Sauniga mo le Auaunaga ia Tesema
Vaiaso e Amata ia Tesema 7
Pese 18 (162)
10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.
15 minu: “E Tatau Ona Tatou Asiasi Atu Pea Lava Pea.” Fesili ma tali. Faaopoopo puupuu i le Esekielu 3:17-19, i le faamamafaina o lo tatou tiute tauave o le faaleoina atu pea o le feau lapatai.
20 minu: Ofoina le Tusi o Tala o Le Tusi Paia. E talanoa le uso ma ni tagata talaʻi tomai se toalua pe toatolu i ni manatu mo talanoaga o loo mafai ona faamatilatila mai i le tusi o Tala o Le Tusi Paia, lea ua avea ma ofo mo Tesema. Mo se faataitaiga, e mafai ona e fesili atu: “Pe e te manatu ea o le a iai se taimi e mafai ai ona avea le lalolagi o se nofoaga fiafia ma filemu e ola ai? Ona suʻe lea i le tala e 71 ma faamatala manatu autū mai le Isaia 11:6-9 po o le Faaaliga 21:3, 4. Po o lou faatū atu o le fesili lenei: “Pe o faigata ona e faamatala atu le Tusi Paia i lau fanau? Afai o faigata, e mafai ona fesoasoani atu lenei tusi ia te oe. Seʻi oʻu faasino atu ia te oe le auala e mafai ona fesoasoani ai le tusi ia te oe ina ia faamatala le uiga o le tatalo a le Alii.” Ona autalu lea o manatu autū o le tala e 91. I le faaaogaina o se tasi o nei taulimaga, po o se taulimaga ua taulau manuia le faaaogaina e se tagata talaʻi, ia faataitai ai le auala e ono taulimaina ai le ofo ma le auala e mafai ona faailoa atu ai le fuafuaga mo meaalofa tauofo.
Pese 16 (143) ma le tatalo faaiu.
Vaiaso e Amata ia Tesema 14
Pese 25 (204)
10 minu: Faasilasilaga a le faapotopotoga. Tala o le tupe. Fai atu ni fautuaga i le auala e tali atu ai ma le poto i feofoofoaiga o aso mālōlō a le lalolagi. Afai o iai i le faapotopotoga ni kopi o le tusi o Le Tagata Silisili, ia faailoa mai le auala e mafai ona faaaogā ai ma le uigā lea tusi i le faiva i le vaitaimi o aso mālōlō o le Kirisimasi. Otooto mai ni fuafuaga faapitoa mo le faiva i le fanua ia Tesema 25, 26 ma Ianuari 1, 2 pe afai o ni aso mālōlō na i lo outou atunuu.
15 minu: “Ovasia o Loo Taimua—Le Fai Suesuega o Le Olomatamata.” O se lauga e faia e le fai Suesuega o Le Olomatamata. Na te faamatala mai ona tiute tauave ma le auala e mafai ona fesoasoani ai tagata uma lava o auai ina ia olaola ma malamalama le suesuega, ma ia atiina ae ai faaleagaga.—Tagai i le Our Ministry, itulau 67.
20 minu: “E Mafai Ona Latou Iloa e Ese i Tatou.” Fesili ma tali. Ia autalu puupuu uiga taitasi ia ua tutasi ai i tatou. Ia faailoa mai pe mafai faapefea ona faaaogā lenei faamatalaga e tataʻi mai ai tagata fiafia i le faalapotopotoga ma faaalia atu ia i latou le auala ua mafai ai e le upu moni ona maua uiga faa-Kerisiano ia i latou o ē o loo ola e tusa ai ma le upu moni.
Pese 22 (130) ma le tatalo faaiu.
Vaiaso e Amata ia Tesema 21
Pese 22 (130)
8 minu: Faasilasilaga a le faapotopotoga. Pe afai o le a suia taimi o sauniga a la outou faapotopotoga mo le tausaga fou, ia avatu se faalaeiauga agalelei e uunaia ai tagata uma ina ia tausisia pea le auaufaatasi e lē aunoa ma le faapotopotoga i lana faasologa fou o taimi. Faamanatu i tagata talaʻi ina ia faailoa atu i tagata suesue o le Tusi Paia ma tagata fiafia ni suiga ua faia. Faalaeiau i tagata talaʻi uma ina ia teu lelei a latou kopi totino o La Tatou Faiva o le Malo, ae maise lava faaopoopoga. O le a faapena ona tatou toe suʻe atu i ai i se taimi o i luma.
12 minu: Manaoga o le faapotopotoga.
25 minu: “Faavae Aʻe Lou Olaga i Vala Uma o le Auaunaga ia Ieova.” Fesili ma tali. Faatalanoa se tagata e lei faaipoipo ma se ulu o se aiga o lē na taulau manuia i le tausisia o se faasologa maumauai e lē aunoa, o le faiva i le fanua i vaiaso taitasi. Ia tuu atu ia i laua e faamatala mai po o ā faamaopoopoga totino e manaomia ina ia avatu ai le faamuamua i manaoga faaleagaga.
Pese 6 (45) ma le tatalo faaiu.
Vaiaso e Amata ia Tesema 28
Pese 26 (212)
10 minu: Faasilasilaga a le faapotopotoga. Faamanatu i tagata uma ina ia tuuina atu a latou lipoti o le auaunaga i le fanua ia Tesema. Ia faaali mai tusi tuai e 192 itulau na o loo iai mo le ofo o lomiga ia Ianuari. Faalaeiau le autalaʻi ina ia ave ni tusi mo le tufatufaina atu i le faaiuga o lenei vaiaso.
15 minu: “Maua Aogā Mai le Polokalame o le Aʻoga o le Faiva Faatiokarate o le 1999.” O se lauga e faia e le ovasia o le Aʻoga o le Faiva Faatiokarate. Ia fai atu i ni tagata talaʻi e faamatala mai ni aogā na latou maua i le tausisia o le “Faasologa Faaopoopo o le Faitau Tusi Paia” i vaiaso taitasi. Faalaeiau i tagata uma ina ia faitau le Afioga a le Atua i aso taitasi.
20 minu: “E Tatau i Tagata Uma Ona ‘Talia le Upu ma le Loto Fiafia’!” Fesili ma tali. Ia faaaofia ai ni manatu faaopoopo mai le faaopoopoga o La Tatou Faiva o le Malo, Iuni 1996, palakalafa 21.
Pese 11 (85) ma le tatalo faaiu.