Faasilasilaga

◼ Lomiga e ofo mo Aperila ma Me: O kopi taʻitasi o Le Olomatamata ma le Ala Mai! Ia iai ni polosiua o le Manaomia e faaleoleo mo tagata fiafia, ma taumafai e amata suʻesuʻega faale-Tusi Paia i ʻāiga. Iuni: O le ā e Manaomia e le Atua Mai ia i Tatou? Uaʻi atu i le amataina o suʻesuʻega faale-Tusi Paia i ʻāiga. Iulai ma Aokuso: So o se polosiua e 32 itūlau o loo mulimuli mai e mafai ona faaaogā: Po o Silasila Alofa mai ea le Atua ia i Tatou?, Olioli i Le Ola i Le Lalolagi e Faavavau!, “Faauta! Ou te Faia ia Fou Mea Uma Lava,” Pe Ao ona E Talitonu i le Tolutasi?, Agaga o Ē ua Maliliu—Pe Mafai ona Latou Fesoasoani ia te Oe pe Faaleagaina ai Oe? Pe o Ola Moni i Latou?, O le Malo O le a na Aumaia Le Parataiso, ma le Pe a Maliu se Tasi e Pele i a te Oe. Setema: Laʻu Tusi o Tala o Le Tusi Paia.

◼ A o mamao tauaofiaga ia Aokuso, o pine o le tauaofiaga itumalo mo le 2000 i gagana Peretania, Samoa, ma Toga o le a otometi ona faaaofia ai i uta o lomiga. O le a lē manaʻomia ona talosagaina nei pine. O le a fua le tele o pine e auina atu i le aofaʻi o faapotopotoga taʻitasi. Afai e manaʻomia e le faapotopotoga ni pine faaopoopo, e ao ona talosagaina i le Literature Request Form (S-14). E tatau ona talosaga ni faavaa e tuu ai pine mo so o se tasi i le faapotopotoga e manaʻo i ai.

◼ O loo i ai i le Sosaiete se sapalai FAA-PERETANIA o tuufaatasiga o le Watchtower mo tausaga 1951 i le 1998, ma le Awake! mo tausaga 1984 i le 1998. O so o se tagata talaʻi po o se faapotopotoga fou e mananaʻo i nei lomiga e mafai nei loa ona talosagaina e ala i le auauna o tusi o le faapotopotoga.