Mea ia Manatua mo le Faamanatuga

O le faamanatuina o le Faamanatuga e paʻū i le Aso Toonai, o Aperila 11. E ao i le au toeaina ona tagai totoʻa i mea nei:

◼ I le faatulagaina o le taimi mo le sauniga, ia mautinoa ua lē pasiina atu le areto ma le uaina seiloga ua goto le la.

◼ E tatau ona faailoa atu i tagata uma e aofia ai ma le failauga le taimi tonu ma le nofoaga e faia ai le Faamanatuga.

◼ E tatau ona maua ma sauni le areto ma le uaina talafeagai.—Tagai i Le Olomatamata o Aokuso 1, 1985, itulau 19.

◼ E tatau ona muai avatu i le maota ia ipu mafolafola ma ipu malamalama se laulau talafeagai ma se ʻie laulau ma faatū i se tulaga talafeagai.

◼ E tatau ona muai faamamā lelei le Maota o le Malo po o se isi fale mo le sauniga.

◼ E tatau ona filifilia se au tautua ma ni ē pasia le areto ma le uaina ma muai faatonuina i latou e uiga i le taualumaga saʻo ma o latou tiute.

◼ E tatau ona faia ni fuafuaga ina ia tautuaina nisi o le vasega faauuina o ē o gasegase ua lē mafai ona auai.

◼ Pe a faapea e sili atu i le tasi le faapotopotoga e faaaogaina le Maota o le Malo e tasi, e tatau ona faia ni feutagaiga lelei i le va o faapotopotoga ina ia alofia ai le soona tumutumu i le faapaologa, le faitotoa, ma auala e ulufale atu ai, ma mea e paka ai taavale.