Faasologa o le Sauniga o le Auaunaga

MĀTAU: I La Tatou Faiva o le Malo o le a faatulaga atu ai i le faasologa se Sauniga o le Auaunaga atoa e toe autalu ai manatu tāua o le polokalame o le tauaofiaga iā Oketopa. Ina ia sauniuni mo lenā talanoaga, e mafai e i tatou uma lava ona faia ni faamaumauga uigā i le tauaofiaga, e aofia ai se lisi o manatu patino tatou te mananaʻo e faatatauina i o tatou lava olaga ma le faiva i le fanua. Ona mafai ai lea ona tatou faamatalaina le auala na tatou faatatauina ai nei fautuaga talu mai ona tatou auai atu i le tauaofiaga. O le a avea o se faalaeiauga le faalogo atu o le tasi i le isi a o faamatala mai le auala na aogā ai iā i latou taʻiala lelei ia na mauaina.

Vaiaso e Amata iā Iulai 8

Pese 12 (113)

15 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. I le faaaogāina o fautuaga o loo i le itulau e 8, fai ni faataʻitaʻiga eseese se lua i le auala e ofoina ai Le Olomatamata o Iulai 1 ma le Ala Mai! o Iulai-Setema. I faataʻitaʻiga taʻitasi, ia faia i ni auala eseese le taulimaga o le manatu e taofia ai le talanoaga, “O i matou nei foi o Kerisiano.”—Tagaʻi i le tamaʻitusi Amata ma Faaauau ai Talanoaga, itulau e 11.

10 minu: Pusa Fesili. Lauga a se toeaina, ia faia ni faatatauga o le mataupu i le faapotopotoga.

20 minu: “O se Avanoa Faapitoa e Fefaalaeiauaʻi Ai.” O se lauga. Ia atiina aʻe se talisapaia o le auai i le tauaofiaga itumalo. Uunaʻia tagata uma ina ia auai i vaega uma, mai le taeao o le Aso Faraile e oo atu i le afiafi o le Aso Sa.

Pese 20 (93) ma le tatalo faaiʻu.

Vaiaso e Amata iā Iulai 15

Pese 1 (13)

10 minu: Faasilasilaga a le faapotopotoga. Tala o le tupe.

15 minu: Manaʻoga o le faapotopotoga.

20 minu: Māfuaaga Tāua e Faaaogā ai le Tusi Paia i la Tatou Faiva. Lauga ma se talanoaga ma le aofia. Na silafia e Iesu le Tusi Paia ma sa ia faasino soo i ai pe a ia aʻoaʻo atu. (Luka 24:27, 44-47) O mea na ia aʻoaʻoina sa lē o ni ana lava aʻoaʻoga. (Ioa. 7:16-18) E tāua foʻi lo tatou faaaogāina o le Afioga a le Atua. E sili atu lona malosi na i lo se isi lava mea atonu tatou te fai atu ai. (Ioa. 12:49, 50; Epe. 4:12) Ua tosina mai ē lotofaamaoni e ala i faamāfanafanaga ma le faamoemoe ua ofoina mai e le Tusi Paia. Ia avea ma ou sini le faitauina a itiiti mai o le tasi o se mau o le Tusi Paia i au taulimaga. Ia faailoa atu o loo aofia ai le faaaogāina o mau i taulimaga o mekasini ua fautuaina mo lenei masina. Tāpā ni manatu mai le aofia i le auala latou te faaaogāina ai le Tusi Paia i le faiva ma iʻuga ua latou maua faapea ma i latou na latou talaʻi i ai.

Pese 5 (46) ma le tatalo faaiʻu.

Vaiaso e Amata iā Iulai 22

Pese 13 (124)

10 minu: Faasilasilaga a le faapotopotoga. Ia faataʻitaʻi e se matua ma se tamaitiiti o loo galulue faatasi i le auaunaga le auala e faaaogā ai fautuaga o loo i le itulau e 8 e ofoina ai mekasini o Iulai 15 ma Iulai 22. Ia ofoina e le tasi Le Olomatamata ae o le isi le Awake! Ia faalaeiau mātua ina ia toleniina faasolosolo a latou fanau i le faiva.

17 minu: “Ia . . . Tausisi e Le Aunoa i le Mea Lelei.”a Faamamafa le manaʻomia ona usitaia o faatulagaga mo api ua uma ona faataatitia mo lo tatou lelei. Faamamafa mea e ono o loo faamanatu mai i le palakalafa e 2. Faamatala le māfuaaga e tāua ai le amioga lelei a tagata taʻitoʻatasi.

18 minu: “Ia Faamalie Ou Manaʻoga Faaleagaga.” Lauga ma se talanoaga ma le aofia. Ia iloiloina māfuaaga e tatau ai ona uaʻi totoʻa atu tagata uma i le polokalame o le tauaofiaga. Ia faamamafa le manaʻomia ona faatatauina o mea ua tatou aʻoaʻoina na i lo le tau ina faalogo. Ia iloiloina le faasilasilaga o loo i luga e tusa ai o le fuafuaga mo le Sauniga o le Auaunaga iā Oketopa, pe a oo ina faia se autaluga o mea tāua o le tauaofiaga itumalo. Faalaeiau tagata uma ina ia faia ni faamaumauga. Ia valaaulia ni manatu faaalia e faatatau i aogā na maua mai le polokalame o le tausaga na seʻi mavae atu nei.

Pese 15 (127) ma le tatalo faaiʻu.

Vaiaso e Amata iā Iulai 29

Pese 8 (53)

10 minu: Faasilasilaga a le faapotopotoga. Faamanatu i tagata talaʻi e faaoo mai a latou lipoti o le auaunaga o le fanua mo Iulai.

10 minu: “Polokalame Fou o le Fonotaga Matagaluega.” O se lauga. Ia faasilasila aso o le fonotaga matagaluega o le a sosoo ai. Faalaeiau tagata uma ina ia auai ma uaʻi atu i le polokalame. Ia faalaeiau tagata talaʻi e leʻi papatisoina ina ia mafaufau e avea ma ni ē e agavaa mo le papatisoga. Ia faia se taumafaiga faapitoa e valaaulia ai tagata suʻesuʻe o le Tusi Paia.

25 minu: “Ia Fesootaʻi Faatasi ma le Autasi.”b Pe a talanoaina le palakalafa e 3, ia faaaofia ai manatu o loo i le Awake! o Aperila 22, 2000, itulau e 9-10. I le palakalafa e 4, faaaofia ai manatu o Le Olomatamata o Aperila 1, 1995, itulau 16-17, palakalafa 4-6.

Pese 2 (15) ma le tatalo faaiʻu.

Vaiaso e Amata iā Aokuso 5

Pese 10 (82)

10 minu: Faasilasilaga a le faapotopotoga. Mea na tutupu. Valaaulia le aofia e faamatala mai ni mea na tutupu e faalaeiau ai e tusa ma lo latou sao na faia i le auaunaga o le paeonia lagolago, po o le auai ai i isi gaoioiga faaleagaga.

15 minu: “Aoaoina o Tagata Mai Gagana Uma.”c Faaaofia ai ni manatu o loo i Le Olomatamata o Aperila 1, 2002, itulau e 24. Pe afai o loo fai e la outou faapotopotoga, faamatala puupuu mea o loo faia e fesoasoani ai iā i latou o loo i la outou oganuu o ē e tautatala i isi gagana, ma faataʻitaʻi le taulimaga o loo i le palakalafa 4.

20 minu: “Ia Onomea i Laʻei ma Teuga.”d Ia taulimaina e se toeaina, o lē o le a faitauina palakalafa taʻitasi pe a māeʻa ona talanoaina. Fesoasoani i tagata uma e talisapaia le pogai e tāua ai ona faaeteete i le auala tatou te laʻei ai i nofoaga faitele.

Pese 16 (143) ma le tatalo faaiʻu.

[Faaopoopoga i lalo]