Pusa Fesili

◼ Aisea e tatau ai ona vave lipoti la tatou galuega o le auaunaga i le fanua i masina taitasi?

Tatou te fiafia uma lava pe a faalogo i mea lelei na faataunuuina i le talaʻiga o le feau o le Malo. (Tagai i le Faataoto 25:25.) Ua lipotia mai e le Galuega 2:41 le “faaopoopoina . . . pe tolu afe o tagata,” ina ua uma le lauga faagaeeloto a Peteru i le aso o le Penetekoso. I sina taimi mulimuli ane, na faateleina lena fuainumera i “tagata po ua limagaafe.” (Galu. 4:4) Maeu se faafiafia loto o na lipoti i Kerisiano i le uluai senituri! O lagona foi lava na tatou te lagonaina i lipoti faalaeiau i aso nei. E faagaeeina i tatou i le faalogo atu i le taulau manuia o loo olioli ai o tatou uso i le talaʻiina o le tala lelei i le lalolagi aoao.

Talu ai o loo faaaluina se taimi tele ma taumafaiga i le tuufaatasia o nei lipoti, e matuā tāua ai le felagolagomai o tagata talaʻi taitoatasi o le Malo. Po o e manatu mamafa ea i le tuuina vave atu o lau lipoti i masina taitasi?

O lipoti o faatelega e aumaia ai ia i tatou le olioli tele. E lē gata i lea, o lipoti ua fesoasoani i le Sosaiete ina ia vaavaaia le agaigai i luma o le galuega i le lalolagi aoao. E tatau ona faia ni filifiliga po o fea atonu o loo sili ona manaomia ai le fesoasoani po o ā foi ituaiga ma le aofaiga o lomiga e ao ona lolomia. E tilofaia e toeaina i faapotopotoga taitasi lipoti o le auaunaga i le fanua ina ia iloa ai mea e manaomia ona faaleleia. E avea lipoti lelei ma se faalaeiauga, e uunaia ai i tatou uma e iloilo a tatou lava faiva mo ni faaleleiga e mafai ona fai.

E ao i tagata talaʻi uma ona amanaia la latou tiute tauave o le avatu vave o a latou lipoti o le auaunaga i le fanua i masina taitasi. E lelei i le fai suesuega o Suesuega Tautusi a le Faapotopotoga ona faamanatu i le autalaʻi lenei tiute tauave, ona talu ai ua latou nofouta foi e avatu le fesoasoani totino i ē o faafaigata ona faifai pea ona auai i masina taitasi i le auaunaga i le fanua. O lenei faamanatuga e mafai ona faia i suesuega tautusi mulimuli i faaiuga o masina taitasi po o se isi taimi talafeagai. Afai e lē maua se avanoa e avatu ai lipoti o le auaunaga i le fanua i le Maota o le Malo, e mafai ona tuu atu i le fai suesuega o Suesuega Tautusi a le Faapotopotoga ina ia mautinoa ua tuuina atu i le failautusi i le taimi tonu e faaaofia ai i lipoti faalemasina a le faapotopotoga lea e ave i le Sosaiete.

E faafaigofie le avega a ē o loo tausia lo tatou lelei i le itu faaleagaga, pe a tatou naunautai e faamaoni i le vave ona avatu a tatou lipoti o le auaunaga i le fanua.