Faasilasilaga

◼ Lomiga mo le ofo ia Setema: Le Ala e Maua ai le Fiafia i le Aiga. Oketopa: O kopi o Le Olomatamata ma le Ala Mai! Pe afai e faaalia le fiafia o tagata pe a toe asia, e mafai ona ofo loa i ai tusiga. E amata atu i le faaiuga o le masina, o le a tufatufa atu ai le Tala o le Malo Nu. 35. Novema: O le a faaauau pea ona tufatufaina atu le Tala o le Malo Nu. 35. O faapotopotoga ua maeʻa a latou oganuu e ala i le tofutofusia o tagata o aiga taitasi ma se kopi o le Tala o le Malo Nu. 35, e mafai ona ofo atu i ai le tusi o Le Poto. Tesema: Le Tagata Silisili o Ē Uma na Soifua Mai.

◼ E tatau i le ovasia taimua po o se tasi na te tofia ona suʻe tusi a le faapotopotoga ia Setema 1 po o se vave e sosoo ane ai. Ia faasilasila atu i le faapotopotoga pe a maeʻa ona faia o lenei mea.

◼ E faamanatu atu i toeaina ina ia mulimulitui i faatonuga o loo aumaia i itulau 17-19 o Le Olomatamata o Aokuso 15, 1991, e faatatau i tagata faateʻaina po o ē ua lē toe auaufaatasi ma le faapotopotoga, o ē atonu ua faanaunau e toe faaaʻeina mai.

◼ O i latou o auaufaatasi ma se faapotopotoga, e tatau ona aauina atu uma tusiga fou ma tusiga e toe faafou o Le Olomatamata ma le Ala Mai! e aofia ai ma a latou tusiga totino, e ala atu i le faapotopotoga.

◼ E lē faia e le Sosaiete talosaga a tagata talaʻi taitoatasi mo lomiga. O le ovasia taimua e tatau ona fuafuaina se faasilasilaga e fai atu i masina taitasi a o lei aauina atu i le Sosaiete le ota a le faapotopotoga mo lomiga i masina taitasi ina ia mafai ai e i latou uma o ē fia maua ni lomiga totino ona faailoa atu i le uso o loo gafa ma tusi. Faamolemole ia manatua po o ā lomiga e maua i le talosaga faapitoa.

◼ Pe a faia talosaga mo lomiga, e tatau ona manatua e faapotopotoga, o CD-ROM a le Sosaiete, e lē tatau ona soona tufatufaina atu i isi tagata. Ua fuafuaina faapitoa lava mo na o tagata talaʻi e latou te faaaogaina.

◼ I le “Pusa Fesili” o La Tatou Faiva o le Malo o Me 1997, sa fautuaina atu ai ina ia faaeteete i le galulue faatasi i le faiva ma se tagata talaʻi o le isi ituaiga. E iai mafuaaga lelei mo i tatou uma e faaaogā ai le faautauta e tusa ai ma lenei mataupu. E lē o le uiga o lenei mea e faapea, e lē mafai e ovasia femalagaai po o isi lava uso ona galulue faatasi ma tuafāfine i le faiva i le fanua. Peitai, o le manatu sa faamamafa atu ai e lē o se faiga atamai mo se uso ona fai ma masani le faaalu o le taimi e na o i laua ma le tagata lava lea o le isi ituaiga e la te lē aiga.

◼ Lomiga Fou ua Maua:

Watch Tower Publications Index 1996—faa-Peretania