Faasologa o le Sauniga o le Auaunaga

Vaiaso e Amata iā Tesema 10

Pese 26 (212)

13 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Faalaeiau tagata uma e matamata i le vitiō To the Ends of the Earth e sauniuni ai mo le talanoaga i le Sauniga o le Auaunaga i le vaiaso o Tesema 24. Faaaogā fautuaga i le itulau e 6, faataʻitaʻi le auala e ofoina ai (1) Le Olomatamata o Tesema 1 ma (2) le Awake! o Tesema 8.

12 minu: Manaʻoga o le faapotopotoga.

20 minu: “Faamanuiaga Mai le Faaalia o le Talisapaia o le Alofa o Ieova—Vaega 2.”a Pe a talanoaina palakalafa 2-6, valaaulia le faapotopotoga ina ia faamatala mai ni mea e faalaeiauina ai sa tutupu iā i latou ina ua molimau atu lē fuafuaina, i le tusia o ni tusi, ma le telefoni. Ia fuafua mamao ina ia toe faataʻitaʻia se mea na tupu se tasi pe lua o na mea.

Pese 29 (222) ma le tatalo faaiʻu.

Vaiaso e Amata iā Tesema 17

Pese 5 (46)

10 minu: Faasilasilaga a le faapotopotoga. Tala o le tupe. Otooto mai ni fuafuaga faapitoa mo le auaunaga i le fanua iā Tesema 25 ma Ianuari 1.

22 minu: “Ia Talaʻitonuina le Afioga a le Atua.”b Faaaofia ai ma se faataʻitaʻiga moni o le taulimaga o i le palakalafa 4. Ia faataʻitaʻi foʻi se taulimaga uigā na faaaogāina i inei lava e faalaeiau pe faamāfanafana ai i tagata o ē o loo mafatia i tulaga o loo iai le lalolagi i le taimi nei. Atonu e mafai ona faamatala atu se mea na tupu. Tāpā ni manatu o le aofia i le māfuaaga latou te manatu ai e faapea o le a sili atu ona uigā se molimau e tuuina atu pe a faaaogā le Tusi Paia.

13 minu: Lipoti a le Lālā. Ia taulimaina e le Failautusi. O le a auina atu i toeaina o faapotopotoga taʻitasi le mataupu mo lenei talanoaga ma le aofia, iā Novema. O lea ua tatou iai i le masina lona tolu o le tausaga faaleauaunaga, ae o le ā o loo tatou tulimataʻi e faataunuu iā tatou faapotopotoga? O le ā e mafai ona tatou faia o ni tagata talaʻi taʻitoʻatasi e faamautinoa ai o loo tumau ona tatou faamaoni atu i lo tatou tuuina atu iā Ieova?

Pese 23 (200) ma le tatalo faaiʻu.

Vaiaso e Amata iā Tesema 24

Pese 20 (93)

10 minu: Faasilasilaga a le faapotopotoga. Faailoa atu le lomiga e ofo mo Ianuari ma tusi o loo iai a le faapotopotoga. I le faaaogāina o fautuaga i le itulau e 6, faataʻitaʻi ni taulimaga pupuu se lua o mekasini, o le tasi e faaaogā ai Le Olomatamata o Tesema 15, a o le isi e faaaogā ai le Awake! o Tesema 22. Ia faia e se tagata talavou se tasi o na faataʻitaʻiga.

10 minu: “Le Aʻoga o le Faiva Faatiokarate mo le 2002.” Se lauga e faia e le ovasia o le aʻoga. Faalaeiau tagata uma ina ia filigā i le faataunuuina o o latou tofiga.

25 minu: “Molimau Atu—I Tuluʻiga o le Lalolagi.” Talanoaga ma le aofia. Faalaeiau tagata uma ina ia mafaufau loloto i ni mea e sili atu e mafai ona latou faia e faaoo atu ai le tala lelei i isi, i inei lava po o se isi vaipanoa o loo sili atu ai ona manaʻomia. Faasino i La Tatou Faiva o le Malo, Iulai 2001, itulau e 4. O le a tatou autaluina iā Fepuari le vitiō Noah—He Walked With God.

Pese 12 (113) ma le tatalo faaiʻu.

Vaiaso e Amata iā Tesema 31

Pese 8 (53)

10 minu: Faasilasilaga a le faapotopotoga. Faamanatu i le ʻautalaʻi e faaoo mai a latou lipoti o le auaunaga mo Tesema. Pe afai o le a suia taimi mo sauniga a la outou faapotopotoga mo le tausaga fou, ia faalaeiauina ma le agalelei tagata uma ina ia auai e lē aunoa i na taimi fou. Ia faamautinoa ua iloa uma e tagata fiafia ma so o se tasi ua lē toe talaʻi na suiga.

15 minu: Ua Onomea Ona Manatua Toeaina. E talanoaina e ni auauna o le faiva se toʻalua pe toʻatolu Le Olomatamata o Iuni 1, 1999, itulau e 18-19. E latou te taʻua le tele o tiute tauave e tatau ona tausia e toeaina, e aofia ai galuega faaletino, tiute tauave faaleaiga, ma tofiga faatiokarate. Ia tilofaʻia auala e mafai ai e tagata uma ona faalaeiauina i latou, faamāmā i a latou avega, ma mulimuli i la latou taʻitaʻiga. E ioe auauna o le faiva o loo faia e toeaina se auaunaga tāua ma ua onomea ai ona “matuā mānatua i latou.”—1 Tesa. 5:12, 13.

20 minu: Fesoasoani i Lau Fanau Ina ia Malolosi Faaleagaga. Lauga ma se talanoaga e faia e le Ovasia Taimua. Ia faavae mai le mataupu i le Ala Mai! o Ianuari 8, 1998, itulau e 8-11. Faamolemole ia faaaofia manatu tāua o i le pusa i le itulau e 9 ma faamamafa le tausiaina o manaʻoga faaleagaga o a tatou fanau laiti. Ia faaaofia ai ma se faataʻitaʻiga e fā minute e pei o lea o loo mulimuli mai: O se talanoaga faalaeiau a se tamā ma sona alo laʻitiiti, i le tāua o le faalogologo i sauniga. Na mātauina e le tamā le lē uaʻi atu o lona alo ma faamatala atu i ai māfuaaga e talafeagai ai ona faalogologo i le failauga, ma ia avatu i ai ni fautuaga. (Tagaʻi i Le Olomatamata o Mati 15, 2000, itulau e 18, pala. 10 ma le 11.) Ia faaiʻu e ala i le taʻua o le talafeagai ona iai o le ato a le tamaitiiti lava ia ma lomiga uma e talanoaina i sauniga taʻitasi. Ia folafola atu e le tamā faapea o le a ia faamautinoa ua iai uma nei mea.

Pese 27 (221) ma le tatalo faaiʻu.

Vaiaso e Amata iā Ianuari 7

Pese 17 (187)

10 minu: Faasilasilaga a le faapotopotoga.

20 minu: Ia Matuā Faaaogā Lelei Lou Olaga. Ia talanoaina e ni tagata o se aiga Le Olomatamata o Aokuso 15, 1998, itulau e 8-9. E manaʻo le tamā ina ia uia e lona aiga se ala e aumaia ai iā i latou le olioli na i lo o ni faanoanoaga. E latou te autaluina fautuaga faale-Tusi Paia i le mataupu o loo faaalia ai le auala e faamautinoa ai lo latou maua o le fiafia, ia uaʻi atu i le manaʻomia ona faautauta, o mea e talafeagai ona faamuamua, ma faalagolago iā Ieova. Ia latou otootoina mai ni fetuutuunaʻiga aogā e mafai ona latou faia o se aiga.

15 minu: Se Vaaiga Totoʻa i la Tatou Maota o le Malo. Lauga e faia e se toeaina. Ia mātauina le tulaga o loo iai le Maota o le Malo. O ā fuafuaga mo mea e faamamā a o lumanaʻi le Faamanatuga? O ā mea e manaʻomia ona toe faaleleia a o leʻi oo i lenā taimi? Faamatala ni auala e mafai ai ona fesoasoani le faapotopotoga. Faamamafa le manaʻoga ina ia faamautinoa le faaatagia atu e le nofoaga o loo tatou tapuaʻi ai le matagofie ma le mamalu lea e tatou te manatu e tatau ai i le maota o Ieova.—Sala. 84:1.

Pese 2 (15) ma le tatalo faaiʻu.

[Faaopoopoga i lalo]