Faasilasilaga

◼ Lomiga e ofo iā Novema 1-14: Le tauiviga faapitoa mo le tufaina atu o le polosiua fou Ia Faaauau Ona Mataala! Novema 15-30: Ia Faalogo i le Faiaʻoga Sili. A faapea mai le tagata e leai sana fanau, ona ofo lea i ai o le polosiua o le Manaomia. A o faaaogā le polosiua, ia taulaʻi atu i le amataina o suʻesuʻega faale-Tusi Paia. Tesema: Le Tagata Silisili o Ē Uma na Soifua Mai po o Laʻu Tusi o Tala o Le Tusi Paia ma le E Mafai Ona E Ola e Faavavau i Parataiso i Le Lalolagi e sui ai. Ianuari: E mafai ona ofo so o se tusi e 192 itulau na lomia a o lumanaʻi le 1990. Fepuari: Faalatalata Atu iā Ieova po o le tusi Tumutumuga o le Faaaliga e sui ai. Mati: Ia Faaauau Ona Mataala! Pe a faaalia e se tasi le fiafia, ia ofo i ai le tusi o le Poto, ma ia fai ni taumafaiga e amata ai ni suʻesuʻega faale-Tusi Paia. Aperila: Le Olomatamata ma le Ala Mai!

◼ E tatau i le ovasia taʻimua po o se tasi na te tofiaina, ona suʻe ia tusi a le faapotopotoga iā Tesema 1 po o le vave e mafai ai mulimuli ane. Afai e iai se isi teuga tupe o loo iai, e pei o teugātupe mo le faaleleia o fale ma faugāfale, e tatau foʻi ona faia se fuafuaga e suʻeina ai lea teugātupe. Pe a māeʻa ona faia o lenei mea, ona fai lea o se faasilasilaga i le faapotopotoga faatasi ai ma le tala o le tupe o loo sosoo ai.

◼ E tatau i faapotopotoga ona amata talosagaina ia tuufaatasiga o le Watchtower ma le Awake! mo le tausaga e 2004 i le isi a latou ota o lomiga o loo sosoo ai. O se lisi o gagana o loo maua ai nei tuufaatasiga o le a iai i le “Faasilasilaga i Faapotopotoga Uma,” lea e meliina atu i masina taʻitasi. O le a iai pea nei tusi i le lisi o lomiga a le faapotopotoga o loo “Faatalitali” (Pending), seʻia oo ina maua nei tuufaatasiga ma auina atu i le meli. O Tuufaatasiga o Lomiga o ni tusi e talosagaina faapitoa.

◼ E amata iā Novema ona aauina atu i faapotopotoga le sapalai o pepa a faapotopotoga i tausaga taʻitasi pe a maua. O le a faailoa atu i le lisi o loo avatu faatasi ma le ota o pepa ia faatonuga e faatatau i le tufatufaina o pepa.

◼ E amata mai i le vaiaso o Me 23, 2005, o le a tatou suʻesuʻeina ai le polosiua Ia Faaauau Ona Mataala! i Suʻesuʻega Tautusi a le Faapotopotoga.

◼ E ao i le ofisa i Samoa ona teu faamaumauga o tuatusi ma numera o telefoni o loo iai a ovasia taʻimua ma failautusi uma. Pe afai e suia i se taimi, e tatau i le Komiti o le Auaunaga a le Faapotopotoga ona faatumu, sainia ma lafo vave atu i le ofisa i Samoa le pepa, Presiding Overseer/Secretary Change of Address (S-29). E aofia ai foʻi ma suiga i numera (area code) o le telefoni pe afai ua iai.