Pusa Fesili

◼ E faapefea ona maua e tagata ni a latou lava kopi o Le Olomatamata ma le Ala Mai!?

Talu ai ona ua faamutaina le fuafuaga o le faia o tusiga mo lomiga ma kaseti o Le Olomatamata ma le Ala Mai! i gagana uma lava i se taimi ua tuanaʻi atu, ua tatau la i tagata talaʻi uma ona maua a latou mekasini, kaseti, ma MP3 CD e ala mai i a latou faapotopotoga. E ao ona ota lomiga i gagana ese, ma lomiga matamata tetele i le faatumuina o le pepa Congregation Requests (M-202).

Pe a talosagaina e se tasi i lau oganuu le auina atu e lē aunoa o mekasini, faamolemole ia faamautinoa ua vave ona faia faapea ina ia lē misia ai se lomiga. E mafai ona maua e tagata faateʻaina a latou mekasini po o isi lomiga, i le potu tusi i le Maota o le Malo. E lē tatau ona faaaofia ai le tagata faateʻaina i le ala mekasini a se tagata talaʻi.

E na o le pau tusiga e tumau pea i faila a le ofisa i Samoa o i latou ia e lē mafai ona oo atu i ai se tagata talaʻi e ala i se ala mekasini. Afai e tuuina mai e le Komiti o le Auaunaga a le Faapotopotoga se talosaga o tusiga mo se tasi e na o le pau lenā o le auala e mauaina ai lomiga, e tatau i le failautusi ona faaaofia ai sina faamatalaga puupuu e faamautinoa ai faapea, o le talosaga mo lea tusiga ua uma ona iloiloina ma faamaonia e le Komiti o le Auaunaga a le Faapotopotoga.

O le uiga o lenei mea e lē tatau ona tusi atu se tagata talaʻi i le ofisa o le lālā e talosagaina sana lava tusiga. O so o se talosaga lava mo tusiga e faia e se tagata talaʻi po o se tagata fiafia, o le a toe faafoʻi atu i le faapotopotoga.

◼ E faapefea e se tagata o loo i le falepuipui ona maua ni ana kopi o mekasini?

Afai e mafai e le faapotopotoga o loo latou vaaia le talaʻiga i le falepuipui ona auina atu ni mekasini mo i latou o loo iai i inā, e tatau la ona maua e le pagota ana kopi o le Olomatamata ma le Ala Mai! mai tagata talaʻi o loo asiasi atu i ai. Afai e lē mafai ona faia lenā tulaga, e mafai e le pagota ona talosagaina ni ana lava tusiga e ala i le tusi atu i le ofisa o le lālā. Faamolemole mātau mai, o pagota ua faateʻaina mai le faapotopotoga e mafai ona maua ni a latou kopi o mekasini e pei ona faatulaga atu i lenei palakalafa.