Fautuaga mo Aso Malōlō
1 E iai taimi o le a tatou ō ese mai ai i a tatou faapotopotoga i vaitaimi o faigamalōlōga, e pei o le auai atu i tauaofiaga itumalo. Afai ua tatou ō ese atu, e ao ona mautinoa le tuuina mai o a tatou lipoti o le auaunaga i le fanua i le failautusi o le faapotopotoga, i iʻuga o masina taitasi o le a e alu ese ai. E ao ona vave fai lenei tulaga ina ia faaaofia ai i le lipoti faalemasina a le faapotopotoga, lea e tuufaatasia e le failautusi ma auina atu i le Sosaiete i le aso lona ono o le masina.
2 E manaomia foi lo tatou nofouta i avanoa e molimau atu ai lē fuafuaina. Atonu e maua na avanoa a o faimalaga, a o asiasi atu i aiga, po o le talanoa atu i isi tatou te feiloai. Pe tatou te manatu ea i avanoa e molimau atu ai, e pei ona sa manatu i ai Iesu? Sa leʻi faatautū o ia i le molimau atu lē fuafuaina. (Ioane 4:5-30) Sa faapena foi i le aposetolo o Paulo ona ia ‘puʻeina le taimi avanoa’ ma olioli ai i ni iʻuga lelei. (Efe. 5:16; Galu. 17:17; 28:30, 31; Kolo. 4:5) Ia faia ni fuafuaga maʻoti ina ia molimau atu ai lē fuafuaina. Ia sauniuni lelei i ni manatu mo talanoaga e fetaui lelei, ma ia faatagataga se mekasini po o se sāvali e faagaee ai le naunau fiafia.
3 O le mulimuli atu ma le faaeteete i nei fautuaga, o le a tatou mautinoa ai le faaaogāina ma le atamai o o tatou taimi o faigamalōlōga ma o le a tatou foai atu ai ia Ieova ‘uluai fua’ o a tatou galuega.—Faata. 3:9.