Sauniga o le Auaunaga mo Mati

Vaiaso e Amata ia Mati 3

Pese 8 (53)

10 minu: Faasilasilaga masani a le faapotopotoga. Faasilasilaga e fili mai i La Tatou Faiva o le Malo. Faalaeiau tagata uma ina ia amata valaaulia ē loto fiafia i le Faamanatuga ia Mati 23. Faaali se kopi o tusi valaaulia o le Faamanatuga, ma uunaia tagata uma ina ia ave ni tusi valaaulia ma amata ona tufatufa atu i lenei vaiaso.

15 minu: “Ia Ati ae Lou Aiga.” Fesili ma tali. Ia faaaofia ai ma ni mea na tutupu mai le 1995 Yearbook, itulau e 228.

20 minu: “Fesoasoani i Aiga Ina ia Mauaina se Lumanai Tumau.” (Palakalafa 1-5) Talanoa puupuu i le palakalafa 1, ona talanoa ai lea i le auala e mafai ona faaoso ai le naunau i le tusi Fiafia i le Aiga e ala i le faaaogaina o matua o mataupu, ata felanulanuai, ma pusa mo autaluga. Ia faataitai e ni tagata talaʻi tomai ia taulimaga i le palakalafa 2-5. Faalaeiau i tagata uma ina ia faia se taumafaiga faapitoa e tufa atu ai le tusi i aiga na faaalia le naunau i le taimi muamua. Ia manatua e taʻua le fuafuaga mo mea alofa tauofo.

Pese 4 (43) ma le tatalo faaiu.

Vaiaso e Amata ia Mati 10

Pese 22 (130)

10 minu: Faasilasilaga masani a le faapotopotoga. Tala o le tupe. Faamanatu i tagata uma ina ia mautinoa ua mulimuli i le faasologa o le faitau Tusi Paia mo le vaitaimi o le Faamanatuga ia Mati 18-23, e pei ona faaauivi atu i le tusi Iloiloina le Tusi Paia i Aso Taitasi.

20 minu: “Ia Faaalia lo Outou Loto Faafetai.” Fesili ma tali. Ia faia e tagata uma se taumafaiga naunautai e valaaulia tagata aʻoga o le Tusi Paia, tagata loto fiafia, tagata o o tatou aiga e faaalia le naunau, ma nisi o uso ma tuafāfine ua lē o toe auaufaatasi ma le faapotopotoga, ina ia auai i le Faamanatuga. Fai se faataitaiga puupuu, o se tagata talaʻi o loo ia valaauliaina se tagata loto fiafia i le Faamanatuga e faaaogā ai tusi valaaulia mo le Faamanatuga. Fai ni faamatalaga faaopoopo mai Le Olomatamata, o Aperila 1, 1989, itulau e 11, palakalafa 16-17. Faalaeiau tagata uma o ē e mafai ona paeonia lagolago ia Aperila ma Me.

15 minu: “Fesoasoani i Aiga Ina ia Mauaina se Lumanai Tumau.” (Palakalafa 6-8) Fai atu ni fautuaga e faaalia ai le auala e ofoina ai le tusi, Fiafia i le Aiga, pe a molimau atu lē fuafuaina i galuega, i le aʻoga, i se paka, po o auala o femalagaaiga, ma pe a asiasi atu i tauaiga. Ia faataitai e se tagata talaʻi tomai ia taulimaga i le palakalafa 6 ma le 7. O le talanoaga i le toe asiga, e ao ona fesoasoani i le tagata e talisapaia le auala ua mafai ai e se suesuega faale-Tusi Paia ona faamalosia sootaga faaleaiga. E faia suesuega i le polosiua O le ā e Manaomia e le Atua Mai ia i Tatou?, faatasi ma se sini e liliu atu i le tusi o Le Poto, pe e mafai foi ona amata le suesuega i le tusi o Le Poto.

Pese 29 (222) ma le tatalo faaiu.

Vaiaso e Amata ia Mati 17

Pese 21 (191)

15 minu: Faasilasilaga masani a le faapotopotoga. Autalu “Mea ia Manatua mo le Faamanatuga,” ma otooto mai fuafuaga a le faapotopotoga mo le Faamanatuga. E ao i tagata uma ona fai ni fuafuaga maʻoti e fesoasoani ai i tagata aʻoga o le Tusi Paia ma ē fiafia ina ia auai.

15 minu: Manaoga o le faapotopotoga. Po o se lauga a se toeaina i le mataupu “Pe e Manaomia Moni Ona E Faatoese Atu?” mai Le Olomatamata o Setema 15, 1996, itulau e 22-24.

15 minu: Ia Faaaogā Lelei le 1997 Yearbook of Jehovah’s Witnesses. Ia autalu e se tamā ma lona aiga mea tāua o loo aofia ai i le itulau e 3-9. Ia faailoa mai le mafuaaga ua tatou olioli ai i le vaai atu i le agaigai i luma faatiokarate ua faia i le lalolagi aoao. Faamatala e le tamā le auala o le a latou faaaluina ai ni nai minute i le taimi o le taumafataga i aso taitasi e faitau faasolosolo lelei ai le Yearbook faapea ma le talanoaina o le mau o aso taitasi a o faagasolo le tausaga.

Pese 3 (32) ma le tatalo faaiu.

Vaiaso e Amata ia Mati 24

Pese 26 (212)

9 minu: Faasilasilaga masani a le faapotopotoga. Faamatala atu e lei tuai naʻuā le tuuina atu o ni tusi talosaga mo le paeonia lagolago ia Aperila. Otooto mai ni fuafuaga faaopoopo ua faia e le faapotopotoga mo faatasiga mo le auaunaga i le fanua a o faagasolo le masina.

24 minu: “Ia Maua le Lototele e Faia ai Toe Asiga.” (Palakalafa 1-20) Fesili ma tali. Ia fai se faataitaiga puupuu i le palakalafa e 16.

12 minu: Fesoasoani i se Tagata Talaʻi Fou e Amata i le Auaunaga. Autalu le palakalafa e 19 o le faaopoopoga o La Tatou Faiva o le Malo o Iuni, 1996. Faataitai le auala e sauniunia ai e se tagata talaʻi agavaa se tagata aʻoga o le Tusi Paia faatoʻā uma ona faamaonia e avea o se tagata talaʻi e lei papatisoina. E la te autaluina faatasi le tusi Our Ministry, itulau e 111, palakalafa 2. E faasino atu e le tagata talaʻi ua poto masani po o le a faapeī le tulaga o le a fetaiai pe a auai i le molimau atu mai lea fale i lea fale, ae e lē manaomia ona loto vaivai pe afai e lē tali lelei mai le toatele o tagata. Ia faamatala atu e le tagata talaʻi se mea na tupu e faalaeiau ai e faaalia ai le olioli e maua pe a tatou maua se tagata loto faamaoni o le a faalogo mai. Ia la sauniuni faatasi se taulimaga puupuu ma faigofie e ofo ai le mekasini, ma ia la faataitaia faatasi. E avatu se faamālō faalaeiau ma faia se fuafuaga maʻoti e auai faatasi i le auaunaga i le fanua i lenei vaiaso.

Pese 15 (127) ma le tatalo faaiu.

Vaiaso e Amata ia Mati 31

Pese 27 (221)

15 minu: Faasilasilaga masani a le faapotopotoga. Ia valaaulia tagata loto fiafia uma ina ia auai i le lauga lautele faapitoa ia Aperila 6. Faamanatu i tagata uma ina ia tuuina atu a latou lipoti o le auaunaga i le fanua ia Mati. Ia faalau mai suafa o i latou o le a paeonia lagolago ia Aperila. Autalu le Pusa Fesili.

20 minu: “Ia Maua le Lototele e Faia ai Toe Asiga.” (Palakalafa 21-35) Fesili ma tali. Autalu le pusa i le itulau e 3. Faalaeiau i tagata uma ina ia faitau toe asiga uma ua latou faia i le masina pe a faia a latou lipoti o le auaunaga i le fanua.

10 minu: Autalu Lomiga mo le Ofo ia Aperila. Ia ofo kopi o Le Olomatamata ma le Ala Mai! Ia faamatala puupuu mai fautuaga i le auala e sauniuni ai taulimaga o mekasini na o loo faamatala mai i le palakalafa e 3, 4, ma le 8, i le itulau e 8 o La Tatou Faiva o le Malo o Oketopa 1996. Ia faataitai e ni tagata talaʻi se toalua ni taulimaga pupuu se tasi pe lua ma taʻua le fuafuaga mo mea alofa tauofo. E tatau i tagata talaʻi ona teu ni faamaumauga o i latou na talia mekasini ma faaopoopo i a latou alā mekasini.

Pese 16 (143) ma le tatalo faaiu.