O le a Talimalo Amerika i Mātū i Tauaofiaga Faavaomalo i le 1998

E pei ona faasilasila mai i le Aso Toonai, Oketopa 5, 1996, i le fono faaletausaga a le Watch Tower Bible and Tract Society of Pennsylvania e faapea, ua fuafuaina e le Vaega Pule e faia ni tauaofiaga faavaomalo i le faagasologa o le 1998. Faatasi ai ma tauaofiaga itumalo masani, o le a faia ai le tele o tauaofiaga faavaomalo i Amerika i Mātū faapea ma Aferika, Asia, Europa, Amerika Latina, le Atu Karipiane, ma le Pasefika i Saute.

O le tele o nei tauaofiaga faapitoa o le a faia i Amerika i Mātū, ma o le a valaaulia ai sui usufono mai le lalolagi aoao. E mafai foi ona tatou faatalitalia le auai o misionare i nei tauaofiaga faavaomalo. O misionare ma isi o loo galulue i le auaunaga faapitoa i atunuu ese ma o ē ua agavaa, o le a valaaulia e auai i se tasi o nei tauaofiaga i o latou lava atunuu moni po o se atunuu e latalata ane.

O le a faailoa atu e le Sosaiete i se taimi mulimuli ane i faapotopotoga ia aai e faia ai tauaofiaga faavaomalo ia o le a valaaulia i ai le au talaʻi e faimalaga atu i ai. O le a faailoa atu ia faamatalaga atili ma aso ma fuafuaga ua faia mo le au usufono ua filifilia mai. O le au talaʻi la o loo mafaufau e faatumuina talosaga mo le vaega e filifilia o le au usufono, o le a mananao e amata faasao ni a latou tupe ona o le fia auai i nei tauaofiaga faapitoa.