Faasologa o le Sauniga o le Auaunaga
Vaiaso e Amata ia Novema 13
Pese 28 (224)
10 minu: Faasilasilaga a le faapotopotoga. Faasilasilaga mai i La Tatou Faiva o le Malo. Otooto mai ni fuafuaga faapitoa mo le auaunaga i le fanua ia Novema 23.
13 minu: Pusa Fesili. Lauga a se toeaina.
22 minu: “Atiina Aʻe le Naunau na Faagaeeina i le Tala o le Malo Nu. 36.” Talanoa i fesili ma tali palakalafa 1-5. Otooto mai ni fuafuaga faapitoa a le faapotopotoga mo le galueaʻiina o se oganuu e leʻi galueaʻiina muamua. Autalu taulimaga i le palakalafa e 7 ma le 8 mo le faia o toe asiga, ma ia faataʻitaʻi mai na taulimaga taʻitasi. Faamamafa le tāua o le toe asia o tagata uma na faaalia le fiafia ma taumafai e amataina ai ni suʻesuʻega faale-Tusi Paia. Ia faaiʻu i le talanoaina o le palakalafa e 9 ma mau o loo taʻua mai ai.
Pese 4 (43) ma le tatalo faaiʻu.
Vaiaso e Amata ia Novema 20
Pese 10 (82)
10 minu: Faasilasilaga a le faapotopotoga. Tala o le tupe.
15 minu: Mea Tutupu i le Tufatufaina o le Tala o le Malo Nu. 36. Lipoti mai ni taulau manuia i le galueaʻiina o le oganuu. Pe na iai nisi i le faapotopotoga na auai i le auaunaga i le fanua mo le uluaʻi taimi? Faamatala mai ni faamatalaga fiafia na fai mai e tagata e ona fale. Pe na mafai e nisi o le ʻautalaʻi ona amataina ni suʻesuʻega faale-Tusi Paia? Afai o lea, ia latou faamatala pe faataʻitaʻi mai le auala na latou faia ai. Faamanatu i tagata uma ina ia atiina aʻe le naunau fiafia na faaalia.
20 minu: “Ia Talaʻi Pea!” Lauga ma se faatalanoaga. O loo auaufaatasi atu nisi ma le faalapotopotoga a Ieova ma sa finafinau pea i le galuega talaʻi i o latou olaga atoa. I le iai o se uiga mautinoa, ua latou maua ai le olioli i le faia faapea. (Tagaʻi i le tusi o Le Poto, itulau 179, palakalafa 20, ma Le Olomatamata, Setema 1, 1992, itulau 21-22, palakalafa 14-15.) Valaaulia se tagata talaʻi o loo tiotio pea mo le tele o tausaga e faamatala mai ia māfuaaga ua ia maumauaʻi ai i le galuega talaʻi.
Pese 18 (162) ma le tatalo faaiʻu.
Vaiaso e Amata ia Novema 27
Pese 6 (45)
10 minu: Faasilasilaga a le faapotopotoga. Faamanatu i le ʻautalaʻi ina ia tuuina atu a latou lipoti mo Novema. O le lomiga mo le ofo ia Tesema o le tusi o Le Tagata Silisili.
20 minu: Ia Faaaogā Lelei le Tusi Reasoning. Talanoa i fesili ma tali le itulau e 7-8. Faailoa mai le auala ua fuafuaina ai lenei tusi ina ia fesoasoani ia i tatou e sauniuni ai mo le faia o se sao e sili ona uigā i le faiva. Faataʻitaʻi mai le auala e maua ai faamatalaga aogā e tali ai se fesili. Faalaeiau tagata uma ina ia faamasani i le tusi, ia tuu ai pea i a latou ato talaʻi, ma ia faaaogā e lē aunoa.
15 minu: E Mafai Faapefea Ona Ou Pulea Laʻu Masani o le Matamata TV? E talanoa atu se toeaina i se uso talavou o lē e faaalu le tele o itula i le aso e matamata ai i le TV. I le taimi muamua, e tausisi mai pea le uso e leai se āfaina o lea mea. E faapea mai o ia, e na ona matamata lava e avea o se mea e mapu i ai ma e lē o aafia ai o ia i ni tulaga lē lelei. Ia autalu e le toeaina manatu tāua o loo i le mataupu e 36 o le tusi Young People Ask. E faamatala atu e le toeaina e faapea, o le soona matamata i le TV, e faamaʻimau ai le taimi tāua atonu e mafai ona faaalu i le faia o suʻesuʻega totino, alu ai i le faiva, pe e fesoasoani ai foʻi i manaʻoga o le faapotopotoga. Ia faaalia e le uso talavou lona talisapaia o le fautuaga ma ia fai atu e faapea, e mo lona lelei faaleagaga, o le a ia suia ai lana masani o le matamata TV.
Pese 21 (191) ma le tatalo faaiʻu.
Vaiaso e Amata ia Tesema 4
Pese 13 (124)
10 minu: Faasilasilaga a le faapotopotoga. “O le ā Sau Tala e Fai Atu i se Masini Tali Telefoni?”
15 minu: Manaʻoga o le faapotopotoga.
20 minu: “Le Upu ua Fai Faatatauina.” Talanoaga ma le aofia ma ni faataʻitaʻiga. E toʻatele e iai le lagona e leʻi lava lo latou poto masani, a o taumafai e amataina ni talanoaga, e iai le manatu sesē e faapea, e latou te manaʻomia se tomai faapitoa ina ia maua ai ni iʻuga lelei. Faamatala le auala e mafai ai e i tatou uma, e aofia ai tagata talaʻi fou ma le ʻautalavou ona faamaʻite ni talanoaga ona o se taumafaiga faaopoopo. Autalu ia taulimaga ua fautuaina, faamatilatila mai le faigofie, ma ia faataʻitaʻi e ni tagata talaʻi se toʻalua po o se toʻatolu ia na taulimaga. Tagaʻi i La Tatou Faiva o le Malo o Mati 1998, itulau e 8, mo nisi taulimaga faaopoopo e mafai ona faaaogā. Faalaeiau tagata uma ina ia iai le mautinoa ina ia latou maua ai le olioli e sili atu i la latou faiva.
Pese 16 (143) ma le tatalo faaiʻu.