Sauniga o le Auaunaga mo Ianuari

Vaiaso e Amata ia Ianuari 1

Pese 68 (133)

7 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.

23 minu: “Ia Talaʻi ma le Poto.” Talanoa i manatu tāua, ma fai se faataʻitaʻiga se tasi pe lua. Ia faailoa atu i le faapotopotoga po o ā tusi tuai na o loo iai i le taimi nei.

15 minu: “Faaleleia Lou Tomai i le Faitau—E Mafai ona E Faia.” (Improve Your Reading Ability—You Can Do It.) O se lauga e faia e le ovasia taʻimua e faavae i le mataupu o le Awake! e tutusa lona matua ma le Awake! o Setema 8, 1985, itulau e 6-8. E mafai foi ona faaaogā nisi mataupu faaopoopo mai le tusi, Our Ministry, itulau e 76, ma i le Suesuega 8, “Le Tāua o le Sauniuni” e mai le Theocratic Ministry School Guidebook. Ia faamamafa le tāua o le sauniuni lelei pe a tofia oe e faitau i le Suesuega Tautusi po o le Suesuega o Le Olomatamata. Ia faamalamalama lelei e faapea, e lē o uso tuuina atu uma e feauauai i le faitauina o mataupu, ae e na o ē e lelei faitau e filifilia mo lenei faaeaga.—Tagai foi i le “Pusa Fesili,” i La Tatou Faiva o le Malo o Iuni, 1980 ma Iulai 1977.

Pese 5 (28) ma le tatalo faaiu.

Vaiaso e Amata ia Ianuari 8

Pese 71 (138)

10 minu: Faasilasilaga a le faapotopotoga. Tala o le tupe. Avatu se faamālō talafeagai e tusa ai ma le lagolagosua tau tupe i le faapotopotoga faapea ma le galuega o le talaʻiina o le tala lelei i le lalolagi aoao.

15 minu: Le Aogā o le Pepa Advance Medical Directive/Release. Ia talanoa e se toeaina faatasi ma le faapotopotoga le tāua o le faatumuina ia saʻo e tagata taitoatasi le pepa, Advance Medical Directive/Release, ma ia feaveai i taimi uma lava, e manaomia foi ona feaveai i taimi uma e tamaiti a latou pepa ID. E pei ona faaalia i le igoa o le pepa, ua iai faamatalaga muai saunia o le mea e manaomia (pe e lē manaomia) e tusa ai ma le tausiga faafomai. Aisea e faia ai lenei mea i tausaga taitasi? O se pepa fou e sili atu ona aloaia nai lo o se pepa ua manatu i ai ua tuai ma ua lē aogā, atonu ua manatu ua lē o toe atagia atu ai talitonuga o se tasi. E molimau le pepa mo oe pe afai ua lē mafai ona e tautala mo oe lava. O le a tufaina atu pepa i le po nei. E tatau ona faatumuina ma le faaeteete pepa i le fale, ae e lē tatau ona sainia. E pei ona muai faia i tausaga e lua ua mavae, o le sainia ma faamaonia, o le a faia i nofoaga o Suesuega Tautusi a le Faapotopotoga, i le vaavaaiga a le au fai suesuega. O i latou e sainia pepa e avea o ni molimau, e ao foi ona vaai tino ua sainia le pepa e lē o umia. O le a faia lenei mea pe a uma le suesuega tautusi i le vaiaso o Ianuari 15. (Tagai foi i le itulau e 2 o La Tatou Faiva o le Malo o Ianuari 1994, mo ni faamatalaga auiliili i lenei taualumaga. Tagai foi i le tusi o Oketopa 15, 1991.) E mafai e tagata talaʻi uma ona faatumuina le pepa, Advance Medical Directive/Release. O tagata talaʻi e lei papatisoina, e ala i le pipii atu i le faamatalaga o loo tusia i lenei pepa e tusa ai ma o latou lava tulaga ma talitonuga, e mafai ona latou tusia ni a latou lava pepa mo faatonuga. E mafai ona fesoasoani mātua i a latou fanau e lei papatisoina e faatumuina a latou pepa ID.

20 minu: “Ia Avea ma Ē Anaana—Ae Lē na ona Faalogologo.” Fesili ma tali. A lava le taimi, ia talanoa i le tāua o le usiusitai, ia faavae mai le tusi Insight, Tusi 2, itulau 521, palakalafa 1 ma le 2.

Pese 39 (70) ma le tatalo faaiu.

Vaiaso e Amata ia Ianuari 15

Pese 41 (77)

12 minu: Faasilasilaga a le faapotopotoga. Ia talanoa puupuu i le faatuputeleina o le faafitauli o ē e lē maua atu i aiga. Ia faalaeiau i le au talaʻi ina ia faaaogā tatau le taimi e ala i le tausolomua ona faafeiloai atu o tagata o ē atonu e ui ane, tutū i tafatafa o le auala, po o nonofo i totonu o taavale.

15 minu: Manaoga o le faapotopotoga. (Po o “Ia Leoleo Lou Uiga o le Faanatinati,” o se lauga e faavae mai Le Olomatamata o Oketopa 1, 1995, itulau e 25-28.)

18 minu: “Toe Foi atu ina ia Faaolaina Nisi.” Ia autalu taulimaga ua fautuaina. Ia fautuaina le faia o se sini e amataina ni suesuega ma i latou e tautatala i le gagana faa-Peretania i le tusi fou, Le Poto e Taʻitaʻia ai i le Ola e Faavavau.

Pese 85 (158) ma le tatalo faaiu.

Vaiaso e Amata ia Ianuari 22

Pese 108 (200)

5 minu: Faasilasilaga a le faapotopotoga.

20 minu: “Maua Aogā Mai le Aʻoga o le Faiva Faatiokarate mo le 1996—Vaega 1.” Lauga e faia e le ovasia o le aʻoga. Autalu taʻiala ua saunia mo tofiga o tagata aʻoga mai faatonuga o le Aʻoga o le Faiva Faatiokarate, lea o loo aumaia i La Tatou Faiva o le Malo o Oketopa 1995.

20 minu: “Ia Tautala atu ma le Lototele.” Lauga ma se talanoaga e faia e se toeaina. Autalu fuafuaga a le faapotopotoga mo le auaunaga i le Aso Sa. Ia faamālō atu mo le lagolagosua lelei, ma ofo ni fautuaga i ni mea o manaomia ona faaleleia.

Pese 51 (92) ma le tatalo faaiu.

Vaiaso e Amata ia Ianuari 29

Pese 11 (29)

10 minu: Faasilasilaga a le faapotopotoga.

15 minu: Molimau atu i le Taimi e Loulouā ai le Tau. E toatele e fetaiai ma le matuā vevela o le tau, po o timuga mamafa i le vaitaimi o afā. Ia talanoa e ni tagata talaʻi se toatolu po o se toafā auala na mafai ai ona latou faia se sao lelei i le faiva e ui lava i le leaga o le tau. O le tele o faapotopotoga e galulue i nuu i tua i le taimi e lelei ai le tau, ae uaʻi atu i oganuu i le taulaga i vaitaimi o timuga ma fuafua faatasiga mo le auaunaga i oganuu ina ia faaitiitia ai le soona faimalaga mamao. O nisi e latou te faaagaga oganuu e latalata ane auā aso e faaletonu ai le tau. E faalaiti vaega e faimalaga i taavale ina ia alofia ai le faatalitali umi. E tovā le galuega mai lea fale i lea fale i le faia o ni toe asiga. E fai lavalava talafeagai ina ia mafanafana ai ma lē susū. E faaaogā telefoni pe tusia ni tusi pe afai e lē talafeagai ona ō ese atu mai le fale. Ia talanoa i nisi manatu ua outou iloa e aogā i lo outou vaipanoa.

20 minu: Ofo le Tusi Talavou ia Fepuari. Faamatala le mafuaaga e manaomia ai le tusi Talavou. Ia faalaeiau i tagata talaʻi ina ia manatua nei manatu ina ia maua ai ni manatu e talanoa atu ai i aiga. Faasino i le “Faasologa o Mataupu” ma faailoa i ai le auala e mafai ona faaaogā ai lenei faiga ina ia maua ai se vaaiga aoao i mea o i le tusi. Faasino i ai se mataupu faatupu manatu o i le tusi ma le auala e faaaogā e amataina ai se talanoaga. Ia faamanatu i tagata uma ina ia ave ni kopi e faaaogā i le auaunaga i le faaiuga o lenei vaiaso.

Pese 76 (143) ma le tatalo faaiu.