Faasilasilaga
◼ Lomiga mo le ofo ia Mati: Le Ala e Maua ai le Fiafia i le Aiga. Aperila ma Me: O kopi o Le Olomatamata ma le Ala Mai! Mo le auaunaga i le ogatotonu o le vaiaso ma i le oganuu e galueaiina soo, e mafai ona ofo le polosiua, O le ā e Manaomia e le Atua Mai ia i Tatou? Iuni: Le Poto e Taʻitaʻia ai i le Ola e Faavavau. Ia uaʻi atu i le amataina o ni suesuega faale-Tusi Paia i aiga.
◼ E ao i le ovasia taimua po o se tasi na te tofia ona sueina tusi a le faapotopotoga ia Mati 1 po o se vave e mafai ai mulimuli ane. Ia faasilasila atu i le faapotopotoga pe a uma ona faia lena mea.
◼ O le lauga lautele faapitoa mo le vaitaimi o le Faamanatuga i lenei tausaga, o le a faia i le tele o faapotopotoga i le Aso Sa, Aperila 6. O le matua e faapea: “Ia Tausia le Tulaga Mamā Mai Mea Inosia a le Lalolagi.” (Keep Clean From Worldly Defilements). E tatau ia i tatou uma ona auai, ma e tatau ona tatou fesoasoani i tagata loto fiafia o ē na ō mai i le Faamanatuga ina ia auai i le lauga. O mea e tatou te faalogologo i ai, e mautinoa o le a avea o se mafuaaga mo le toe faafouina ai o le naunautai e faafiafia le Atua.
◼ Ina ia maua ai ni aogā e sili atu ona tele mai suesuega a le faapotopotoga i le tusi o Le Tagata Silisili, faamolemole ia talanoaina taiala aupito sili ona lelei o loo aumaia i le itulau 1 o La Tatou Faiva o le Malo, o Setema 1992. O loo faamatala mai i le mataupu le auala e sauniuni ai lesona taitasi ma le faatulagaga o le a mulimuli ai le Suesuega Tautusi a le Faapotopotoga. O le a maua e le fai suesuega ma tagata uma o ē auai, ia aogā mai le autaluina o nei faamatalaga.
◼ I atunuu uma lava, i taimi eseese a o faagasolo le tausaga, e iai aso mālōlō o le lalolagi e lē ō ai tamaiti i aʻoga ma mālōlō ai mai galuega totogi. O nei aso mālōlō ua maua ai ni avanoa e sili ona lelei mo le faapotopotoga e faateleina ai ona faia se sao i le faiva i le fanua. E tatau ona āloālo atu toeaina mo avanoa faapenei e maua ma o le a faailoa mamao atu i le faapotopotoga ni fuafuaga ua faia mo le molimau atu a vaega i le vaitaimi o aso mālōlō.