Autaluga o le Aʻoga o le Faiva Faatiokarate

Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Ianuari 3 e oo ia Aperila 17, 2000. Faaaogā se pepa e tusia ai i lalo tali i le tele o fesili e te mafaia i le taimi faatulagaina.

[Mātau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava sailiiliga totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.]

Tali faamatalaga nei i le Saʻo po o le Sesē:

1. I nisi taimi e ao ai ona tatou faatali mo le mauaina o faamanuiaga a Ieova, talu ai e silafia e Ieova o tatou tulaga ma tali mai i manaʻoga taʻitasi i le taimi e sili ona lelei mo i tatou. (Sala. 145:16; Iako. 1:17) [w98 1/1 itu. 23 pala. 6]

2. O le iai o le atolaau o le feagaiga lava ia sa leʻi faamautinoa ai se taulau manuia mo tagata Isaraelu. Sa faalagolago atu le iai o faamanuiaga a Ieova i le tulaga faaleagaga ma le usiusitaʻi faamaoni o i latou sa mauaina le atolaau. (Iosua, mata. 7) [Faitau Tusi Paia faalevaiaso; tagaʻi i le it-1 itu. 167 pala. 2.]

3. I aso nei ua fafagaina faaleagaga i tatou e ala i le na o le faitauina o tuleiga a Ieova. (Teu. 8:3) [Faitau Tusi Paia faalevaiaso; tagaʻi i le w86 1/1 itu. 19 pala. 15, 17.]

4. O le matāʻupu silisili na faamatilatila i le Tulafono faa-Mose i le Teuteronome 23:20 ua faaalia ai faapea o se lē alofa mo se Kerisiano le tāpā o se tupe faasili pe a nonō atu se tupe. [Faitau Tusi Paia faalevaiaso; tagaʻi i le it-1 itu. 1212 pala. 5; it-2 itu. 259 pala. 11; w87 7/1 itu. 12 pala. 9.]

5. O le lipoti mautinoa a Iosua ma Kalepo sa faavae aʻe i lo la talitonu maumaututū i le malosi ma le maumauaʻi o tagata Isaraelu e foʻia so o se toʻatugā e taofia ai lo latou mauaina o le Nuu Folafolaina. (Nu. 13:30) [w98 2/1 itu. 5 pala. 4]

6. I le faasino atu “i le mea alofa” o loo taʻua i le 1 Timoteo, na faamanatu atu ai e Paulo ia Timoteo lona faauuina i le agaga paia ma le taui faalelagi o loo faatalia mai o ia. (1 Timo. 4:14) [w98 2/15 itu. 25 pala. 1]

7. E lē o saunia e le tusi o Iosua se fesootaʻiga tāua i faamaumauga seʻia oo mai i le iai o le Fanau o le Malo. [bsi00 itu. 4 pala. 9]

8. O le tusi o Faamasino o se faamaumauga o tane na filifilia ma tofiaina e Isaraelu e pulea le nuu a o leʻi oo i le vaitaimi o tupu. [bsi00 itu. 5 pala. 2]

9. O le talosaga a Kitiona e pei ona faamatalaina i le Faamasino 6:37-39, ua faaalia ai sa ia faautauta naʻuā ma masalosalo vale. [Faitau Tusi Paia faalevaiaso; tagaʻi i le w88-E 4/1 itu. 30 pala. 6.]

10. E ala i le faatonuina o ona soo ina ia ‘⁠aua nei ofo alofa atu i se tasi i le ala,’ sa faamamafa atu ai e Iesu le faanatinati o le galuega talaʻi ma le manaʻoga ina ia uaʻi atoatoa atu i lenei tofiga sili ona tāua. (Luka 10:4) [w98 3/1 itu. 30 pala. 5]

Tali fesili ia o loo mulimuli mai:

11. Aiseā e tāua ai le faamautinoa ua teuloto e mātua afioga a Ieova? (Teu. 6:5, 6) [Faitau Tusi Paia faalevaiaso; tagaʻi i le w98 6/1 itu. 20 pala. 4.]

12. E mafai faapēfea e le ulu o se aiga ona faatatauina le matāʻupu silisili o loo faamauina i le Teuteronome 11:18, 19? [Faitau Tusi Paia faalevaiaso; tagaʻi i le fy itu. 70 pala. 14.]

13. O le ā ua faailoa mai e le Tusi Paia e mautinoa ai sa fai si umi talu ona faatasi Onesemo, le pologa lea na sola, ma le aposetolo o Paulo a o leʻi tusi atu Paulo ia Filemoni? [w98 1/15 itu. 30 pala. 3]

14. Pe a tatou vaaia faiga lē saʻo pe tofo totino foʻi i ai, o le ā e mafai ona tatou faia e ʻalofia ai lo tatou faatupuina aʻe o le loto vaivai po o le mafaufau o le a lē toe faaleleia tulaga o mea? [w98 2/1 itu. 6 pala. 2-3]

15. Na faapēfea ona faaalia e Iosua ma Kitiona le matuā faaaloalo i le tulafono a le Atua? (Teu. 20:8, 15-18) [bsi99 itu. 31 pala. 12]

16. E faapēfea i mea na tutupu e pei ona faamatalaina i le Iosua 10:10-14 ona talitutusa atu i mea e mafai ona faatalitalia ia Amaketo? [Faitau Tusi Paia faalevaiaso; tagaʻi i le w86-E 12/15 itu. 23 pala. 12–itu. 24 pala. 14.]

17. Taʻu mai aogā e tolu o le viiviia moni ona o ni amioga lelei ua tatau ai. (Faatusatusa i le Faataoto 15:23.) [w98 2/1 itu. 31 pala. 5-6]

18. E tusa ai ma le Iosua 20:4, e faapēfea e se tasi ona sola atu i le aai o le sulufaʻiga faaonaponei? [Faitau Tusi Paia faalevaiaso; tagaʻi i le w86-E 12/15 itu. 24 pala. 16.]

19. Ua faapēfea ona faailoa mai i le Faamasino 5:31 e faapea o le manumalo o le faamasino o Parako i ʻautau malolosi a Sesera i le ālia o Kisona e iai lona uiga tāua mo o tatou aso? [Faitau Tusi Paia faalevaiaso; tagaʻi i le w86 9/1 itu. 21 pala. 4.]

20. E faapefea ona tatou faaalia le faaaloalo mo le matāʻupu silisili o loo faaāta mai i le faaupuga “ua latou tutū e taitasi i le mea sa i ai” e pei ona faamauina i le Faamasino 7:21? [Faitau Tusi Paia faalevaiaso; tagaʻi i le w82-E 6/1 itu. 25 pala. 17.]

Tuu ane le upu, ni upu po o se fasi fuaiupu manaʻomia e faauma ai fuaiupu nei:

21. Ina ia mauaina atoatoa faamanuiaga mai ia Ieova, e tatau ona faaauau ona tatou ․․․․․․․․ ma ōle atu ia Ieova e fesoasoani mai ia i tatou ia ․․․․․․․․ aʻoaʻoga o lana Afioga faagaeeina. (1 Timo. 4:8, 9) [w98 1/1 itu. 24 pala. 6]

22. E matuā lē fiafia le finagalo o Ieova i le faaʻoleʻole ona e uunaʻia e le ․․․․․․․․, e ․․․․․․․․ pe e lē ․․․․․․․․, ma e sili atu ai, e ․․․․․․․․. [w98 2/1 itu. 30 pala. 2-3]

23. O le igoa Iosua o lona uiga o ․․․․․․․․, ma sa avea o ia ma ata faavaloaga o ․․․․․․․․. [bsi00 itu. 4 pala. 5]

24. Ina ia ōgatusa ma le faataʻitaʻiga a Iesu i le Mataio 7:24-27, o mātua faautauta e mafai ona fesoasoani atu i a latou fanau i le faafesagaʻia o omiga pei ni afā e ala i le tuuina atu ia i latou o le ․․․․․․․․ lea o le a fesoasoani ia i latou e tumau ․․․․․․․․ ai. [w98 2/15 itu. 9 pala. 1]

25. O faamaumauga o le talafaasolopito o loo i le tusi o Faamasino, e aofia ai le taimi talu ona maliu ․․․․․․․․ e oo mai le taimi o ․․․․․․․․, pe tusa ma le ․․․․․․․․ tausaga na aofia ai. [bsi00 itu. 5 pala. 5]

Fili le tali saʻo i faamatalaga ia o loo mulimuli mai:

26. O le faia o ni gaoioiga e tusa ai ma fuafuaga o le tufatufaina o meatotino a se tasi pe a oti o se (matāʻupu tau i le faapotopotoga; mea e patino i le tagata lava ia; o se manaʻoga mo Kerisiano moni). (Kala. 6:5) [w98 1/15 itu. 19 pala. 6]

27. Na faalāʻeiʻau atu Paulo ia Filemoni ina ia talia (Onama; Oneseforo; Onesemo) ma le agaalofa ae sa leʻi faaaogāina le pule faaaposetolo e faatonu ai o ia e faia faapea pe tuusaʻoloto ai lana pologa. (File. 21) [w98 1/15 itu. 31 pala. 1]

28. O le faalētonu matuiā lea o loo faailoa mai i le tala e faatatau i lepela ia na faamālōlō e Iesu o lo latou (lē faatuatua; lē usiusitaʻi; lē loto faafetai). (Luka 17:11-19) [w98 2/15 itu. 5 pala. 1]

29. Talu ai na talia e le Atua le gaoioiga a Raava, o ana upu i tamāloloa Ieriko o ē na tuliloaina ane sipai Isaraelu ua faaalia ai e faapea (e tusa lava pe pepelo o le filifiliga tōtino lena; ua lē iai i se tasi se avega tauave e faailoa atu ai faamatalaga moni i ē e lē tatau i ai; sa leʻi oo ina suia uma ona ala faalelalolagi). (Iosua 2:3-5; faatusatusa i le Roma 14:4.) [Faitau Tusi Paia faalevaiaso; tagaʻi i le w93 12/15 itu. 24 pala. 5.]

30. E pei ona faamauina i le Ioane 13:5, o le lesona aogā na faaoo atu e Iesu ua faamamafa ai le tāua o le uiga o le (agalelei; tigā alofa; loto maulalo), lea e uunaʻia ai se tasi ina ia naunau e faia se gaoioiga e sili ona maulalo mo isi. [w98 3/15 itu. 7 pala. 6]

Faafetaui mau ia o loo mulimuli mai i faamatalaga o loo lisiina i lalo:

Teu. 7:3, 4; 17:7; 25:11, 12; 28:3; Iere. 15:20

31. O le faaaloalo tele o Lē na Foafoaina Mea i totoga faafanautama e tatau ona taaʻina ai le faaiʻuga a se Kerisiano e fai e tusa ai ma togafitiga talafeagai mo se aiga fuafuaina. [Faitau Tusi Paia faalevaiaso; tagaʻi i le w99 6/15 itu. 28 pala. 3-6.]

32. E mafai ona tatou talitonu e lagolago mai Ieova a o tatou faataunuuina lo tatou tofiga o le talaʻia o le tala lelei o le Malo o le Atua. [w98 3/1 itu. 28 pala. 1]

33. O le utagia o le lapataʻiga a le Tusi Paia ua faasaoina ai i tatou mai iʻuga tigā e masani ona iʻu i ai pe a amo faalēgatasi se Kerisiano ma se tagata lē talitonu. [Faitau Tusi Paia faalevaiaso; tagaʻi i le w89-E 11/1 itu. 20 pala. 11.]

34. O le mauaina o faamanuiaga a le Atua e lē faalagolago i le mea o loo tatou nonofo po o auauna ai po o se tofiga o le auaunaga i le Atua atonu o loo ia i tatou. [Faitau Tusi Paia faalevaiaso; tagaʻi i le w96 6/15 itu. 15 pala. 15.]

35. Ina ia faamaonia ana faatonuga o loo i le 1 Korinito matāʻupu 5 e faatatau i le faateʻaeseina, ua sii mai ai e Paulo le Tulafono a Ieova. [Faitau Tusi Paia faalevaiaso; tagaʻi i le si-E itu. 213 pala. 24.]