Faasologa o Sauniga o le Auaunaga

Vaiaso e Amata ia Ianuari 10

Pese 26 (212)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.

15 minu: “Le Faalauiloaina o le Suafa o Ieova i le Lalolagi Uma.” Talanoa i fesili ma tali le mataupu. Ia faaaofia ai ni faamatalaga e uiga i le molimau atu lē fuafuaina mai le tusi, Our Ministry, itulau 93-94.

20 minu: Faia o se Filifiliga Faaletulafono mo le Puleaina o Togafitiga Faafōmaʻi e Lē Faaaogāina ai le Toto (Galu. 15:28, 29). Talanoaga e faia e se toeaina agavaa i le tāua o le faatumuina o le pepa, Advance Medical Directive/Release (Faatonuga ua Muaʻi Saunia mo Fōmaʻi ma Tuusaʻoloto Ai), e faavae i le auivi o loo mulimuli mai ma le tusi o Oketopa 15, 1991. Ua faaalia i le faatonuga faagaeeina i le Salamo 19:7 e faapea o faamatalaga i le Galuega 15:28, 29, o se faaaliga o le tulafono lelei atoatoa a le Atua i le toto. E tauivi ē tapuaʻi faamaoni e tausisia lena tulafono. O lenei pepa e faailoa atu ai lau faaiʻuga maumauaʻi e faia faapea ma e tautala mo oe pe afai ua lē mafai ona e tautala mo oe lava. (Faatusatusa i le Faataoto 22:3.) I se pepa fou, ua saunia ai lau taʻutinoga i le taimi nei e faailoa atu ai lou teʻena o le toto. Pe a maeʻa lenei sauniga, o le a tuu atu i Molimau papatisoina se pepa fou, ma o i latou e iai fanau laiti e leʻi papatisoina o le a maua se Identity Card mo tamaiti taʻitoʻatasi. O nei pepa, e lē faatumuina i le po nei. E tatau ona faatumuina ma le faaeteete i le fale ae AUA le sainia. O le sainia, molimauina, ma le tusiaina o le aso o pepa uma, o le a faia pe a maeʻa le Suʻesuʻega Tautusi a le Faapotopotoga e sosoo ai, i lalo o le vaavaaiga a le faisuʻesuʻega. A o leʻi sainia, ia faamautinoa ua maeʻa ona faatumuina uma pepa. O i latou o loo saini e avea ma molimau e tatau ona tagaʻi moni atu lava a o tusia le saini a lē ona le pepa. E ala i le faatatauina o faaupuga i lenei pepa i o latou lava tulaga ma talitonuga, e mafai ai e tagata talaʻi e leʻi papatisoina ona tusia ni a latou lava pepa taʻiala e faaaogā mo i latou lava ma a latou fanau. E ao i faisuʻesuʻega o suʻesuʻega tautusi ona faia se lisi e faamautinoa o i latou uma i a latou vaega ua fesoasoani i ai e faatumu le pepa Advance Medical Directive/Release.

Pese 1 (13) ma le tatalo faaiʻu.

Vaiaso e Amata ia Ianuari 17

Pese 21 (191)

10 minu: Faasilasilaga a le faapotopotoga. Tala o le tupe.

15 minu: Manaʻoga o le faapotopotoga.

20 minu: “Faaaogā Sāvali e Amata ai Talanoaga.” Ia autalu ni sāvali se fa o loo masani ona faaaogā i le oganuu. Laga se fesili o loo taliina i sāvali taʻitasi. Valaaulia le aofia ina ia aumai ni fautuaga i le auala e mafai ona faaaogā ai le fesili ina ia amataina ai se talanoaga ma atonu e iʻu atu ai i le faia o se suʻesuʻega faale-Tusi Paia. Ia faataʻitaʻi pe mafai faapēfea ona faia lenei mea i le faaaogāina o ni sāvali se lua.

Pese 25 (204) ma le tatalo faaiʻu.

Vaiaso e Amata ia Ianuari 24

Pese 7 (51)

10 minu: Faasilasilaga a le faapotopotoga ma tala i mea na tutupu i le auaunaga i le fanua.

15 minu: “Ia Mafaufau i le Afioga a Ieova i Aso Uma!” Lauga ma se talanoaga ma le aofia. Faalāʻeiʻau tagata uma ina ia faaaogā lelei le Iloiloina o le Tusi Paia i Aso Taitasi—2000. Ia faaaofia ai ni faamatalaga mai le faatomuaga, itulau 3-4. Valaaulia le ʻautalaʻi e faamatala mai pe na faapēfea ona latou faia se taumafaiga faapitoa ina ia iloiloina le mau ma faaopoopoga i aso taʻitasi.

20 minu: “Po o le a E Iai Iinā?” Lauga ma tala i ni mea na tutupu, e faia e se toeaina. E tele se vaega ua faia e faatasitasiga tetele i le faamalosia o tagata o le Atua mai lava i taimi o le Tusi Paia seʻia oo mai i o tatou aso. (Tagaʻi i le tusi, Proclaimers, itulau 254, palakalafa 1-3; ma le Insight, Tusi 1, itulau 821, palakalafa 5.) Faalāʻeiʻau tagata uma ina ia amata nei loa ona faia ni sauniuniga ina ia auai i aso uma e tolu o le tauaofiaga itumalo i lenei tausaga. Valaaulia le aofia ina ia faamatala mai ni mea na tutupu i aso ua mavae e faaalia ai na tauia faaleagaga a latou taumafaiga filigā ina ia auai.

Pese 15 (127) ma le tatalo faaiʻu.

Vaiaso e Amata ia Ianuari 31

Pese 4 (43)

12 minu: Faasilasilaga a le faapotopotoga. Faamanatu i tagata uma ina ia tuuina mai a latou lipoti o le auaunaga i le fanua mo Ianuari. Ia taʻua lomiga mo le ofo ia Fepuari: O le tusi, Fiafia i le Aiga. Faataʻitaʻi le auala e mafai ona faaaogā ai fesili e tolu o loo i le pusa i le itulau e 12 o le tusi, e fai ma faavae e faaaofia ai se tasi i se talanoaga.

15 minu: Le Tali i se Fesili e Uiga i le ‘Faailogaina.’ Lauga a se toeaina, e faavae i Le Olomatamata o Iulai 15, 1999, itulau 29-31.

18 minu: Le Auala e Fesoasoani ai i Isi e Iloa le Lotu Moni. Talanoaga i le va o se auauna o le faiva agavaa ma ni tagata talaʻi tomai se toʻalua po o se toʻatolu e faatatau i le auala atonu o māofa ai tagata i Molimau a Ieova ae lē o malamalama lelei i le eseesega i le va o isi lotu ma tatou. Autalu manatu e sefulu o loo talanoaina i le itulau e 20 o le Awake! o Me 8, 1995. Faamatala pe faapēfea i le iloa o nei vala ona fesoasoani i se tagata loto faamaoni e iloa ai le eseesega i le va o le tapuaʻiga moni ma le tapuaʻiga sesē, faatasi ma le manaʻoga ia aʻoaʻoina ni mea aogā mai i tagata o Ieova ma auaufaatasi ma i tatou.

Pese 20 (93) ma le tatalo faaiʻu.

Vaiaso e Amata ia Fepuari 7

Pese 19 (164)

8 minu: Faasilasilaga a le faapotopotoga.

17 minu: Autalu le Tusi, Pay Attention to Daniel’s Prophecy! Lauga ma se talanoaga ma le aofia. Autalu mea tāua i le tusi fou: o matua faaoso naunau o mataupu, o ata mātagōfie, o pusa o iai fesili faatupu manatu i le faaiʻuga o talanoaga taʻitasi, o faafanua ma siata o loo faamanino mai ai auiliiliga. Talanoa i le faamatalaga faalāʻeiʻau i le auala o le a “tulaʻi ai” Mekaeli i se auala faapitoa (itulau 288-290). Talanoa i le tāua o lo tatou onosaʻi i le avea ma faiaʻoga o le Afioga a le Atua (itulau 311-312). E ao ia i tatou uma ona faitau ma le faaeteete le tusi ma ia faalāʻeiʻau tagata loto fiafia ina ia faia foʻi faapea.

20 minu: Na Latou Faia se Filifiliga Atamai. Lauga e faavae mai Le Olomatamata o Oketopa 15, 1997, itulau 19-21, palakalafa 3-16. Faailoa mai ni tala a ni paeonia e faaalia ai le pogai ua latou lagona ai e faapea, ua faaaluina o latou olaga i se auala e aupito sili ona tauia, ma aogā. Faalāʻeiʻau i latou uma i le aofia ina ia fuafua lelei o latou lava tulaga mo le auaunaga paeonia.

Pese 6 (45) ma le tatalo faaiʻu.