Faasilasilaga

◼ Lomiga mo le ofo ia Ianuari ma Fepuari: So o se tusi tuai faa-Samoa atonu o iai pea i le faapotopotoga. O faapotopotoga e lē o iai ni tusi faapena e mafai ona ofo le tusi Lou Talavou—Mauaina mai ai Aogā Silisili. Mati: Le Ala e Maua ai le Fiafia i le Aiga. Aperila: O kopi taitasi o Le Olomatamata ma le Ala Mai! Mo oganuu ua galueaiina soo, e mafai ona faaaogā le polosiua fou, O le ā e Manaomia e le Atua Mai ia i Tatou?

◼ O tagata talaʻi uma o loo iai i le Sauniga o le Auaunaga i le vaiaso o Ianuari 6, o le a tuuina atu i ai le pepa, Advance Medical Directive/Release ma se pepa ID mo a latou fanau.

◼ E amata ia Mati le lauga lautele fou mo ovasia matagaluega, “Ia Faaaogā Aʻoaʻoga e Vivii Atu ai ia Ieova.”

◼ E tatau i faapotopotoga ona faia ni fuafuaga talafeagai mo le faamanatuina o le Faamanatuga i lenei tausaga, i le Aso Sa, Mati 23, pe a goto le la. E ui e mafai ona vave amata le lauga, ae o le tufaina atu o le areto ma le uaina o le Faamanatuga e lē tatau ona faia seia goto le la. Fesili i le ofisa o le tau i lo outou atunuu ia iloa ai po o le ā le taimi e goto ai le la i le tou vaipanoa. Talu ai e leai ni sauniga e faia seʻi vaganā le auaunaga i le fanua i lena aso, e tatau ai ona faia ni fetuunaiga talafeagai mo le Suesuega o Le Olomatamata e faia i se isi taimi. O le a manaomia ai i ovasia matagaluega ona faia ni fesuiaiga i a latou faasologa o sauniga mo le vaiaso e faatatau i tulaga o a outou faapotopotoga. E ui e mananao faapotopotoga taitasi e faia la latou lava Faamanatuga, ae atonu o le a lē mafai lenei mea. I nofoaga e masani ona faaaogā ai le Maota o le Malo e ni faapotopotoga e sili atu i le tasi, e mafai ona faaaogā se isi fale mo lena po e nisi faapotopotoga. E lē tatau ona tuai amata le Faamanatuga ina neʻi lē talafeagai mo le auai atu i ai o tagata fou. E lē tatau foi ona tele ni mea e faaofi i le faasologa ina neʻi leai ai se taimi e faafeiloai ai tagata asiasi mai a o lei amataina pe uma foi le faamanatuga, fai ni fuafuaga ina ia mafai ona tuuina atu pea se fesoasoani faaleagaga mo ē loto fiafia, pe olioli foi i feofoofoaiga masani o faalaeiauga. Pe a uma ona talanoaina maeʻaeʻa vala uma, e tatau i toeaina ona filifili po o le ā le fuafuaga e sili ona lelei e fesoasoani ai ia i latou na auai i le Faamanatuga ina ia maua atoatoa aogā mai lenei sauniga.

◼ O le lauga lautele faapitoa mo le vaitaimi o le Faamanatuga i le 1997 o le a faia i le Aso Sa, Aperila 6. O le a maua atu le auivi. O faapotopotoga e feagai tonu ma le asiasiga a le ovasia matagaluega, le fonotaga matagaluega, po o se aso faapitoa o fonotaga i le faaiuga o lena vaiaso, o le a faia la latou lauga faapitoa i le vaiaso e sosoo ai. E lē tatau i se faapotopotoga ona faia le lauga faapitoa a o lei oo ia Aperila 6.

◼ E tatau ona iloa e le autoeaina le manaomia ona faia o na suiga pe afai e auai faapotopotoga i ni a latou fonotaga: Pe a fuafuaina se aso faapitoa o fonotaga, e tatau i le faapotopotoga ona faia sauniga masani uma a o faagasolo le vaiaso, seʻi vaganā ai le Lauga Lautele ma le Suesuega o Le Olomatamata e lē faia. Pe afai e fuafua e auai i se fonotaga matagaluega, e lē faia foi e le faapotopotoga le Aʻoga o le Faiva Faatiokarate ma le Sauniga o le Auaunaga; e na o le Suesuega Tautusi a le Faapotopotoga o le a faia i lena vaiaso.