Faasologa o le Sauniga o le Auaunaga

Vaiaso e Amata iā Novema 10

Pese 97 (212)

10 minu: Faasilasilaga a le faapotopotoga ma Faasilasilaga e fili mai i La Tatou Faiva o le Malo. Ia faalaeiau tagata uma e faaaogā fesili o loo i le itulau 1 e autalu ai a latou faamaumauga, ina ia sauniuni ai mo le talanoaga ma le aofia i le polokalame o le Tauaofiaga “Ia Avatu i le Atua le Viiga,” i le Sauniga o le Auaunaga i le vaiaso e sosoo ai. Ia fai ni faataʻitaʻiga se lua i le auala e faaaogā ai fautuaga o loo i le itulau e 4 e ofoina ai le Olomatamata o Novema 1 ma le Ala Mai! o Oketopa-Tesema i la outou oganuu. I faataʻitaʻiga taʻitasi, ia ofo faatasi mekasini e ui lava e na o le tasi lea e faamatilatila. Ia faaaofia i se tasi o faataʻitaʻiga se faamatalaga e faatatau i le auala o loo faatupeina ai la tatou galuega i le lalolagi aoao.—Tagaʻi i Le Olomatamata, itu. 2, po o le Ala Mai! itu. 5.

15 minu: Ia Ati Aʻe se Agaga Limafoaʻi. Se lauga e faia e se toeaina, e faavae i le Olomatamata o Novema 1, 2003, itulau 27-30.

20 minu: E Faapefea Ona E Filifilia Au Aumea? Talanoaga ma le aofia e faavae i le tusi Tapuaʻi i le Atua, itulau 47-49. I le faaaogāina o fesili ma mau faasino o loo iai i le palakalafa e 13, ia valaaulia le aofia e faamatala mai mataupu silisili ia e ao ona taʻitaʻia ai le filifilia o a tatou aumea.

Pese 78 (127) ma le tatalo faaiʻu.

Vaiaso e Amata iā Novema 17

Pese 46 (57)

5 minu: Faasilasilaga a le faapotopotoga.

40 minu: “O Tauaofiaga Itumalo ma Faavaomalo ua Faagaeetia ai i Tatou e Avatu le Viiga i le Atua!” Ia tauaao e se toeaina. Pe a māeʻa upu tomua e lē silia i le minute, ia faia se talanoaga ma le aofia i le polokalame o le tauaofiaga e faaaogā ai fesili o loo i le mataupu. Ia faasoasoa lelei le taimi ina ia mafai ona talanoaina ai fesili uma, atonu e lava se tali se tasi i nisi o fesili. E lē o mau uma o loo sii mai e mafai ona faitauina i le taimi faatulagaina; o le pogai o loo faaaofia atu ai mau na, ina ia mauagofie ai tali. E ao ona taulaʻi atu tali i aogā o le faatatauina o mea na aʻoaʻoina.

Pese 47 (58) ma le tatalo faaiʻu.

Vaiaso e Amata iā Novema 24

Pese 1 (1)

12 minu: Faasilasilaga a le faapotopotoga. Tala o le tupe. Ia fai ni faataʻitaʻiga eseese se lua i le auala e faaaogā ai fautuaga i le itulau e 4 e ofoina ai le Olomatamata o Novema 15 ma le Awake! o Novema 22. E mafai ona faaaogā se isi mau e ese mai i mau ia e fautuaina i le itulau e 4 e faaaogā. I taulimaga taʻitasi, e tatau ona ofo faatasi mekasini e ui lava e na o le tasi lea e faamatilatila. I se tasi o faataʻitaʻiga, ia faataʻitaʻi le ofoina o mekasini i se tulaga e leʻi fuafuaina i auala o femalagaaʻiga i le lautele, po o se isi faatulagaga talafeagai.

10 minu: Pusa Fesili. Lauga a se toeaina.

23 minu: “Ati Aʻe se Faiā Vavalalata ma Ieova.”a Faaaogā fesili ua saunia. Ia aumai ni manatu o le aofia i auala e faatatauina ai mau. Ia faatulaga mamao se tagata se toʻatasi pe toʻalua e faamatala mea na fesoasoani iā i laʻua i le faaleleia o le tulaga o ā la suʻesuʻega faale-Tusi Paia.

Pese 23 (28) ma le tatalo faaiʻu.

Vaiaso e Amata iā Tesema 1

Pese 84 (138)

10 minu: Faasilasilaga a le faapotopotoga. Ia faamanatu i le ʻautalaʻi e faaoo ane a latou lipoti mo Novema. Ia taʻua lomiga e ofo mo Tesema. Ia autalu puupuu se taulimaga se tasi pe lua o loo fautuaina mai. Faamatala le auala e faaaogā ai e le ʻautalaʻi le Watch Tower Publications Index e maua ai taulimaga faaopoopo mo le ofoina o lomiga.—Tagaʻi i La Tatou Faiva o le Malo o Setema 2001, itu. 2.

15 minu: Manaʻoga o le faapotopotoga.

20 minu: Taʻuagavaaina Lelei e Aʻoaʻo Atu i Isi. Talanoaga ma le aofia e faavae i le Olomatamata o Iuni 1, 2000, itulau 16-17, palakalafa 9-13. O lo tatou sini autū i le faiva ia mafai ona tatou aʻoaʻo atu ma le uigā. O lo tatou taulau manuia e fesoasoani atu i ē pei ni mamoe, e faalagolago i lo tatou tomai e avatu ai le feʻau o le Malo i se auala e faaoo atu ai ma uunaʻia ai i latou. Ia talanoa fesili o loo mulimuli mai: (1) O le ā le eseesega o le talaʻi ma le aʻoaʻo atu? (it-2 itu. 672 pala. 2) (2) Aiseā e faatalatū ai isi i le taumafai e amata se suʻesuʻega faale-Tusi Paia? (3) E faapefea ona tatou faaleleia lo tatou tomai e aʻoaʻo atu? (4) E faapefea ona tatou faamautinoa ua maua e la tatou tagata aʻoga le uiga o mea o loo ia aʻoaʻoina? (5) O le ā le sini e tatau ona tatou taumafai e ausia e le tagata aʻoga?

Pese 53 (70) ma le tatalo faaiʻu.

[Faaopoopoga i lalo]