Faasilasilaga

◼ Lomiga e ofo mo Mati: Le Poto e Taʻitaʻia ai i le Ola e Faavavau. Aperila ma Me: O mekasini o Le Olomatamata ma le Ala Mai! E tatau ona faailoa atu e le ʻautalaʻi i ē e ona fale e faapea e mafai ona fai sa latou meaalofa mo le galuega i le lalolagi aoao pe a finagalo ai. A faaalia le fiafia i toe asiga, ia ofo i ai le polosiua o le Manaomia, ma fai se taumafaiga faapitoa ina ia amataina ni suʻesuʻega faale-Tusi Paia. Iuni: Le Poto e Taʻitaʻia ai i le Ola e Faavavau ma O le ā e Manaomia e le Atua Mai ia i Tatou? Iulai ma Aokuso: E mafai ona faaaogā so o se polosiua o polosiua nei e 32 itulau: Agaga o Ē Maliliu—Pe Mafai ona Latou Fesoasoani ia te Oe pe Faaleagaina ai Oe? Pe o Ola Moni i Latou?, E Mafai Ona Avea Oe ma Uō a le Atua!, O le Malo O le a na Aumaia le Parataiso, Olioli i Le Ola i Le Lalolagi e Faavavau!, Pe Ao ona E Talitonu i le Tolutasi?, Pe a Maliu se Tasi e Pele i a te Oe? ma le Po o Silasila Alofa mai ea le Atua ia i Tatou?

◼ O tagata talaʻi o ē mananaʻo e auauna o ni paeonia lagolago iā Aperila ma Me, e tatau ona faia nei loa a latou fuafuaga ma vave tuu atu a latou pepa talosaga. O le a fesoasoani lenei mea i toeaina e faia ai fuafuaga o loo manaʻomia mo le auaunaga i le fanua, ma saunia ai ia lava ma totoe mekasini ma isi lomiga. E ao ona faasilasila i le faapotopotoga i masina taʻitasi suafa o i latou uma o ē ua faamaonia e paeonia lagolago.

◼ O le a faia le Faamanatuga i le Aso Tofi, Mati 28, 2002. Pe afai e masani ona faia sauniga a la outou faapotopotoga i le Aso Tofi, e ao ona sui atu i se isi aso o le vaiaso pe afai e avanoa ai le Maota o le Malo. Pe afai e lē mafai ona faia lenā tulaga ma e aafia ai la outou Sauniga o le Auaunaga, atonu e mafai ona faaaofia vaega ia e faatatau faapitoa i la outou faapotopotoga i se isi Sauniga o le Auaunaga.

◼ E lē taulimaina e le Ofisa i Samoa talosaga mo lomiga a tagata talaʻi taʻitoʻatasi. E tatau i le ovasia taʻimua ona fuafua e faia se faasilasilaga i masina taʻitasi a o leʻi aauina atu i le Ofisa i Samoa le talosaga o lomiga mo masina taʻitasi. O lenei faiga o le a mafai ai e i latou uma o loo mananaʻo ina ia maua ni lomiga totino, ona logo le uso o loo taulimaina lomiga. Faamolemole, ia mātau o loo iai lomiga e talosagaina faapitoa.

◼ Mo i latou e mananaʻo e asiasi atu i le ofisa i Samoa e tatau ona muaʻi faafesootaʻi atu le ofisa, a itiiti mai ia tasi le aso a o lumanaʻi le asiasiga. A o e leʻi asiasi atu, faamolemole ia autalu le Pusa Fesili i La Tatou Faiva o le Malo o Mati 1998 e tusa ai ma laʻei ma teuga talafeagai pe a asiasi atu i aiga Peteli.

◼ Lomiga Fou ua Maua i Ausetalia:

2002 Yearbook—faa-Peretania

Le Poto e Taʻitaʻia ai i le Ola e Faavavau—Mataʻitusi lapopoʻa—faa-Peretania

◼ Kaseti Puʻeleo Fou ua Maua i Ausetalia:

Ia Faaaloalo i le Pule a Ieova (Tala, kaseti e tasi)—faa-Peretania

◼ Lomiga e Lē o Toe Maua:

Theocratic Ministry School Guidebook—faa-Peretania