Faasilasilaga

◼ Lomiga e ofo iā Novema: O le ā e Manaomia e le Atua Mai ia i Tatou? po o Le Poto e Taʻitaʻia ai i le Ola e Faavavau. Afai ua iai i tagata lomiga nei, e mafai ona ofo le tusi Ia Tapuaʻi i le Atua Moni e Toʻatasi po o se lomiga tuai. Tesema: Le Tagata Silisili o Ē Uma na Soifua Mai. Ianuari: “Ia Oo mai Lou Malo,” po o so o se tusi tuai o loo maua i le faapotopotoga. Fepuari: Faalatalata Atu iā Ieova. Mati: Ia ofo le tusi o le Poto, ma ia taumafai e amata ni suʻesuʻega faale-Tusi Paia. Pe afai o loo iai i tagata lenei tusi, e mafai ona faaaogā le tusi Valoaga a Tanielu e sui ai. Aperila: Ia ofo kopi taʻitasi o Le Olomatamata ma le Ala Mai! Pe a toe asia tagata fiafia e aofia ai ē atonu na auai i le faamanatuga po o isi gaoioiga faatiokarate, ae e lē auai faifai pea i meafai a le faapotopotoga, ia taulaʻi atu i le ofoina o le tusi Tapuaʻi i le Atua. Ia taumafai malosi e amata se suʻesuʻega faale-Tusi Paia aemaise pe afai ua māeʻa ona suʻesuʻeina e tagata le tusi o le Poto po o le polosiua o le Manaomia.

◼ E tatau i le ovasia taʻimua po o se tasi ua ia tofiaina ona suʻe ia tusi a le faapotopotoga iā Tesema 1 po o le vave e mafai ai mulimuli ane. Pe a māeʻa ona faia o lenei mea, ia fai se faasilasilaga i le faapotopotoga pe a uma ona faitau atu le tala o le tupe o loo sosoo ai.

◼ E tatau i faapotopotoga ona amata talosagaina ia tuufaatasiga o le Watchtower ma le Awake! mo le tausaga e 2003 i le isi a latou ota o lomiga o loo sosoo ai. O se lisi o gagana o loo maua ai nei tuufaatasiga o le a iai i le “Faasilasilaga i Faapotopotoga Uma,” lea e meliina atu i faapotopotoga uma i masina taʻitasi. Seʻiloga e maua nei tuufaatasiga ma auina atu i le meli, ae o le a iai pea i le lisi a le faapotopotoga o lomiga o loo “Faatalitali” (Pending). O tuufaatasiga o lomiga o ni mea e talosagaina faapitoa.

◼ O foaʻi tauofo e faasiaki ma tuuina i pusa o meaalofa i le Maota o le Malo mo le galuega i le lalolagi aoao ma Faaputugātupe mo Maota o le Malo, e tatau ona faia ina ia totogi atu i le “International Bible Students Association.” O foaʻi tauofo e faasiaki e faia i tauaofiaga itumalo atoa ma meaalofa e faasiaki e auina atu i le ofisa i Samoa, e tatau foʻi ona faia ina ia totogi atu i le “International Bible Students Association.” O le tuatusi a le ofisa i Samoa mo le lafoina atu o meaalofa tautupe, o le International Bible Students Association, P.O. Box 673, Apia, SAMOA.