 46 (105)

10 minu: Faasilasilaga masani. Faamanatu atu i tagata uma ina ia valaaulia tagata fiafia ma tagata aʻoga o le Tusi Paia mo le faamanatuina o le Faamanatuga. Ia faaaogā lelei pepa valaaulia. Faalaeiau i tagata talaʻi e tusi lelei i pepa valaaulia le taimi o le Faamanatuga ma le nofoaga o le a faamanatuina ai.

25 minu: “Le Faamanatuina o le Maliu Lea ua Aumaia ai le Faamoemoe o le Ola e Faavavau.” Talanoaina i fesili ma tali, e faia e le ovasia taʻitaʻi. Ia faaaofia ai manatu o loo i le pusa “Sauniuniga mo le Faamanatuga.” Pe a uma ona talanoaina le palakalafa e 5 o le mataupu, ia faia se faataʻitaʻiga o loo valaaulia ai e se tagata talaʻi se tagata aʻoga o le Tusi Paia mo le Faamanatuga. E faamatala atu e le tagata talaʻi le fuafuaga mo le faitauina o mau o le Tusi Paia na ua filifilia a o faagasolo Aperila 1-6 ma ofo atu i ai se auala e malaga mai ai.

10 minu: Faatomuaina Le Olomatamata ia Aperila. Ia faamatilatila ni manatu autū ma ni mataupu patino mo talanoaga, na e mafai ona faatomua atu i le masina. Ia mataala e tataʻi atu manatu i faamatalaga o loo iai i mekasini e fetaui mo so o se ituaiga o tulaga.

Pese 47 (87) ma le tatalo faaiʻu.