“Fesoasoani i le Taimi Tatau”
1 Maeu se faafouina i le mauaina o se fesoasoani i le taimi tonu o loo tatou manaomia ai! (Epe. 4:16) I le Tauaofiaga Itumalo o “Avefeau o le Filemu Mai le Atua” na tatou olioli ai ina ua tuuina mai ia i tatou ni sauniuniga faapitoa se lua o fesoasoani ia i le taimi tatau.
2 Ua taunuu tonu mai lava i se taimi talafeagai le tusi fou, o Le Ala e Maua ai le Fiafia i le Aiga. Ua taulai ai i vala tāua e fa e faapea ona ati ae ai se olaga o se aiga fiafia: (1) Pulea lelei, (2) faaaloalo i le tulaga ulu, (3) fesootaiga lelei, ma le (4) alofa. O fautuaga ua folasia mai i le tusi o Le Fiafia i le Aiga o le a fesoasoani i aiga uma o ē o faatatauina ina ia maua ai le filemu mai le Atua. Ia faataatia ese se taimi e faitau ai ma le faaeteete le tusi fou ma suesue faatasi o se aiga. Ia faamasani lelei i mataupu ina ia faapea ona lava saunia ai oe e faaaogā ma le uigā pe a ofoina i le lautele mo le uluai taimi, ia Mati.
3 Ua taunuu mai foi le polosiua fou i le taimi tatau, O le ā e Manaomia e le Atua Mai ia i Tatou?, e fesoasoani e faatelevaveina ai la tatou galuega o le faia o soo. A o mafai ona aogā patino e fesoasoani ai i tagata e tapulaa lo latou tomai e faitau, ae o le toatele o tagata matutua ma fanau talavou o iloa faitau o le a mauaina aogā mai lona faafaigofieina o faamatalaga i aʻoaʻoga faavae o le Tusi Paia. Atonu o le mea tonu lena o loo manaomia e amataina ai se suesuega ma laasia atu ai le tusi o Le Poto. Ua mautinoa o lenei sauniuniga ua fesoasoani ai i le toatele e talisapaia le pogai e mafai ai ona latou mauaina le anoanoai o faamanuiaga e ala i le faia o le mea o finagalo i ai le Atua.
4 Na folasia mai ma le manino e Tavita o tatou manatu ina ua ia faamatala mai e faapea ‘e leai se mea na mativa ai o ia, na faafoisia mai lona agaga, ma sa taumasuasua lana ipu!’ (Sala. 23:1, 3, 5) Ua tatou taulai atu ma le olioli i le faasoaina atu o lenei fesoasoani matagofie faaleagaga i le toatele o isi o ē naunau faamaoni e iloa ma auauna i le Atua moni, o Ieova.