Faasilasilaga

◼ Lomiga mo le ofo ia Mati: Le Poto e Taʻitaʻia ai i le Ola e Faavavau. Ia uaʻi atu i le amataina o suesuega faale-Tusi Paia i aiga. Aperila ma Me: O kopi taitasi o Le Olomatamata ma le Ala Mai! Iuni: Le Tagata Silisili o Ē Uma na Soifua Mai.

◼ O tagata talaʻi o ē fia auauna o ni paeonia lagolago ia Aperila ma Me e tatau nei loa ona faia a latou fuafuaga ma vave tuuina atu a latou talosaga. O le a fesoasoani lenei mea i toeaina e faia ai ni fuafuaga manaomia mo le auaunaga i le fanua ma ia faamautinoa ua lava mekasini ma isi lomiga o iai. O suafa o i latou uma o ē ua faamaonia e avea o ni paeonia lagolago e tatau ona faasilasila atu i le faapotopotoga.

◼ E tatau i le ovasia taimua po o se tasi na te tofia ona suʻeina tusi a le faapotopotoga ia Mati 1 po o se vave e mafai ai mulimuli ane. Ia faasilasila atu i le faapotopotoga pe a uma ona faia o lena mea.

◼ O i latou uma e aufaatasi ma se faapotopotoga, ua tatau ona auina atu tusiga fou ma tusiga toe faafou uma lava mo Le Olomatamata ma le Ala Mai! e ala atu i le faapotopotoga.

◼ E lē faatumuina e le Sosaiete ni talosaga a tagata talaʻi taitoatasi mo a latou ota o lomiga. E tatau i le ovasia taimua ona fuafua e faia se faasilasilaga i masina taitasi a o lei auina atu i le Sosaiete le ota faalemasina a le faapotopotoga mo lomiga, ina ia mafai ai e i latou uma o loo naunau e fia maua ni lomiga totino ona faailoa atu i le uso lea o loo gafa ma lomiga. Faamolemole ia manatua po o ā lomiga e ao ona talosagaina faapitoa.