Faasilasilaga

◼ Lomiga mo le ofo ia Setema: Le Poto e Taʻitaʻia ai i le Ola e Faavavau. Oketopa: O kopi taʻitasi o Le Olomatamata ma le Ala Mai! Afai e iai se tagata fiafia e maua pe a fai toe asiga, e mafai ona ofoina atu i ai tusiga. Novema: O le ā e Manaomia e le Atua Mai ia i Tatou? po o Le Poto e Taʻitaʻia ai i le Ola e Faavavau. Afai ua uma ona iai i tagata nei lomiga, e mafai ona e ofoina le tusi E Mafai ona E Ola e Faavavau i Parataiso i Le Lalolagi. Tesema: Le Tagata Silisili o Ē Uma na Soifua Mai. Ianuari: Laʻu Tusi o Tala o Le Tusi Paia. Fepuari: Le Ala e Maua ai le Fiafia i le Aiga.

◼ E tatau i le ovasia taʻimua po o se tasi o lē na te tofia ona suʻeina tusi a le faapotopotoga ia Setema 1 po o se vave e mafai ai mulimuli ane. Ia faasilasila atu i le faapotopotoga pe a uma ona faia o lena mea, pe a maeʻa ona faitauina le tala o le tupe lea e sosoo mai.

◼ O āiāiga a le Iunaite Setete i le filifilia o tagata mo le vaegaʻau (Selective Service), e manaʻomia ai ona lesitalaina tama talavou uma i le fale meli pe afai ua aulia le 18 tausaga. E faatatau atu foi lenei mataupu i Amerika Samoa. O i latou uma e manaʻomia ona faia faapea, e tatau loa ona vave tagofia le mataupu, e ala i le manatu i ai o se tiute tauave faa-Kerisiano lea mo faipule silisili. E tatau i toeaina ona manatua lenei mea ma tuuina atu ni faamanatuga talafeagai i uso talavou ua latalata atu i le 18 tausaga. O fesili e faatatau i tiute tauave o Kerisiano talavou e tusa ai ma lenei mea e mafai ona taliina e toeaina.

◼ E faamanatu atu i toeaina ina ia mulimuli i faatonuga o loo aumaia i le itulau e 16-20 o Le Olomatamata o Aokuso 15, 1991 e faatatau i ni tagata faateʻaina po o i latou na vavae ese i latou lava o ē atonu ua mananaʻo e toe faaeaina.

◼ O i latou e auaufaatasi ma se faapotopotoga e tatau ona aauina atu e ala i le faapotopotoga ia tusiga fou ma tusiga toe faafou uma mo Le Olomatamata ma le Awake!, e aofia ai ma a latou tusiga totino.

◼ E lē faatumuina e le Sosaiete talosaga a tagata taʻitoʻatasi mo ni lomiga. E tatau i le ovasia taʻimua ona fuafua e faia se faasilasilaga i masina taʻitasi a o leʻi aauina atu i le Sosaiete le ota faalemasina a le faapotopotoga, ina ia mafai ai e tagata uma o ē mananaʻo e fia maua ni lomiga totino ona faailoa atu i le uso o loo gafa ma lomiga. Faamolemole ia manatua po o ā lomiga e talosagaina faapitoa.

◼ O Tauaofiaga Itumalo ma Faava-o-atunuu o le 1998 “Le Ala a le Atua i le Ola,” sa avea o ni faamanuiaga moni mo i latou uma na auai. Ia i latou na auai, sa iai le toʻa 2,764 o misionare ma auauna faava-o-atunuu o ē na mafai ona asiasi atu i o latou atunuu ona o le fesoasoani matamau o meaalofa tauofo mai faapotopotoga. E matuā talisapaia lava le lagolagosua ua tuuina mai i lenei fuafuaga. I le faaiʻuga o nei tauaofiaga, o tupe na totoe mai meaalofa tauofo na foaʻiina atu mo lenei fuafuaga, o le a faaaogāina e lagolago ai le galuega talaʻi i le lalolagi aoao.

◼ Ua tatau i faapotopotoga ona aauina atu a latou talosaga mo le Iloiloina o le Tusi Paia i Aso Taitasi—2000 ina ia taunuu i le ofisa o le lālā ia Setema 20. E lē gata o le a maua i le gagana Peretania, Samoa, ma le gagana Toga, lea e faaaogā i oganuu a lo tatou lālā, ae o le a maua foi tamaʻitusi i gagana nei: Alapania, Aminia, Amharic, Atu Solomona Pidgin, Arapi, Eleni, Eperu, Iapani, Iloko, Italia, Ukraine, Falani, Finilani, Fiti, Gujarati, Maketonia, Niu Kini Pidgin, Nōue, Palakeria, Peresia, Polani, Potukali, Punjabi, Saina, Saina (Faafaigofie), Sepania, Serb, Siamani, Suetena, Taialani, Tagalog, Tahiti, Take, Tuvalu, Vietiname, Hagakeri, Hinitū, Hiri Motu, Holani, Korea, Romania, Rusia, Bislama, Cambodia, Cebuano, Croatia, Danish, ma le gagana Wallis. O le a iai pea tamaʻitusi nei i le lisi o lomiga a le faapotopotoga e faapea “Pending” (Faatali) seʻiloga ua maua ma aauina atu. O tamaʻitusi, Iloiloina o le Tusi Paia i Aso Taitasi, o ni tusi e talosagaina faapitoa.

◼ Lomiga Fou ua Maua i Ausetalia:

Watchtower 1998 Bound Volume—faa-Peretania

◼ E amata atu i le lomiga o Setema 1, 1999, o le a maua ai Le Olomatamata i le gagana Aminia e faalua i le masina, ae i le gagana Kazakh e faatasi i le masina.