Faasilasilaga

◼ Lomiga e faaaogā a o faagasolo Fepuari: E Mafai ona E Ola e Faavavau i Parataiso i Le Lalolagi. Mati: Lou Talavou—Mauaina mai ai Aogā Silisili. Aperila ma Me: O mekasini o Le Olomatamata, le Watchtower, ma le Awake! ma so o se polosiua (vaganā le polosiua o Aʻoga). MĀTAU: O faapotopotoga e manaomia lomiga ua taʻua i luga mo tauiviga, e ao ona talosagaina i la latou Literature Request Form (S(d)-14) faalemasina o sosoo ai.

◼ E ao i le failautusi ma le ovasia o le auaunaga ona autalu galuega a paeonia sauatoa uma. A iai se faafitauli o se tasi i le ausia o itula manaomia, e ao ona fuafua e toeaina se fesoasoani. Mo fautuaga, autalu tusi a le Sosaiete (S-201) o Oketopa 1, 1993, ma Oketopa 1, 1992. Tagai foi i palakalafa 12-20 o le faaopoopoga o La Tatou Faiva o le Malo o Aokuso 1986.

◼ O le faamanatuina o le Faamanatuga o le a faia i le Aso Toonai, Mati 26, 1994. E ui e ono vave amata le lauga, faamolemole ia manatua, o le pasiaina o le uaina ma le areto o le Faamanatuga e lē tatau ona amata seia mavae le goto o le la. Siaki auala masani i lo outou nofoaga e fuafua po o le ā le taimi e goto ai le la i lo outou vaipanoa. E leai ni sauniga e faia i lena aso vaganā le auaunaga i le fanua. Afai e masani ona faia sauniga a la outou faapotopotoga i le Aso Toonai, atonu tou te mananao e suia i se isi aso o le vaiaso pe a avanoa le Maota o le Malo.

◼ O le au talaʻi o ē e mananao e auauna o ni paeonia lagolago ia Mati ma Aperila, e tatau ona faia nei a latou fuafuaga ma faaoo vave mai a latou talosaga. O le a fesoasoani lenei i le autoeaina e faia fuafuaga manaomia mo le auaunaga i le fanua ma ia lava ma totoe lomiga.

◼ O se isi tatalaga i diskette mo komepiuta ua avanoa: GetVerse. O lenei polokalama fou e mafai ai i se tagata e faaaogāina se komepiuta ona tuusao i totonu mau o le Tusi Paia i le tele o masini lolomi DOS. E aogā lenei i le saunia o lauga po o le faia o ni lisi o mau. Na o le gagana Peretania e maua ai le GetVerse i diskette e tasi 5 1/4-inisi 360-kilobyte po o le 3 1/2-inisi 720-kilobyte. Pe a faaaogā lenei polokalama, e tatau ona iai sau kopi o le New World Translation of the Holy Scriptures—With References po o le New World Translation of the Holy Scriptures—With References/Insight on the Scriptures ua i totonu ma galueaiina i lau komepiuta.