Autaluga o le Aʻoga o le Faiva Faatiokarate

Autaluga e tapunia ai tusi i faamatalga na talanoaina i tofiga i le Aʻoga o le Faiva Faatiokarate mo vaiaso o Setema 1 e oo ia Tesema 22, 1997. Faaaogā se pepa e tusia ai i lalo tali i le tele o fesili e te mafaia i le taimi faatulagaina.

[Mātau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava sailiiliga totino. Atonu o le a lē isi le fuainumera o le itulau ma le palakalafa i faasinoga uma o Le Olomatamata.]

Tali faamatalaga nei i le Saʻo po o le Sese:

1. E ui lava o loo taʻua i faamaumauga faapea na pule le tupu lē faatuatua o Ioramo i le malo i mātū o Isaraelu, tatou te lē o iloa ni ona mātua ae po o le ā le auala na oti ai o ia. [it-1 itu. 1270 pala. 8, 12]

2. I le Luka 22:30, o “itu aiga o Isaraelu e sefulu ma le lua” e tutusa ma le uiga e pei ona iai i le Mataio 19:28, lea e faalautele atu le faatatauga i fafo atu o le au ositaulaga fanauagagaina a Iesu ina ia faaaofia uma ai isi tagata. [Faitau Tusi Paia faalevaiaso; tagai i le w87 3/1 itu. 27 pala. 10; itu. 28 pala. 12.]

3. O le mafuaaga na faateia ai soo o Iesu i lona talanoa atu i le fafine Samaria ona sa lē mamā le talaaga tau amio o lenei fafine. (Ioa. 4:27) [Faitau Tusi Paia faalevaiaso; tagai i le w 7/15/95 itu. 15 pala. 1-2.]

4. O le faaupuga i le Ioane 6:64 “talu lava le amataga” e faaalia ai faapea na silafia e Iesu i le taimi na filifilia ai Iuta o se aposetolo o ia lea o le a faalataina o Ia. [Faitau Tusi Paia faalevaiaso; tagai i le it-2 itu. 129 pala. 4-6.]

5. O le faiga faavae a le Sosaiete i le 1884 sa faasino atu i le avea ma se faalapotopotoga tautusitusiga. [jv itu. 576 pala. 1]

6. Ua fesoasoani le Esoto 21:22, 23 ia i tatou e talisapaia faapea o le silafaga a le Atua i le tamaitiiti e lei fanau mai o se ola e tautele. [kl itu. 128 pala. 21]

7. O le “tausamiga o Iutaia” lea o loo taʻua i le Ioane 5:1 e faasino atu i le Paseka o le 31 T.A. [si itu. 194 pala. 8]

8. O le folafolaina atu o le feau o le Malo e ala i faasalalauga i leitio ma televise e matuā uigā lava e pei o isi auala ia e mafai ona tatou faaaogaina. [jv itu. 572 pala. 3]

9. E ui lava ina avea Ioakina ma tamā o atalii e toafitu, o le poloaiga a le Tusi Paia, “Ia outou tusia lenei tagata e aufanaua,” atonu o se mea sese. (Iere. 22:30) [it-1 itu. 1267 pala. 10]

10. E tusa lava pe manatu i pulega faalemalo e amiotonu pe amioletonu, o Kerisiano moni e tatau ona lesitalaina faalemalo a latou faaipoipoga. [kl itu. 122 pala. 11]

Tali fesili ia o loo mulimuli mai:

11. Ina ia ogatusa ma le faaaoaoga a Kerisiano i le uluai senituri i Efeso, o le ā se tasi laasaga talafeagai e tatau ona uia e tetee atu ai i agaga leaga? (Galu. 19:19) [kl itu. 114 pala. 14]

12. Na faapefea ona agasala nisi o agelu i aso o Noa? [kl itu. 109 pala. 4]

13. Aisea na lē finagalo ai Iesu e aafia i fefinauaiga i le tofi? (Luka 12:13, 14) [Faitau Tusi Paia faalevaiaso; tagai i le w 4/1/97 itu 28.]

14. O le ā na lei iloa e soo ina ua latou fesili ia Iesu po o le a toe fuataina le Malo i Isaraelu, e pei ona taʻua i le Galuega 1:6? [Faitau Tusi Paia faalevaiaso; tagai i le w 10/1/90 itu. 11 pala. 4.]

15. Aisea na lē mafai ai e Adolf Hitler ona faaoo mai lana faamatauga e faaumatia ai tagata o Ieova? [jv itu. 553 pala. 2-4]

16. Na faapefea ona faailoa e Iairo faapea na ia faatuatua i le tomai o Iesu e faamaloloina ai? (Mare. 5:22-24) [it-1 itu. 1250 pala. 14]

17. Aisea ua faapea mai ai le New World Translation “o le Upu sa o se atua” ae lē o “le Atua o le Upu” e pei ona faia e isi faaliliuga i le Ioane 1:1? [Faitau Tusi Paia faalevaiaso; tagai i le rs 212 pala. 5.]

18. E tusa ai ma le tusi o Faaaliga, o fea o le a iu i ai i latou o “e faataulaitu” pe afai e lē salamō ma suia o latou ala? [kl itu. 112 pala. 8]

19. Talu ai o Iesu o se tagata lelei atoatoa ma sa ia faalauiloaina atu lana matafaioi o se Aʻoaʻo, aisea na ia teena ai le taʻua o ia o se “Aʻoaʻo Lelei”? (Luka 18:18, 19) [Faitau Tusi Paia faalevaiaso; tagai i le w 3/1/95 itu. 15 pala. 7.]

20. O le ā le mea fou e faatatau i le poloaiga o loo taʻua i le Ioane 13:14? [Faitau Tusi Paia faalevaiaso, tagai i le w 6/1/90 itu. 21 pala. 5-6.]

Tuu ane le upu, ni upu po o se fasi fuaiupu manaomia e faauma ai fuaiupu nei:

21. O le faaaoaoga a ․․․․․․․․, le sā Katā, o lē na faaalia le faamaoni ia ․․․․․․․․, e tatau ona uunaia ai i tatou e faailoa atu lenei uiga ia i latou o taimua i le faalapotopotoga a Ieova i aso nei. (2 Samu. 15:21) [it-1 itu. 1237 pala. 17]

22. O “mina e sefulu” ua faaataina ai ․․․․․․․․ sa mafai ona faaaogā e soo fanauagagaina ina ia maua ai nisi ․․․․․․․․ o le Malo faalelagi. (Luka 19:13) [Faitau Tusi Paia faalevaiaso; tagai w89 10/1 itu. 8.]

23. E tolu moliaga sese na faia e tagata Iutaia ia Pilato, le kovana Roma o Iutaia, faasaga ia Iesu, e aofia ai le faaseseina o le ․․․․․․․․, vavao le avatu o ․․․․․․․․, ma ua faapea mai o Ia Lava o ․․․․․․․․. (Luka 23:2) [Faitau Tusi Paia faalevaiaso; tagai i le w 4/1/91 itu. 9 pala. 1.]

24. E lē faamanatuina e Kerisiano moni le Kirisimasi po o se isi lava aso mālōlō e faavae aʻe i talitonuga a lotu sese ona latou te avatu ia Ieova le ․․․․․․․․; latou te lē faamanatuina foi aso mālōlō ia e ․․․․․․․․ ai tagata agasala po o atunuu. [kl itu. 126 pala. 16]

25. O le tusi o Galuega sa tusia e ․․․․․․․․ a o iai o ia i ․․․․․․․․. [si itu. 199 pala. 3]

Fili le tali saʻo i faamatalaga ia o loo mulimuli mai:

26. I le 1992, e silia ma le (2,500; 4,500; 6,500) tagata aʻoga mai le (40; 80; 110) atunuu na toleniina i Kiliata ma mulimuli ane auauna i le silia ma le (100; 150; 200) atunuu ma atu motu. [jv itu. 524 pala. 2]

27. I le (1877; 1879; 1881), na lomia ai e Charles T. Russell le tamai tusi The Object and Manner of Our Lord’s Return, ma i le (1877; 1879; 1881) na ia amataina ai ona lomia le Zion’s Watch Tower and Herald of Christ’s Presence. [jv itu. 557 pala. 1]

28. I lo tatou ola ai i se olaga amio Atua e mautinoa ai (o le a faia faalelei pea i tatou i taimi uma e isi; o le a tatou olioli i le anoanoai o mea faitino i le taimi nei; o le a tatou maua ai le finagalo malie o le Atua ona o loo tatou faia le mea ua saʻo). [kl itu. 118 pala. 2]

29. Ina ua fesili atu Iesu i le aposetolo o Peteru, “Pe sili mai lou alofa ia te au, i o latou nei?” Na ia fesili atu ia Peteru pe e sili atu lona alofa ia te Ia nai lo o (lona alofa ia i latou nei o isi soo; le alolofa o isi soo ia Iesu; lona alofa i nei mea, e pei o le fai faiva). (Ioa. 21:15) [Faitau Tusi Paia faalevaiaso; tagai i le w88 11/1 itu. 31 pala. 9.]

30. O le toatele lava o i latou o ē o loo taimua i le faalauiloaina o le tala lelei o ni (tagata mauoloa; tagata aloaia i le lalolagi; tagata lautele). [jv itu. 548 pala. 3]

Faafetaui mau ia o loo mulimuli mai i faamatalaga o loo lisiina i lalo:

2 Tu. 10:15, 16; Faata. 3:9, 10; Luka 9:60, 62; 13:4, 5; Roma 9:10-12

31. Sa tetee atu Iesu i mafaufauga i iuga ua uma ona tuupoina, na faasino atu i se mala na matuā malamalama lelei i ai lana aufaalogologo ma o lea na ia faasino manino atu o le taimi e lē mailoa le mea e tupu ai. [Faitau Tusi Paia faalevaiaso; w 9/1/96 itu. 5 pala. 5.]

32. Na faailoa e Ieova lona tomai e iloaina ai faanaunauga o le tagata e lei fanau mai ma faatino ai lona iloa o mea e lei tutupu ma lana aiā e muai filifili ai se tasi e na te filifilia mo ana fuafuaga. [it-1 itu. 1242 pala. 6]

33. O le tuutoina atu ma le naunautai o le tagata atoa e manaomia ina ia ulu atu ai i le Malo. [si itu. 192 pala. 32]

34. O le a faamanuiaina mai i tatou e Ieova pe afai tatou te faaaogaina o tatou taimi, malosi, ma isi alamanuia, e aofia ai a tatou tupe, e faaauilumaina ai le tapuaiga moni. [kl itu. 120 pala. 8]

35. E tatau i se tasi ona ia lagolagoina ma le faamaoni ē o taimua i le tapuaiga a Ieova. [it-1 itu. 1269 pala. 8]