Faasilasilaga
◼ Lomiga mo le ofo ia Tesema: Laʻu Tusi o Tala o Le Tusi Paia. Ianuari: So o se tusi o tusi nei: “Ia Oo mai Lou Malo,” Autasia i le Tapuaiga i le Atua Moni e Toatasi, Lou Talavou—Mauaina mai ai Aogā Silisili, Faia o Lou Olaga Faaleaiga ia Fiafia, po o so o se tusi tuai e 192 itulau atonu o loo iai pea i le faapotopotoga. O faapotopotoga e lē o iai ni a latou tusi faapena e mafai ona ofo le tusi, E Mafai ona E Ola e Faavavau i Parataiso i Le Lalolagi. Fepuari: Le Ala e Maua ai le Fiafia i le Aiga. Mati: Le Poto e Taʻitaʻia ai i le Ola e Faavavau. O le a faia se taumafaiga faapitoa ia amataina ni suesuega faale-Tusi Paia i aiga.
◼ Ua tatau i faapotopotoga ona amata talosagaina le Yearbook of Jehovah’s Witnesses mo le 1999 i le ota o a latou lomiga ia Tesema. O le a maua le Yearbook i le gagana Arapi, Eleni, Iapani, Initonesia, Italia, Falani, Finilani, Peretania, Polani, Potukali, Saina, Sepania, Serbia, Siamani, Suetena, Hagakeri, Holani, Korea, Rusia, Croatia, ma le gagana Czech. O le a faailogaina Yearbook i le lisi o le ota a le faapotopotoga faapea “Back Orderd” seia oo ina maua nei tusi ma aauina atu. O Yearbooks o ni tusi e talosagaina faapitoa.
◼ Ua tatau i faapotopotoga ona amata talosagaina tuufaatasiga o Watchtower ma le Awake! mo le 1998 i le ota o a latou lomiga ia Tesema. O le a maua tuufaatasiga i le gagana Eleni, Iapani, Italia, Falani, Peretania, Polani, Potukali, Saina, Sepania, Siamani, Holani, Korea, Romania, Rusia, ma le gagana Croatia. O le a faailogaina nei ota i le lisi o le ota a le faapotopotoga faapea “Back Ordered” seia oo ina maua nei tuufaatasiga ma aauina atu. O tuufaatasiga o ni tusi e talosagaina faapitoa.
◼ E tatau i le ovasia taimua po o se tasi na te tofia ona suʻe tusi a le faapotopotoga ia Tesema 1 po o se vave e mafai ai mulimuli ane. Pe a uma ona faia o lenei mea, ona faasilasila atu lea i le faapotopotoga pe a maeʻa ona faitauina le tala o le tupe lea e sosoo mai.
◼ O le Faamanatuga mo le tausaga e 2000 o le a paʻū i le Aso Lulu, Aperila 19, pe a goto le la. Ua faailoa mamao atu lenei faaaliga ina ia mafai ai e uso ona taofia pe faia ni feagaiga mo ni fale e mafai ona avanoa pe afai e sili atu i le tasi se faapotopotoga o loo faaaogaina le Maota o le Malo e tasi ma e tatau ona sailia nisi fale. E tatau i toeaina ona faia se maliega ma ē pule i na fale ina ia faamautinoa ai o le a leai se mea e faalavelavea ai le fale ina ia mafai ona toafilemu ma sologa lelei le faagasologa o le Faamanatuga. Ona o le tāua tele o lea sauniga, o le tofiaina la o se failauga mo le Faamanatuga, e ao ai i le autoeaina ona filifilia se toeaina mai le toatele o toeaina e sili atu ona agavaa, na i lo o le na ona feauauai pe faaaogā le uso lava lea e tasi i tausaga uma. Ae o le a faia se fesuiaiga pe afai e iai se toeaina agavaa o le vaega faauuina e mafai ona faia le lauga.
◼ Ua saunia nei se polosiua o lona ulutala The Guidance of God—Our Way to Paradise mo le tatalaina i se taimi e lē o toe mamao. Ua fuafuaina lenei polosiua ina ia talafeagai lelei ma tagata lotu Musalimi o loo nonofo i isi atunuu o ē o loo ola i se siomaga atonu o latou maua ai se lagona saoloto e suesueina le Tusi Paia. Ua maua le polosiua lenei i gagana e sili atu i le 20. O le taimi la lenei e tuuina atu ai sau talosaga mo na o lomiga faa-Peretania. O polosiua ua lomia i isi gagana o le a faasilasila atu pe a oo ina maua.
◼ Talu ai e lima faaiuga o vaiaso o le masina o Ianuari, ua avea ai o se taimi lelei mo le toatele e paeonia lagolago ai.
◼ Lomiga Fou ua Maua:
E amata atu i le lomiga o Ianuari-Mati 1999, o le a lomia ai le Ala Mai! i le gagana Tigrinya ma le Vietiname e taʻi fā lomiga i le tausaga.