Faasilasilaga

◼ Lomiga e ofo mo Ianuari: Laʻu Tusi o Tala o Le Tusi Paia. Fepuari: Le Ala e Maua ai le Fiafia i le Aiga. Mati: Le Poto e Taʻitaʻia ai i le Ola e Faavavau. O le a faia se taumafaiga faapitoa e amata ai suʻesuʻega faale-Tusi Paia i aiga. Aperila ma Me: O kopi taʻitasi o Le Olomatamata ma le Ala Mai! Ia iai ni polosiua o le Manaomia mo tagata loto fiafia, ma ia tinoū e amata suʻesuʻega faale-Tusi Paia i aiga. Iuni: O le ā e Manaomia e le Atua Mai ia i Tatou?

◼ O tagata talaʻi papatiso uma e auai i le Sauniga o le Auaunaga i le vaiaso o Ianuari 10, e mafai ona maua le pepa Advance Medical Directive/Release (Faatonuga ua Muaʻi Saunia mo Fōmaʻi ma Tuusaʻoloto Ai) ma le Identity Card mo a latou fanau iti.

◼ E amata atu ia Fepuari po o Mati, o le lauga lautele fou mo ovasia matāgaluega o le a faamatuaina, “Le Amaketo Moni—Aiseā? O Afea?”

◼ Tauaofiaga Itumalo mo le 2000: E pei ona faasilasilaina i le tauaofiaga itumalo ua tuanaʻi, e lua tauaofiaga itumalo o loo fuafua i le tausaga 2000 mo atunuu i lalo o le lālā o Samoa, ma o tauaofiaga nei o mulimuli mai:

ʻAtele, Toga: Aokuso 4-6, 2000 (faa-Toga ma le faa-Peretania). O le a valaaulia usufono mai Amerika Samoa ma Samoa.

Apia, Samoa: Setema 1-3, 2000 (faa-Samoa ma le faa-Peretania). Ua tofia faapotopotoga i Amerika Samoa i lenei tauaofiaga, ma o le a valaaulia foʻi usufono mai Toga.

◼ E tatau i faapotopotoga ona faia fuafuaga mo le faamanatuina o le Faamanatuga i lenei tausaga, i le Aso Lulu, Aperila 19, pe a goto le la. E ui atonu e vave ona amata le lauga, ae o le tufatufaina atu o le areto ma le uaina o le Faamanatuga e lē tatau ona faia seʻia oo ina goto le la. Fesili i le ofisa o le tau i lo outou atunuu e iloa ai le taimi e goto ai le la. E ui lava e iai le faanaunauga mo faapotopotoga taʻitasi e faia la latou lava Faamanatuga, ae atonu e lē mafai i taimi uma ona faia o lenei mea. I nofoaga e masani ona faaaogā ai e ni faapotopotoga e sili atu i le tasi le Maota o le Malo e tasi, atonu e mafai e se faapotopotoga se tasi pe sili atu foʻi ona maua se isi fale e faaaogā mo lena po. Afai e mafai, e matou te fautuaina atu se taimi e lē itiiti ifo i le 40 minute i le va o polokalame ina ia mafai ona maua se taimi e faafeiloaʻi ai tagata asiasi mai ma faalāʻeiʻauina tagata loto fiafia fou, o le faia faapea o le a maua ai e tagata uma aogā atoatoa mai le faatasiga. E tatau foʻi ona faaalia le magafagafa e faatatau i femalagaaʻiga ma mea e paka ai taavale, e aofia ai le aveina atu ma le aumaia o pasese. O le ʻautoeaina e tatau ona faia le filifiliga po o ā faatulagaga o le a sili ona lelei mo le faapotopotoga.

◼ O le lauga lautele faapitoa mo le vaitaimi o le Faamanatuga i le 2000 o le a faia i le Aso Sa, Aperila 16. O le mataupu o le a talanoaina i le lauga e faapea, “Le Māfuaaga e Manaʻomia ai e Tagata se Togiola.” O le a saunia se auivi. O faapotopotoga e feagai ma le asiasiga a le ovasia matāgaluega, se fonotaga matāgaluega, po o se aso faapitoa o fonotaga i le faaiʻuga o lena vaiaso, o le a latou faia le lauga faapitoa i le vaiaso e sosoo ai. E leai se faapotopotoga e tatau ona faia le lauga faapitoa a o leʻi oo ia Aperila 16, 2000.

◼ Lomiga Fou ua Maua:

Iloiloina o le Tusi Paia 2000—Gagana Fiti, Peretania, Samoa, Solomon Islands Pidgin, Toga.

Pay Attention to Daniel’s Prophecy!—Gagana Alapania, Amharic, Arapi, Eleni, Eperu, Iapani, Iloko, Initonesia, Italia, Ukraine, Falani, Finilani, Latvia, Lithuania, Malata, Nōue, Peresia, Peretania, Polani, Potukali, Punjabi, Saina, Saina (faafaigofie), Sepania, Siamani, Sinhalese, Suetena, Slovak, Slovenia, Swahili, Taialani, Tagalog, Tamil, Tenemaka, Vietiname, Hagakeri, Holani, Korea, Romania, Rusia, Cebuano, Croatian, ma le Czech.