Sauniga o le Auaunaga mo Novema

Vaiaso e Amata ia Novema 2

Pese 23 (200)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Talanoa i le lipoti o le auaunaga i le fanua ia Aokuso mo le atunuu ma la outou faapotopotoga.

15 minu: “Na Tatou Maua Aogā Mai Tauaofiaga o ‘Le Ala a le Atua i le Ola.’” Fesili ma tali. Ia faaali atu le tusi fou faa-Peretania ma le polosiua fou faa-Peretania, ma faasino atu auala e mafai ona tatou faaaogā lelei ai le tusi.

20 minu: “Ua Fia Maua Saʻu Suesuega Faale-Tusi Paia!” Talanoaga ma le aofia e faia e le ovasia o le auaunaga. Ia faailoa atu le auala o le a faamaopoopoina ai lenei taumafaiga tuufaatasi a le faapotopotoga mo le faia o toe asiga. I le tele e mafai ai, e mafai ona galulue tagata talaʻi ua lava le poto masani ma ē fou. O vaega e galulue i taavale e tatau ona faatoalaiti ina ia mafai ai ona tele ni toe asiga e faia. Autalu fautuaga o loo i le faaopoopoga o La Tatou Faiva o le Malo o Aperila 1998, palakalafa e 12-15. Ia faataitai e se tagata talaʻi tomai le auala e ofo ai se suesuega i se toe asiga. Faalaeiau tagata uma ina ia tauivi e amataina se suesuega fou.

Pese 15 (127) ma le tatalo faaiu.

Vaiaso e Amata ia Novema 9

Pese 17 (187)

13 minu: Faasilasilaga a le faapotopotoga. Tala o le tupe. Pusa Fesili.

15 minu: Manaoga o le faapotopotoga.

17 minu: “Ia Ati ae e le Tasi le Isi e Ala i le Faia o ni Tali i Sauniga.” Fesili ma tali. Faamatala mai le auala e fesoasoani ai le faia o ni tali i lo tatou agaigai i luma faaleagaga. (Tagai i le School Guidebook, suesuega 38, palakalafa 4.) Valaaulia nisi e faamatala mai pe na faapefea ona latou manumalo mai le faatalatu e faia ni tali, ma le auala ua faamanuiaina ai i latou e ala i le faia o se sao i sauniga.

Pese 7 (51) ma le tatalo faaiu.

Vaiaso e Amata ia Novema 16

Pese 8 (53)

8 minu: Faasilasilaga a le faapotopotoga. Faamatala mai ni mea na tutupu i le amataina o suesuega faale-Tusi Paia a nisi o le faapotopotoga.

20 minu: “Ovasia o Loo Taimua—Le Ovasia o le Aʻoga o le Faiva Faatiokarate.” Lauga a le ovasia o le aʻoga. Autalu le tusi School Guidebook, itulau e 10-11, palakalafa 6-12.

17 minu: “Ia Uigā i Lau Faiva.” Talanoa i fesili ma tali le palakalafa 1-7 o le faaopoopoga. Ia taulai atu i manatu e mafai ona faatatauina patino lava i le oganuu a la outou faapotopotoga.

Pese 29 (222) ma le tatalo faaiu.

Vaiaso e Amata ia Novema 23

Pese 22 (130)

8 minu: Faasilasilaga a le faapotopotoga. Faamatala le mea na tupu lena o loo lomia i le itulau i tua o le Ala Mai!, Aperila-Iuni, 1997, e faatatau i le aafiaga ua oo i tagata ona o le tusi o le Tagata Silisili. E tatau i tagata talaʻi uma ona mataala e ofo atu lenei tusi i avanoa talafeagai.

17 minu: “Ia Uigā i Lau Faiva.” Talanoa i fesili ma tali le palakalafa 8-21 o le faaopoopoga. Ia taulai atu i manatu e mafai ona faatatauina patino lava i le oganuu a la outou faapotopotoga.

20 minu: Fautuaga e Faaleleia Atili ai Lau Faitauga Tusi Paia. Lauga e faavae i Le Olomatamata, Me 1, 1995, itulau e 16-17. Ia faamatilatila aogā faaleagaga e maua mai le faitauina o le Tusi Paia i lea aso ma lea aso. Autalu fautuaga o loo ofoina mai ai, ma talanoa i auala e faatatauina ai. Ia faamatala mai e ni tagata talaʻi se toalua po o se toatolu le auala na latou maua ai aogā e ala i le faitauina e lē aunoa o le Afioga a le Atua.

Pese 5 (46) ma le tatalo faaiu.

Vaiaso e Amata ia Novema 30

Pese 10 (82)

15 minu: Faasilasilaga a le faapotopotoga. Faamanatu i tagata uma ina ia tuuina mai a latou lipoti o le auaunaga i le fanua. Ia fai se faamatalaga puupuu i le ofo mo Tesema, le tusi o Laʻu Tusi o Tala o Le Tusi Paia, ma ni manatu tāua mai le tusi e mafai ona faamatilatila atu. Faalaeiau i so o se tasi e lei amataina lava se suesuega faale-Tusi Paia ia Novema ina ia faaauau a latou taumafaiga e oo atu ia Tesema i le toe asia o so o se tasi na tuu ai le tusi o Le Poto. Ia faataitai e se tagata talaʻi tomai le faia o se toe asiga e faaaogā ai le pusa i le itulau e 19 o le tusi o Le Poto; e faamatala mai e le tagata talaʻi le auala e mafai ona faaaogā ai le tusi ina ia maua ai se malamalamaga i aʻoaʻoga a le Tusi Paia ma amataina ai se suesuega.

15 minu: Ia Faaaogā Lelei le Kalena o le 1999 a Molimau a Ieova. O se lauga. Autalu vala o le kalena: (1) o ata mataina e faaalia ai mea iloga na tutupu o loo taʻua i le Tusi Paia ma ana aʻoaʻoga, (2) le faasologa o le faitau Tusi Paia faalevaiaso mo le Aʻoga o le Faiva Faatiokarate, (3) le faasologa o le faitau Tusi Paia faaletausaga mo le vaiaso a o lei oo i le Faamanatuga, (4) le faailoaina mai o autaluga tusia o loo faasolo mai, ma (5) faamanatuga ina ia faia e lē aunoa se sao i le auaunaga o le tufaina atu o mekasini. Talanoa i auala e faaaogā ai le avanoa o loo iai e otooto mai ai se faasologa o le faiva i le fanua, ia faamau i lalo lipoti mo le auaunaga ma ni fuafuaga e galulue ma isi, ia tusia se lisi o i latou ua mautofiga i sauniga, ia faamau i lalo faamanatuga mo asiasiga a le ovasia matagaluega ma fonotaga o loo faagasolo mai. O le tautauina o le kalena i totonu o le fale po o le falefaigaluega i se nofoaga e iloagofie ai, e ono maua ai ni avanoa e amata ai ni talanoaga faale-Tusi Paia. Ia faamatala ni mea na tutupu mai 1988 Yearbook, itulau 8.

15 minu: Mauaina Aogā Mai le Polosiua Fou, What Happens to Us When We Die? Autalu manatu tāua o ona mataupu. O loo faasino atu i tua i pogai autū o le aʻoaʻoga i le lē mafai ona oti o le solu, ma iloiloina ai le auala ua avea ai le mataupu ma aʻoaʻoga autū a le toetoe lava o lotu uma i le lalolagi. O loo faamatalaina ai i se auala faaoso fiafia le mea o fai mai ai le Tusi Paia e uiga i le solu, le mafuaaga ua tatou oti ai, le tulaga o ē ua oti, le faamoemoe o iai mo le ola pe a mavae le oti, ma le mafuaaga e manaomia ai ona tatou iloa le upu moni e uiga i nei mataupu. E tatau i tagata uma o le faapotopotoga e malamalama i le faa-Peretania ona faitau i lenei polosiua. Faasino mai nisi o ata e 40 faapea ma faamatalaga sii na o loo aliai mai i le amataga o vaega taitasi, e mafai ona faaaogā e faaoso ai le naunau fiailoa o tagata. Faailoa mai le auala e mafai ona faatomua ai le vaega mulimuli pe a ofoina atu se suesuega faale-Tusi Paia i aiga ia i latou o ē faitau i le faa-Peretania. Valaaulia ni tagata talaʻi e faamatala mai le auala ua latou fuafua e faaaogā ai le polosiua fou i le faiva.

Pese 21 (191) ma le tatalo faaiu.