Autaluga o le Aʻoga o le Faiva Faatiokarate

Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Setema 3 e oo iā Tesema 24, 2001. Faaaogā se pepa e tusia ai i lalo tali i le tele o fesili e te mafaia i le taimi faatulagaina.

[Mātau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava saʻiliʻiliga loloto totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.]

Tali faamatalaga nei i le Saʻo po o le Sesē:

1. Talu ai o le faatuatua o se fua o le agaga o le Atua, o tagata la e leai se faatuatua e lē o saʻilia lenā agaga, pe o loo latou saʻilia foʻi mo se fuafuaga sesē po o le teena o lona galueaʻiina i o latou olaga. (Luka 11:13; Kala. 5:22) [rs itu. 129 pala. 1]

2. O loo saʻo ona taʻua i le Salamo 58:4 e faapea e lē lagonaina se mea i “taliga” o le asipi auā o lona natura lava e tutuli. [Faitau Tusi Paia faalevaiaso; tagaʻi i le Rbi8 itu. 1583.]

3. O le ‘ʻau e tele’ o fafine o loo taʻua i le Salamo 68:11, o fafine pologa mai nuu ese sa avea ma tagata o taua na faasaʻolotoina e tane Isaraelu ina ua manumalo i nuu sa avea ma fili. [Faitau Tusi Paia faalevaiaso; tagaʻi w86 8/1 itu. 24 pala. 7.]

4. Ina ua faailoa atu e Mose nisi o vavega i tagata Isaraelu, sa latou talitonu na faaali moni atu Ieova iā te ia. [my 31]

5. O upu a Paulo o le “aua neʻi ʻinoʻino se tasi i lou taulealea,” ua faaalia ai o le matua o Timoteo sa iai o le va o le 13 i le 19 tausaga pe sa faatoʻā 20 ma ona tupu foʻi. (1 Timo. 4:12) [w99 9/15 itu. 29 pala. 1-3; itu. 31 pala. 2]

6. E pei ona faamauina i le Salamo 110:1, o loo faasino atu “loʻu Alii” iā Iesu. [Faitau Tusi Paia faalevaiaso; tagaʻi i le w94 6/1 itu. 28 pala. 5.]

7. I le tusi o Salamo, o le suafa o Ieova e aliaʻi mai e tusa ma le faa-700 taimi, ma o lona faapuupuuga o “Ioa,” e faa-43 taimi, o lona uiga a tuufaatasi, i se fua faatatau, o loo taʻua le suafa tauatua pe tusa e faa-5 taimi i Salamo taʻitasi. [bsi01 itu. 17 pala. 12]

8. E ui o loo taʻua Iesu i le Tusi Paia o “se atua,” e oo lava ina taʻua o “le Atua malosi,” ae e lē o taʻua lava o ia o lē ona le malosi uma lava. (Ioa. 1:1  NW; Isa. 9:6; Kene. 17:1) [rs itu. 150 pala. 2]

9. O le mea moni, a suʻesuʻe i le tusi o Faataoto, o loo suʻesuʻe lea i le atamai o Solomona lava ia. [bsi01 itu. 18 pala. 1]

10. O le faatonuga a le Tusi Paia i le Faataoto 21:17 ia ʻalofia le “manao i mea faafiafia,” e faaalia ai e sesē le faia o mea e fiafia ai auā e faaaogāina ai le taimi mai mea e sili atu ona tāua. [Faitau Tusi Paia faalevaiaso; tagaʻi i le w97 10/1 itu. 27 pala. 7.]

Tali fesili ia o loo mulimuli mai:

11. O le ā le manatu e maua mai le faasaʻoga filemu a Iesu na tuu atu iā Mareta? (Luka 10:40, 41) [w99 9/1 itu. 30 pala. 7]

12. O le ā le “manuia” na ave i ai e Ieova le faisalamo? (Sala. 73:24) [Faitau Tusi Paia faalevaiaso; tagaʻi i le w86 12/1 itu. 21 pala. 4.]

13. O le ā le vaaiga i faaeaga faaleauaunaga na faaalia e le faisalamo e pei ona faamauina i le Salamo 84:1-3? [Faitau Tusi Paia faalevaiaso; tagaʻi i le w97 3/15 itu. 8 pala. 5-7.]

14. E tusa ma fetalaiga a Iesu Keriso, o ā tulafono silisili e lua na tuu atu e Ieova i ona tagata Isaraelu? [my 35]

15. Talu ai sa talitonu uluaʻi Kerisiano i le Pulega Faameleniuma a Iesu e pei ona taʻua i le tusi o Faaaliga, o ā taaʻiga na taʻitaʻia atu ai i le teena mulimuli ane o lenei aʻoaʻoga tauatua e Kerisiano aposetate? [w99 12/1 itu. 6 pala. 3–itu. 7 pala. 5]

16. O ā tapulaa e manaʻomia ona utagia e Kerisiano pe a “vaavaai” i mea a isi? (Fili. 2:4) [w99 12/1 itu. 29 pala. 1]

17. O le ā ua fafagu mai i o tatou mafaufau ona o le taʻua e le Salamo 128:3 o fanau “e pei o tamai olive” e vagavagaia le laoʻai a se tasi? [Faitau Tusi Paia faalevaiaso; tagaʻi i le w00 8/15 itu. 30 pala. 4.]

18. Afai e faagaeeina oe i galuega a le Atua, o le a faapefea ona aafia ai oe? (Sala. 139:14) [Faitau Tusi Paia faalevaiaso; tagaʻi i le w93 10/1 itu. 15 pala. 18.]

19. Aiseā e taʻua ai i le Faataoto 5:3, 4 e faapea o iʻuga mulimuli o amioga lē mamā e “oona ia e pei o le laena” ma “e maamaai o ia e pei o le pelu ua faatau maai ona itu”? [Faitau Tusi Paia faalevaiaso; tagaʻi i le w00 7/15 itu. 29 pala. 2.]

20. Ina ia ōgatusa ma le Faataoto 14:29, e mafai faapefea ona fesoasoani le faautauta iā i tatou e ʻalofia ai iʻuga o le lē onosai ma le ita lē pulea? [Faitau Tusi Paia faalevaiaso; tagaʻi i le w97 3/15 itu. 13 pala. 7-8.]

Tuu ane le upu, ni upu po o se fasi faiupu manaʻomia e faauma ai fuaiupu nei:

21. Sa tautala perofeta moni ․․․․․․․․ ma faalauiloa ․․․․․․․․ . (Teu. 18:18-20; 1 Ioa. 4:1-3) [rs itu. 132 pala. 3; itu. 133 pala. 2]

22. O le fuafuaga o Faataoto e valalua—ina ia tuuina atu ai le ․․․․․․․․ ma ia saunia ai ․․․․․․․․ . (Faata. 1:1-4) [w99 9/15 itu. 13 pala. 1]

23. “O le nofo i le mea lilo o i ai lē Silisili ese” o se nofoaga o le ․․․․․․․․ mo i latou o ē o loo iai i le itu a le Atua i le finauga o le ․․․․․․․․ ; le vateatea; e “lilo,” pe e lē iloa, e tagata o ē ․․․․․․․․ . (Sala. 91:1) [Faitau Tusi Paia faalevaiaso; tagaʻi i le w86 12/1 p. 22 pala. 6.]

24. ‘O le lē faagaloina o mea alofa a Ieova’ e mautinoa le fesootaʻi atu i le ․․․․․․․․ o “ana mea alofa,” o ana gaoioiga agalelei e pei ona faamatalaina i le Salamo 103. (Salamo 103:2) [Faitau Tusi Paia faalevaiaso; tagaʻi i le w99 5/15 itu. 21 pala. 5-6.]

25. O le faataoto o se faaupuga e loloto ma uigā lea e masani ona faaaogāina se ․․․․․․․․ , ma e fuafua ina ia ․․․․․․․․ . [bsi01 itu. 19 pala. 6]

Fili le tali saʻo i faamatalaga ia o loo mulimuli mai:

26. E ui sa iai iā te ia māfuaaga e ita ai i le faiga o ia e Saulo, ae na taofiofia e Tavita o ia lava auā (na ia iloa o Saulo sa lē lelei atoatoa ma e ao i auauna a le Atua ona lotofaamagalo; sa manino lelei i lona mafaufau lana faiā ma Ieova; na ia iloa e sesē le faamasinoina o isi). (1 Samu. 24:6, 15) [w99 8/15 itu. 8 pala. 7]

27. O le (atamai; aʻoaʻiga; amiotonu) o se tuufaatasiga o ni vala eseese, e aofia ai le iloa, malamalama, tofā mamao, ma le tomai tau le mafaufau; o le (agalelei; iloa; mafaufau lelei) o le tomai lea e vaai ai i se mataupu ma mātaulia lona faatulagaga e ala i le malamalama i le sootaga o ona vaega ma le mea atoa, ma mauaina ai le uiga moni o lenā mataupu. (Faata. 1:1-4) [w99 9/15 itu. 13 pala. 2]

28. O le malosi o Iosefa e tetee atu ai i faatosinaga lē tatau a le avā a Potifara sa maua mai (i lona iloa o le Tulafono a Mose, lea e taʻusalaina ai le faitaaga; i le iai o se mataʻu loloto mo le tulaga maualuga o lana tane; i le faatāuaina o lana faiā ma Ieova). (Kene. 39:7-9) [w99 10/1 itu. 29 pala. 3]

29. E mautinoa lava sa matuā talisapaia e le tusitala o le Salamo 119 (le afioga, po o le tulafono, a le Atua; le meaalofa o le ola; le faamoemoe o le faaolataga), lea e toetoe lava taʻua i fuaiupu uma o le salamo. [Faitau Tusi Paia faalevaiaso; tagaʻi i le w99 11/1 itu. 10 pala. 5; w87-E 3/15 itu. 24 pala. 2.]

30. I uluaʻi mataupu o le tusi a Paulo i tagata (Roma; Kalatia; Eperu), e tatou te maua ai le tele o manatu na sii mai i Salamo e faatatau i le (tulaga faaeaeaina; papatisoga; faiva faalelalolagi) a Iesu Keriso. [bsi01 itu. 17 pala. 17]

Faafetaui mau ia o loo mulimuli mai i faamatalaga o loo lisiina i lalo:

Faata. 2:19; 14:15; 18:17; Roma 10:17; Epe. 13:18

31. Ina ia maua le faatuatua, e ao i le tagata ona muaʻi suʻeina po o le ā le mea o fai mai ai le Tusi Paia ma ia iloiloina ma le faaeteete. [rs itu. 130 pala. 3]

32. E lē mafai e Kerisiano ona talia faiga faapisinisi e lē faamaoni, po o le lē amanaʻiaina o manaʻoga totino tatau o isi. [w99 9/15 itu. 10 pala. 2]

33. O i latou e faia amioga lē mamā faaleituaiga e ono oo i se tulaga o le lē toe foʻi mai, o lona uiga o le oti. [w99 11/15 itu. 27 pala. 4-5]

34. O se tagata atamai ma e faautauta o le a mafaufau loloto i iʻuga o ana gaoioiga ma o le a lē mulimuli atu ma le tauaso i se āʻega fou ona o loo lauiloa ma taʻutaʻua. [Faitau Tusi Paia faalevaiaso; tagaʻi i le g94-E 12/8 itu. 16 pala. 1.]

35. E ui e ono foliga mai e talafeagai ma saʻo se finauga a se tagata, ae o se mea atamai le faalogo i itu uma e lua o se mataupu a o leʻi faia se faaiʻuga. [bsi01 itu. 22 pala. 29]