Autaluga o le Aʻoga o le Faiva Faatiokarate

O le a talanoaina fesili o loo mulimuli mai i le Aʻoga o le Faiva Faatiokarate i le vaiaso e amata iā Aperila 28, 2003. O le a faafoeina e le ovasia o le aʻoga se autaluga e 30 minute e faavae aʻe i mataupu na talanoaina i lauga mo vaiaso o Mati 3 e faasolo atu iā Aperila 28, 2003. [Mātau: I fesili e lē o iai ni lomiga o tusia i o latou faaiʻuga, o le a manaʻomia ai ona faia ni au lava suʻesuʻega e suʻeina ai tali.—Tagaʻi i le tusi o le Aʻoga o le Faiva, itu. 36-37.]

UIGA O LE TAUTALA

1. O ā vala e iloa ai le lē sologa lelei o le tautala? [be itu. 93]

2. Saʻo pe Sesē: E tatau ona ʻalofia mānavaga, talu ai e mafai ona lē uaʻi ai mafaufau o tagata ma tuu atu ai le avanoa iā i latou e faalavelave mai ai. Faamatala.

3. O le ā le māfuaaga e tāua ai i se failauga po o se tagata faitau i le lautele ona faamamafa le uiga o upu? (Nee. 8:8) [be itu. 101]

4. E mafai faapefea e se tasi ona atiina aʻe ma le talafeagai le faamamafaina o uiga o upu? [be itu. 102-103]

5. O ā ni manatu autū e manaʻomia ona faamamafa pe a faitau leotele mai i se lomiga i suʻesuʻega tautusi po o sauniga a le faapotopotoga? [be itu. 105]

TOFIGA NU. 1

6. O le ā e mafai ona faia e mātua ina ia toleni ai le fanau e ‘faalogo ma aʻoaʻo’ ni mea mai sauniga faa-Kerisiano? (Teu. 31:12) [be itu. 16]

7. O le ā le parataiso faaleagaga? [w01 3/1 itu. 8-10]

8. Ua faaalia faapefea e le Faataoto 8:1-3 e mafai e tagata uma ona maua le atamai faaleatua, ma e tusa ai ma le Kolose 2:3, o fea e mafai ona maua ai? [w01 3/15 itu. 25, 28]

9. E faapefea ona tatou faailoaina le suafa o le Atua? (Ioa. 17:6) [be itu. 273-275]

10. O ā faamatalaga tāua e manaʻomia ona iloa e tagata e faatatau i le “tala lelei o le malo”? (Mata. 24:14) [be itu. 279-280]

FAITAUGA TUSI PAIA FAALEVAIASO

11. (a) I le uluaʻi senituri, o le ā le “mea e inosia” o loo taʻua i le Mareko 13:14? (e) O le ā o loo faatatau iai le faaupuga “ua tū i le mea e lē tatau ai”?

12. Na faapefea e le Evagelia a Luka ona faamaonia o Iesu o le suli o le nofoaiga a Tavita? (Luka 3:23-38) [br-1 itu. 43 pala. 3]

13. O le ā le uiga o le faamatalaga a Iesu o loo faamauina i le Luka 12:2?

14. Aiseā na mataʻina ai le tali mai a le ʻauagelu i le tala faatusa a Iesu i le tupe siliva na leiloa? (Luka 15:10) E faapefea i la latou faaaʻoaʻoga ona aafia ai i tatou?

15. O ā feagaiga e lua ia o loo taʻua i le Luka 22:29?