Sauniga o le Auaunaga mo Setema
Vaiaso e Amata ia Setema 6
Pese 6 (45)
10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.
17 minu: “Po o E Galue Faatasi ai ma se Fuafuaga?” Faapuupuu upu tomua ia itiiti ifo i le minute, ona sosoo ai lea ma le talanoaina o le mataupu i fesili ma tali. Ia faaaofia ai ma ni faamatalaga mai le tusi, Our Ministry, itulau 88-89. Faalaeiʻau tagata uma ina ia maumauaʻi ma faia ia maeʻaeʻa la latou faiva.
18 minu: “Mātua—Ia Faataatia se Faaaʻoaʻoga Lelei mo a Outou Fanau.” O ni upu tomua pupuu mai se toeaina, sosoo ai ma le talanoaina o le mataupu e ni uso se toʻalua o ē ua avea o ni mātua. Ia la faaalia le popole e uiga i le leoleomaluina o a la fanau mai faiga ma uiga e āfaina ai, ia o loo fesagaʻi ma i latou i le aʻoga, i televise, ma tauaiga e lē o ni Molimau ma isi. Ia talanoaina e uso e faatatau i uiga lē faaaloalo, faaupuga a tagata o le lalolagi ma teuga, ma faafiafiaga lē mamā. Pe a uma ona manatunatu i le manaʻomia ona faataatia se faaaʻoaʻoga lelei, ona la talanoa lea i auala e ati aʻe ai se naunau sili mo le suʻesuʻega faaleaiga, sauniga a le faapotopotoga, ma le auaunaga i le fanua.—Tagaʻi i Le Olomatamata o Iulai 1, 1999, itulau e 8-22, ma le Awake! o Setema 22, 1991, itulau 8-9.
Pese 15 (127) ma le tatalo faaiʻu.
Vaiaso e Amata ia Setema 13
Pese 4 (43)
10 minu: Faasilasilaga a le faapotopotoga. Tala o le tupe.
15 minu: Na Faapefea Mai la Tatou Auaunaga i le Tausaga ua Mavae? O se lauga e faia e le ovasia o le auaunaga. Autalu ni tumutumuga na ausia i le lipoti a le faapotopotoga i le tausaga faaleauaunaga o le 1999. Ia avatu se faamālō mo ni mea lelei na faataunuuina. Faailoa mai foi ni itu e manaʻomia ona faaleleia. Taulaʻi atu i le tulaga o le faapotopotoga i le auai i sauniga ma le faia o suʻesuʻega faale-Tusi Paia. Faailoa mai ni sini aogā mo le tausaga o loo sau.
20 minu: “O le ā o le a E Fai Atu ai i se Tagata Hinitū?” Fesili ma tali. Faamamafa le aogā o le faataatia o se faavae e taufai ioe i ai ma se tagata, ma faailoa mai ni vala e tatou te ono ioe ai i se manatu o se tagata Hinitū. Faailoa mai le auala e mafai ona fetuunaʻi ai ia taulimaga o loo fautuaina mai ina ia mafai ai ona molimau atu i tagata o so o se lotu. Faataʻitaʻi mai se taulimaga saunia lelei e molimau atu ai i se tagata Hinitū. Mo nisi faamatalaga auiliili e uiga i manatu faa-Hinitū, tagaʻi i le faaopoopoga o La Tatou Faiva o le Malo o Fepuari 1998; le tusi Reasoning, itulau e 22; ma le Mankind’s Search for God, mataupu 5.
Pese 11 (85) ma le tatalo faaiʻu.
Vaiaso e Amata ia Setema 20
Pese 17 (187)
15 minu: Faasilasilaga a le faapotopotoga ma tala o mea na tutupu i le auaunaga i le fanua.
15 minu: Manaʻoga o le faapotopotoga.
18 minu: Le Faatatauina o Mataupu Silisili Faale-Tusi Paia pe a Aʻoaʻia le Fanau. E ui o se tū masani mo mātua i atumotu Polenisia le matuā sasa o tino o a latou fanau pe a avatu aʻoaʻiga, ae ua lē ōgatusa lenei mea ma mataupu silisili o le Tusi Paia. O i latou ua avea ma Kerisiano moni, latou te oofu i “le tagata fou” ma e aofia ai i lenei itu le auala latou te tausia ai a latou fanau. (Efe. 4:22-24) Ia faamatilatila ni manatu mai Le Olomatamata o Aperila 1, 1998, itulau 17-18, palakalafa 12, 13, faapea foi manatu autū e fā i lalo o le tamaʻi ulutala “Le Tagata Fou” (The New Personality) i le Awake! o Fepuari 8, 1993, itulau 11-12. (Tagaʻi foi i le fy, itu. 59-61, pala. 20-23.) Ia faatalanoa se tinā o lē na te faamatala mai po ua faapefea i lona aʻoaʻoina o le Tusi Paia ona suia ai le auala e avatu ai ana aʻoaʻiga, e ala i le taʻua o ni tū masani patino e masani ai lona vaipanoa, lea e aofia ai ni faasalaga mamafa sa masani ona ia faia, ae maise foʻi le auala ua ia taulimaina ai ana aʻoaʻiga i le taimi nei.
Pese 20 (93) ma le tatalo faaiʻu.
Vaiaso e Amata ia Setema 27
Pese 12 (113)
15 minu: Faasilasilaga a le faapotopotoga. Faamanatu i tagata talaʻi ina ia tuuina mai a latou lipoti o le auaunaga i le fanua mo Setema. Faalaeiʻau tagata uma ina ia faia fuafuaga mo le faia o se sao atoatoa i le tufatufaina atu o mekasini ia Oketopa. Autalu nisi o fautuaga o loo aumaia i La Tatou Faiva o le Malo o Oketopa 1996, itulau 8, i le auala e sauniunia ai taulimaga. I le faaaogāina o mekasini fou, ia taʻua nisi o manatu e lelei mo le faia ai o talanoaga ma fai se faataʻitaʻiga puupuu se tasi pe lua. Ia faailoa mai le auala e taʻua ai le fuafuaga mo meaalofa tauofo i lē ona le fale.
15 minu: Pusa Fesili. Lauga a se toeaina.
15 minu: “Ua Faateleina le Tapuaʻiga Moni i Europa i Sasaʻe.” E taulimaina e se toeaina i fesili ma tali. Ia taʻua ni mea na tutupu po o ni faamaoniga o le faatelega i atunuu o loo taʻua ai, e pei ona lipotia mai i Yearbooks i tausaga talu ai nei.
Pese 26 (212) ma le tatalo faaiʻu.