Mea ia Manatua mo le Faamanatuga

O le faamanatuina o le Faamanatuga e paʻū i le Aso Sa, Mati 23. E ao i toeaina ona uaʻi totoʻa atu i mea nei:

◼ I le faatulagaina o le taimi mo le sauniga, ia faamautinoa ua lē tufaina atu le areto ma le uaina seiloga ua goto le la.

◼ E tatau ona faailoa atu i tagata uma lava e aofia ai ma le failauga le taimi tonu ma le nofoaga e fai ai le faamanatuga.

◼ O le ituaiga o areto ma le uaina talafeagai e tatau ona maua ma sauniunia.—Tagai i le Watchtower o Fepuari 15, 1985, itulau 19.

◼ E tatau ona aumai ni ipu mafolafola ma ni ipu malamalama, ma se ie laulau talafeagai i le maota ma muai tuu i se mea e talafeagai.

◼ E tatau ona matuā faamamā lelei muamua le Maota o le Malo po o se isi nofoaga mo le sauniga.

◼ E tatau ona filifilia le ʻau tautua ma i latou e tufaina atu le areto ma le uaina ma muai faatonu lelei e uiga i le taualumaga saʻo ma o latou tiute.

◼ E tatau ona faia ni fuafuaga e faaoo atu le areto ma le uaina i nisi o le vaega totoe o ē e lē o atoatoa le malosi ma ua lē mafai ona auai i le Faamanatuga.

◼ Afai e sili atu i le tasi se faamanatuga o fuafuaina i le Maota o le Malo e tasi, e tatau ona iai ni fesootaiga lelei i faapotopotoga ina ia alofia ai le femiomiōai solo lē tatau i le faapaologa, faitotoa, le auala e ulufale mai ai, ma mea e paka ai taavale.