Sauniga o le Auaunaga mo Iulai

Vaiaso e Amata ia Iulai 5

Pese 68 (133)

10 minu: Faasilasilaga masani ma Faasilasilaga e fetaui mo le faapotopotoga mai La Tatou Faiva o le Malo. Sauniuni ni tagata talaʻi e toalua pe toatolu e fai ni o latou manatu i le auala latou te faaaogā lelei ai lomiga tuai o mekasini.

15 minu: “Faatomuaina o Polosiua e Sailia ai Ē Naunau Fiafia.” Ia faia i fesili ma tali. O polosiua ua faasino i ai le palakalafa e 5 o le: Pe Ao ona E Talitonu i le Tolutasi?, Po o Silasila Alofa mai ea le Atua ia i Tatou?, ma le Malo O le a na Aumaia Le Parataiso. Ia taʻu atu i le faapotopotoga polosiua o loo maua, ma fesiligia ni o latou manatu po o ā polosiua o le a sili ona talafeagai mo le oganuu a le faapotopotoga. Ia matuā faalaeiau atu i uso ina ia faia so latou sao atoatoa i le ofoina atu o polosiua ia Iulai. Ia taʻu atu foi faapea, o le tele o taimi e mananao ai tagata o ē taliaina se polosiua, ina ia mauaina foi ni mekasini.

20 minu: “Le Faaaogāina ma le Uigā o Polosiua ia Iulai.” Talanoaina ma le faapotopotoga manatu tāua, ma faataitai taulimaga o i palakalafa e 3, 5, ma le 7. Ia faalaeiau le faia o ni sauniuniga lelei.

Pese 91 (98) ma le tatalo faaiu.

Vaiaso e Amata ia Iulai 12

Pese 9 (26)

10 minu: Faasilasilaga masani. Faitau atu le tala o le tupe ma so o se taliaina aloaia o foai tauofo. Faamanatu i le faapotopotoga fuafuaga mo le auaunaga i le fanua ma talanoaina ni manatu eseese mai mekasini e ono faia ai ni talanoaga.

20 minu: “Le Toe Foi atu e Faagaee le Naunau Fiafia i le Tusi Paia.” Pe a maea se faatomuaga puupuu, ia faataitai le toe asiasi atu i se tasi o lē na naunau fiafia ae na te leʻi taliaina se lomiga. Ia faataitai foi le auala e toe asiasi atu ai i se tagata o lē sa tele ana mea na fai, ma sa lē mafai ai ona talanoa, ae na ia taliaina le sāvali O Ai Moni o loo Pulea le Lalolagi? I faataitaiga taitasi, ia faaalia le auala e amata ai e le tagata talaʻi se talanoaga ma faagaeeina ai le naunau fiafia.

15 minu: Manaoga o le faapotopotoga, po o le faatalatalanoa o se tagata talaʻi e toatasi pe toalua i le auala na la aʻoaʻoina ai le upu moni. E ao ona lava se taimi e muai filifilia ai na talaaga o le olaga, ma ia faaalia mai ai le uigā o le faiva.

Pese 8 (34) ma le tatalo faaiu.

Vaiaso e Amata ia Iulai 19

Pese 21 (47)

15 minu: Faasilasilaga masani. Tala Faatiokarate. Talanoa ma le aofia le “Polokalama Fou mo Fonotaga Matagaluega.”

15 minu: “Pe Mafai ona E Faia?” Talanoa ma le aofia. Faatalanoa se paeonia sauatoa e toatasi pe toalua, po o se tagata talaʻi e toatasi pe toalua o ē e masani ona paeonia lagolago. Ia latou faamatala mai le auala na latou filifili ai e faia nisi mea se tele, ma le auala latou te faamaopoopoina ai a latou galuega.

15 minu: Lauga a se toeaina e faatatau i le tumama totino, e faavae mai Le Olomatamata o Tesema 1, 1989, itulau e 23-28. E ao ona fai atu le lauga i se uiga agalelei ma ia faautauta lelei.

Pese 81 (165) ma le tatalo faaiu.

Vaiaso e Amata ia Iulai 26

Pese 95 (170)

10 minu: Faasilasilaga masani. Talanoaina e se toeaina le lipoti o le auaunaga i le fanua a le faapotopotoga ia Iuni, ma faamālō ma faalaeiau atu. Ia talanoaina foi ni manatu talafeagai se lua pe tolu mo ni talanoaga mai mekasini, e faaaogā i le auaunaga i le fanua i le faaiuga o lenei vaiaso.

15 minu: “Koluse” (“Cross”), i le Reasoning, itulau e 89-93. Ia taulima e pei o loo faia se toe asiga i lē ona le fale sa ia talia le polosiua o le “Faauta!” E faasino atu lē ona le fale i le itulau e 17 o le polosiua ma fesili pe aisea ua tusia ai le ata o Iesu o loo faatautau i le satauro na i lo o le koluse. Ia faaaogā e le uso le tusi Reasoning e fesoasoani atu ai i lē ona le fale ina ia malamalama i le manatu o le Tusi Paia.

20 minu: “Le Faaaogāina Lelei o Le Olomatamata ma le Awake!” O se talanoaga i fesili ma tali. Ia fesoasoani i tagata uma e talisapaia le tele o avanoa e mafai ona tatou tufa atu ai mekasini i aso taitasi, e lē gata i lomiga fou a o lomiga tuai foi.

Pese 103 (193) ma le tatalo faaiu.