Faasilasilaga

◼ Lomiga e faaaogā i a Ianuari: So o se tusi faa-Samoa e 192 itulau na lomia i luma atu o le 1985 atonu o loo iai i le faapotopotoga. O faapotopotoga e lē o iai ni tusi tuai, e tatau ona ofo le tusi “Ia Oo mai Lou Malo.” Fepuari: O le a ofoina ai le tusi, E Mafai ona E Ola e Faavavau i Parataiso i Le Lalolagi. E ao ona tuliloa ni tusi na tuu e ala i le faia o ni toe asiga, ma e tatau ona faia ni taumafaiga ina ia amataina ni suesuega faale-Tusi Paia. Mati: O le tusi, Lou Talavou—Mauaina mai ai Aogā Silisili. Aperila ma Me: O mekasini o Le Olomatamata, le Watchtower ma le Awake! Mo oganuu ua galueaiina soo, so o se polosiua (vaganā le polosiua o Aʻoga) e mafai ona faaaogā. Afai e maua ni tagata loto fiafia pe a faia toe asiga, e mafai ona ofoina i ai tusiga. MĀTAU: O faapotopotoga e leʻi faia mai ni a latou ota o lomiga o loo taʻua atu i luga mo le ofo, ua tatau ona faia loa i la latou Literature Request Form (S(d)-14) faalemasina lea o le a sosoo ai. O lomiga i tua atu o le 1985 e pei ona taʻua i luga, e lē o toe maua i le lālā.

◼ E tatau i faapotopotoga ona faia ni fuafuaga talafeagai mo le faamanatuina o le Faamanatuga i lenei tausaga, i le Aso Faraile, Aperila 14, pe a goto le la. A o iai le faanaunauga mo faapotopotoga taitasi ina ia faia la latou lava Faamanatuga, ae atonu e lē mafai ona faia o lenei mea. I vaipanoa e masani ona faaaogā e ni faapotopotoga e sili atu i le tasi le Maota o le Malo e tasi, atonu e mafai ona faaaogā e se faapotopotoga se tasi pe sili atu foi se isi fale mo lena po. E lē tatau ona tuai naua ona amataina le Faamanatuga, ina ia mafaia ai e tagata fiafia fou ona auai. E lē gata i lea, e lē tatau ona feomai le faasologa, ma leai ai se taimi e faafeiloai ai tagata asiasi a o leʻi amataina ma pe a uma foi le sauniga i le faia o ni fuafuaga e faaauau ai pea le fesoasoani faaleagaga mo nisi, pe olioli foi i le fefaamafanafanaai i faalaeiauga. Pe a uma ona iloilo maeʻa vala uma, e tatau la i toeaina ona filifili po o ā ni faatulagaga e sili ona fesoasoani ai i a i latou na auai i le Faamanatuga ina ia maua atoatoa aogā mai lea sauniga.

◼ I le Aso Sa, Aperila 23, 1995, o le a fofogaina atu ai se lauga lautele faapitoa i faapotopotoga uma. O lona matua “Ua Lata mai le Iuga o Lotu Sese.” Ia mautinoa ua valaaulia i latou uma na auai i le Faamanatuga i lenei tausaga. O le a faia se taumafaiga faapitoa e fesoasoani ai i le faitau miliona o tagata aʻoga o ē o faia ni ā latou suesuega faale-Tusi Paia i aiga. O faamatalaga o le a fofogaina atu pe a uma le sauniga i lena aso, o le a faagaeetia ai i latou faapea ma o tatou uso i se tulaga lautele ina ia āloālo atu i le faia o se sao i le tufatufaina atu o se sāvali faapitoa. I le taimi lava lea, o le a faailoa mai ai foi ma faafitauli o loo faafesagai ma tagata taitoatasi, ma le manaoga ina ia gaoioi ma le poto e ogatasi ma le Afioga a le Atua.

◼ O le a amata atu i a Fepuari, e lē silia le aso 5 o Mati, o le a fofogaina atu ai e ovasia matagaluega le lauga lautele fou o lona matua, “Ua Manumalo Aʻoaʻoga Mai le Atua i le Lalolagi Aoao.” O le a taulimaina lenei lauga i ni ata lē gaoioi e faamatilatila ai Tauaofiaga faapitoa faavaomalo ia na faia i le vaitaimi o tausaga faaleauaunaga i le 1993 ma le 1994. I vaipanoa ia o le a lē mafai ona faaali ai ata seia oo i se taimi mulimuli ane, o le a fofogaina atu ai e ovasia matagaluega le lauga, “Ia Faatuatua i le Atua o Faamafanafanaga Uma,” ma faaauau ai pea seia oo i le taimi e mafai ai ona maua ata. Pe afai e maua e faapotopotoga uma le lauga e faaalia ai ata, o le a faaauau e le ovasia matagaluega ona fofogaina atu le lauga “Ia Faatuatua i le Atua o Faamafanafanaga Uma” seia oo i le isi faasologa fou o lauga a le ovasia matagaluega mo le amataga o le 1996.

◼ I le Sauniga o le Auaunaga i le vaiaso o Ianuari 9, e ao ona faamautinoa ua tuu atu i tagata talaʻi papatiso uma lava e auai i lea sauniga se kopi totino o le pepa Advance Medical Directive/Release ma Identity Cards mo ā latou fanau.