Autaluga o le Aʻoga o le Faiva Faatiokarate
Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Ianuari 1 e oo ia Aperila 22, 1996. Faaaogā se pepa e tusia ai i lalo tali i le tele o fesili e te mafaia i le taimi faatulagaina.
[Mātau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava sailiiliga totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.]
Tali faamatalaga taitasi o loo i lalo i le Saʻo pe Sese:
1. O le fuafuaga mo le Aʻoga o le Faiva o le Malo, e saunia ai tagata e avea ma faifeau faauuina. [jv itu. 231 pala. 3]
2. Ona sa maelega le Tupu o Aasa mo le tapuaiga moni, sa lē faigata ai mo lona atalii o Esekia ona auauna ia Ieova. [it-1 itu. 61 pala. 13]
3. E ui lava ua mavae le Tulafono Faa-Mose, e lē o faailoa maia i le Tusi Paia se faaaliga e faapea, sa aofia ai Tulafono e Sefulu i le mea lea na faaiuina. [rs itu. 348 pala. 2]
4. O le tulaga o loo tatou uia e tusa ai ma tuigā toto, o loo faavae i lo tatou poto maoaʻe faafomai. [jv itu. 186 pala. 2]
5. O le feagaiga lea o loo taʻua i le Ieremia 31:31, 33 e faasino lea i le feagaiga mo se Malo na faia e Iesu ma ona soo faauuina. [si itu. 129 pala. 38]
6. Ua fatuina le tusi o Auega i ni solo lagi se lima, o le fa o na solo, e faasolo i mataitusi o le alafapeta. [si itu. 130 pala. 6]
7. Ina ua toetu mai Iesu, na ia faaali atu i ni foliga eseese—ae na o luma lava o ona soo. [rs itu. 334 pala. 2]
8. O Kerisiano moni e ulu atu i le mālōlōga o le Atua e ala i le faaalia o le faatuatua i le taulaga a Keriso ma ʻalo ese i galuega ia na latou taumafai e taʻuamiotonuina ai i latou lava. (Epe. 4:10) [rs itu. 350 pala. 1]
9. O le fuaitau o loo i le Faaaliga 20:5, e uiga i le toe faaolaina “o e o totoe o e ua oti,” e faasino lea i le toetu faalelalolagi o isi mamoe. [rs itu. 338 pala. 2–itu. 339 pala. 2]
10. Ua iloa ma le mautinoa e Molimau a Ieova e faapea, o le faalapotopotoga lea o loo aufaatasi atu i ai e lē o se faalapotopotoga a tagata, a o le Atua, ma o le Alo lava o le Atua o Iesu Keriso, o loo ia taʻitaʻiina. [jv itu. 235 pala. 5]
Tali fesili o loo mulimuli mai:
11. O le ā na uiga i ai ina ua taʻua e Le Olomatamata o Iuni 1, 1938 le faaupuga “Le Sosaiete”? [jv itu. 219 pala. 2]
12. Aisea na teena ai e Molimau a Ieova i Siamani lo latou faapea atu: “Heil Hitler”? [jv itu. 196 pala. 1]
13. O le ā ua tatou aʻoaʻoina e faatatau i uiga o Ieova i le faitauina o le tusi o Auega? (Aue. 3:22, 23, 32) [si itu. 132 pala. 13, 15]
14. O le ā le faaupuga ua faaaogā pea e faasino atu ai ia Iesu Keriso ma Esekielu? [si itu. 133 pala. 2]
15. Aisea e tatau ai ona talitonu e faapea, o i latou e toe faatutuina i le ola i le lalolagi, o le a faamasinoina e tusa ma a latou gaoioiga i le lumanai? (Roma 6:7) [rs itu. 338 pala. 1]
16. Na faapefea ona faamalosiau Paulo, Timoteo, ma Tito i faapotopotoga ia na latou auauna i ai, lea ua faataatia ai se faaaoaoga lelei mo ovasia faimalaga i aso nei? [jv itu. 222 pala. 1]
17. Aisea e mafai ai ona tatou faamatala atu ma le saʻo e faapea, o mea tutupu e fesootai atu ma le faatasi mai o Keriso, e tele tausaga e faaaluina ai? (Mata. 24:37-39) [rs itu. 341 pala. 1]
18. O le ā le talitonuga na māfua i le faaliliuga o le Roma 13:1 i le King James Version, na iu ai ina lē taulau ona tausisia e Tagata Aʻoga o le Tusi Paia lo latou matuā solitu i tuā i le 1918? [jv itu. 191 pala. 3, 4]
19. A o lei sainia le Treaty of Versailles ia Iuni 1919, o le ā le mea na folafola e le Komiti o Faalapotopotoga a Lotu a Keriso i Amerika? [jv itu. 192 pala. 3]
20. Aisea ua lē o se matāfaioi ai a Kerisiano ona tausia se aso Sapati faalevaiaso? (Roma 10:4) [rs itu. 345 pala. 2, 3]
Avane le upu po o le faaupuga manaomia e faauma ai faamatalaga taitasi o loo i lalo:
21. O Epetemeleka, na faaatagia ai le ․․․․․․․․, o ē o le a faasaoina atu ia ․․․․․․․․ auā na latou alolofa ma fesoasoani atu i le ․․․․․․․․ o uso o Keriso. [Faitau Tusi Paia faalevaiaso; tagai foi i le w82 10/1 itu. 27 pala. 11.]
22. O loo faamanatuina le maliu o Iesu Keriso i tausaga taitasi ia ․․․․․․․․, ae i le ․․․․․․․․, na faatoʻā valaaulia patino ai i latou o le motu o tagata e toatele ina ia auai i le Faamanatuga. [jv itu. 242 pala. 2, itu. 243 pala. 1]
23. O mea tutupu o loo faamatalaina i le Ieremia 52:5-11 na faataunuuina i le ․․․․․․․․ T.L.M. [Faitau Tusi Paia faalevaiaso; tagai i le w88 4/1 itu. 14 pala. 18.]
24. Ua taʻua mai i le Faaaliga 1:7 e faapea, pe a mavae le faatasi mai o Keriso “e iloa atu foi o ia e mata o tagata uma,” e lē o faauigaina lenei faamatalaga i se vaai ․․․․․․․․, ae o loo faasino i le ․․․․․․․․ e le mafaufau. [rs itu. 343 pala. 2]
25. Ina ua toe faatuina Iesu, sa lei faaali atu pea o ia i le ․․․․․․․․ lava lea e tasi, atonu ina ia tamau ai i mafaufau o le au soo le mea moni e faapea, i le taimi lena, na avea ai o ia ma ․․․․․․․․, ma o le mea lena sa lei vave ․․․․․․․․ ai o ia e ana uo mamae. [rs itu. 334 pala. 5]
Fili le tali saʻo mai faamatalaga taitasi o loo mulimuli mai:
26. O le lē taulau o le atalii o Tavita o (Apisaloma; Amanono; Amoni) e pulea ona tuinanauga tau i feusuaiga na iu ai ina ia faaleagaina lona ʻafa tuafafine o Tamara. [it-1 itu. 96 pala. 3]
27. O se laasaga tāua i le faavaeina o se faapotopotoga maopoopo ia ogatasi ma le faiga faaaposetolo, na faia i le (1879; 1886; 1895) ina ua tusi atu le uso o Russell e uiga i le manaomia ona filifilia ni (paeonia; toeaina; auauna i le auuso) i faapotopotoga uma e vaavaaia le lafu. [jv itu. 206 pala. 2]
28. O faasasaaga tauamio, sa lei mavae ina ua faaiuina le Tulafono Faa-Mose, lea e aofia ai ma Tulafono e Sefulu, auā e tusa ai ma faatulagaga faa-Kerisiano, (e faia aʻe e nuu taitasi ana lava tapulaa tauamio; o tagata e ao ona taʻitaʻiina e o latou lava loto fuatia ifo; o le tele o mataupu silisili tauamio o Tulafono e Sefulu na toe taʻua mai i le Tusi Paia Kerisiano Eleni). [rs itu. 349 pala. 1]
29. Na “faaoleoleina” e Ieova ia Ieremia, i Lona (olegiaina o ia e talaʻi se feau o le faaumatiaga; faaaogaina o ia e faataunuuina se mea semanū e lē mafai ona ia faia i lona lava malosi; lē faataunuuina o le faaumatiaga na valoia e Ieremia). (Iere. 20:7) [Faitau Tusi Paia faalevaiaso; tagai i le w89 5/1 itu. 31.]
30. Ia Aperila 23, 1900, na faavaeina ai le uluai ofisa o le lālā o le Sosaiete o le Olo Matamata i (Ausetalia; Egelani; Siamani). [jv itu. 210 pala. 3]
Faafetaui mau o loo mulimuli mai i faamatalaga ua lisiina i lalo:
Iosua 7:24, 25; Iere. 23:33; 32:9, 10; 1 Timo. 3:2, 3, 8; Epe. 10:23-25
31. E tusa lava pe ona o ni tulaga ua oo ai ina matuā faigata mea, e taumafai Molimau a Ieova e auai e lē aunoa i a latou sauniga. [jv itu. 236 pala. 1]
32. O le lē usiusitai ia Ieova ma taumafai ma le loto i ai e ufiufi se mea sese matuiā, e mafai ona aumaia ai ni iuga e matuā sili mamao atu ona leaga. [it-1 itu. 41 pala. 2]
33. O le soona faaaogaina ma le lē pulea o le ʻava malosi, e mafai ona lē taʻuagavaaina ai se uso mai le tauaveina o faaeaga i le faapotopotoga. [jv itu. 182 pala. 3]
34. O le feau tāua faavaloaga mai le Afioga a le Atua, e matuiā, o loo faalauiloa mai ai se iuga faafaamasinoga ua lata tele mai mo Kerisinetoma. [Faitau Tusi Paia faalevaiaso; tagai i le w 3/1/94 itu. 12 pala. 18, 20.]
35. Pe a faia ni feutagaiga faapisinisi ma uso tapuai ia Ieova, o le faia o se feagaiga tusitusia e mafai ona taofia ai ni feeseeseaiga e ono tulai mai i se taimi mulimuli ane. [Faitau Tusi Paia faalevaiaso; tagai i le w 5/1/95 itu. 30.]