Faasilasilaga
◼ Lomiga e ofo ia Ianuari: Laʻu Tusi o Tala o Le Tusi Paia ma le tamai tusi “Lenei Tala Lelei o le Malo.” Fepuari: Lou Talavou Mauaina mai ai Aogā Silisili. Mati: E Mafai ona E Ola e Faavavau i Parataiso i Le Lalolagi. Aperila: O kopi o Le Olomatamata ma le Awake! Mo oganuu ua galueaiina soo, e mafai ona faaaogā so o se polosiua (vaganā polosiua, Aʻoaʻoga ma le Aʻoga). Po o fea lava e faaalia ai le fiafia a o faia toe asiga, e mafai ona ofo i ai tusiga. MĀTAU: O faapotopotoga e lei talosagaina lava ni a latou lomiga mo le tauiviga, e ao loa ona faia faapea i le isi a latou ota faalemasina i le Literature Request Form (S-14).
◼ E tatau i faapotopotoga ona faia ni faatulagaga talafeagai mo le faamanatuina o le Faamanatuga i lenei tausaga i le Aso Lua, Aperila 2, pe a goto le la. E ui lava e lelei mo faapotopotoga taitasi ona faia la latou lava Faamanatuga, ae atonu e lē mafai ona faatinoina lenei mea i taimi uma. I nofoaga e masani ona faaaogā ai e nisi o faapotopotoga le Maota o le Malo e tasi, atonu la e mafai e se faapotopotoga se tasi po o le sili atu foi ona faaaogā se isi fale mo lena po. E lē tatau ona tuai amata le Faamanatuga ina neʻi meanē ua faigata i tagata fiafia fou ona auai. E lē gata i lea, e lē tatau ona feomaʻi naua le faasologa ina neʻi leai se taimi e faafeiloai ai tagata asiasi mai a o lei amataina ma pe a tuua foi le faamanatuga, fai ni fuafuaga ina ia faaauau pea le fesoasoani faaleagaga mo nisi, pe ia olioli foi i feofoofoaiga masani i faalaeiauga. Pe a uma ona iloiloina maeʻaeʻa vala uma, e tatau i toeaina ona filifili po o lē fea fuafuaga e sili ona lelei e fesoasoani ai ia i latou o le a auai i le Faamanatuga ina ia maua atoatoa ai aogā mai le sauniga.
◼O le lauga faapitoa mo le vaitaimi o le Faamanatuga o le 1996, o le a fofogaina i le Aso Sa, Aperila 21. O le matua o le lauga e faapea, “Tumau ona Lē Ponā i Totonu o se Tupulaga Faapiopio.” O le a saunia se auivi. O faapotopotoga o loo asia e le ovasia matagaluega, po o faia se fonotaga matagaluega, po o se fonotaga o le aso faapitoa i le faaiuga o lena vaiaso, o le a faia le lauga faapitoa i le vaiaso e sosoo ai. E leai se faapotopotoga e tatau ona faia le lauga faapitoa a o lei oo ia Aperila 21.
◼E amata ia Fepuari, ma ia lē silia Mati 3, o le lauga lautele fou mo ovasia matagaluega, o le matua e faapea, “O se Faapotopotoga Faamaoni i Lalo o le Taʻitaʻiga a Keriso.”
◼E amata atu i le tausaga faalekalena o le 1996 ona maua le Alamai! i le gagana Samoa e faafa i le tausaga.