Faasilasilaga

◼ Lomiga e ofo mo Ianuari: “Ia Oo mai Lou Malo” pe so o se tusi e 192 itulau na lomia i le 1986 pe i luma atu, atonu o loo iai pea i le potutusi a le faapotopotoga. Fepuari: Faaaliga—Ua Latalata Lona Tumutumuga Matagofie! po o Lou Talavou—Mauaina mai ai Aogā Silisili. Mati: Le Poto e Taʻitaʻia ai i le Ola e Faavavau. O le a faia ai foʻi se taumafaiga faapitoa e amataina ai ni suʻesuʻega faale-Tusi Paia i aiga. Aperila ma Me: O mekasini o Le Olomatamata ma le Ala Mai! Afai e faaalia le naunau fiafia pe a toe asia, e mafai ona ofo i ai tusiga. Iuni: Le Poto e Taʻitaʻia ai i le Ola e Faavavau ma le polosiua, O le ā e Manaomia e le Atua Mai ia i Tatou?

◼ O tagata talaʻi papatiso uma e auai i le Sauniga o le Auaunaga i le vaiaso o Ianuari 29, e mafai ona maua le pepa Faatonuga/Tuusaunoaina Faafomaʻi ua Muaʻi Saunia ma le Identity Card mo a latou fanau iti.

◼ E amata atu ia Mati, o le lauga lautele fou mo ovasia matagaluega o le a faamatuaina, “Le Aso Faamasino—Po o Tatou Mataʻu po o Faamoemoe i Ai?”

◼ E tatau i faapotopotoga ona faia fuafuaga mo le faamanatuina o le Faamanatuga i lenei tausaga, i le Aso Sa, Aperila 8, pe a goto le lā. E ui atonu e vave ona amata le lauga, ae o le tufatufaina atu o le areto ma le uaina e lē tatau ona faia seʻia oo ina goto le lā. Fesili i le ofisa o le tau i lo outou vaipanoa e iloa ai le taimi e goto ai le lā. Talu ai e leai ni sauniga e faia i lena aso seʻi vaganā ai le auaunaga i le fanua, e tatau ona faia ni fesuiaʻiga talafeagai mo le Suʻesuʻega o Le Olomatamata ina ia faia i se isi taimi. E manaʻomia e ovasia matagaluega ona faia ni fetuunaʻiga i faasologa o a latou sauniga mo le vaiaso. E lelei mo faapotopotoga taʻitasi ona faia la latou lava Faamanatuga. Ae peitaʻi, i nofoaga e masani ona faaaogā ai e ni faapotopotoga e sili atu i le tasi le Maota o le Malo e tasi, atonu e mafai e se faapotopotoga se tasi pe sili atu foʻi ona maua se isi fale e faaaogā mo lena pō. E matou te fautuaina atu se taimi e lē itiiti ifo i le 40 minute i le vā o polokalame ina ia mafai ona maua se taimi e faafeiloaʻi ai tagata asiasi mai ma faalaeiauina tagata lotofiafia fou, o le faia faapea o le a maua ai e tagata uma aogā atoatoa mai le faatasiga.

◼ O le lauga lautele faapitoa mo le vaitaimi o le Faamanatuga i le 2001 o le a faia i le Aso Sa, Aperila 1. O le mataupu o le a talanoaina i le lauga e faapea, “O Ai e Mafai Ona Faasaoina?” O le a saunia se auivi. O faapotopotoga e feagai ma le asiasiga a le ovasia matagaluega, se fonotaga matagaluega, po o se aso faapitoa o fonotaga i le faaiʻuga o lena vaiaso, o le a latou faia le lauga faapitoa i le vaiaso o Aperila 9. E leai se faapotopotoga e tatau ona faia le lauga faapitoa a o leʻi oo ia Aperila 1, 2001.

◼ E amata atu i le lomiga o Ianuari 1, 2001 o le a maua Le Olomatamata i le gagana Kaonde ma le Seychelles Creole o se lomiga e faatasi ona maua i le masina, ma i le gagana Silozi o se lomiga e faalua ona maua i le masina.

◼ E amata atu i le lomiga o Ianuari 8, 2001, o le a maua le Ala Mai! i le gagana Palakeria ma le Urdu o se lomiga e faatasi ona maua i le masina ma i le gagana Toga e faafā ona lomia i le tausaga.

◼ Lomiga Fou ua Maua:

Isaiah’s Prophecy—Light for All Mankind I—Faa-Peretania

E Mafai Ona Avea Oe ma Uō a le Atua!—Gagana Fiti, Peretania, Samoa, Toga

◼ Kaseti Puʻeleo Fou ua Maua:

Kingdom Melodies—9—Faa-Peretania

Faaaʻoaʻoga Lapataʻi mo o Tatou Aso (Tala, tasi le kaseti)—Faa-Peretania

◼ Compact Disc Fou ua Maua:

Kingdom Melodies—9—Faa-Peretania