Autaluga o le Aʻoga o le Faiva Faatiokarate

O le a talanoaina fesili o loo mulimuli mai i le Aʻoga o le Faiva Faatiokarate i le vaiaso e amata iā Iuni 27, 2005. O le a faafoeina e le ovasia o le aʻoga se autaluga e 30 minute e faavae i mataupu na talanoaina i lauga mo vaiaso o Me 2 e faasolo atu iā Iuni 27, 2005. [Mātau: I fesili e lē o iai ni lomiga o tusia i o latou faaiʻuga, o le a manaʻomia ai ona faia ni au lava suʻesuʻega e suʻeina ai tali.—Tagaʻi i le tusi o le Aʻoga o le Faiva, itu. 36-37.]

UIGA O LE TAUTALA

1. O faatusatusaga o se auala malosi lea e aʻoaʻo atu ai. Aiseā? (Kene. 22:17; Sala. 1:3; Iako. 3:6) [be itu. 240 pala. 2-4, pusa]

2. O fea tatou te maua ai ni faaaʻoaʻoga e aogā i le aʻoaʻo atu, ae o le ā le mea e faaeteete i ai? [be itu. 242 pala. 1-2]

3. O le ā le mea ia tatou manatuaina pe a filifilia ni talafaatusa sili ona uigā? [be itu. 244 pala. 1-2]

4. Aiseā e ao ai ona tatou faaaogā fesoasoani vaaia a o aʻoaʻo atu, ma e faapefea ona faaaogā e Ieova fesoasoani vaaia? [be itu. 247 pala. 1-2, pusa]

5. E faapefea ona tatou faaaogā fesoasoani vaaia i le talaʻiga? [be itu. 248 pala. 1–itu. 249 pala. 2]

LAUGA NU. 1

6. O ā ni taʻiala o loo i le Afioga a le Atua e uiga i aʻoga a le fanau? [w03 3/15 itu. 12 pala. 2; itu. 14 pala. 3]

7. Na faapefea ona naunau Ieova iā Tavita a o talavou o ia, ma na faapefea ona naunau Tavita iā Ieova? [w03 4/15 itu. 29 pala. 4; itu. 30 pala. 3]

8. Aiseā na silafia ai e Ieova le taulaga a Apelu, ma o le ā le mea ua tatou mautinoa ai? (Kene. 4:4) [w03 5/1 itu. 28 pala. 4–itu. 29 pala. 1]

9. I le Faataoto 3:11, o le ā le “aʻoaʻiga a Ieova” lea e lē tatau ona tatou manatu faatauvaa i ai? [w03 10/1 itu. 20 pala. 2-4]

10. O le ā le uiga o le ‘⁠lotomalie’ e pei ona taʻua i le 1 Timoteo 6:6-8? [w03 6/1 itu. 9 pala. 1-2; itu. 10 pala. 1]

FAITAU TUSI PAIA FAALEVAIASO

11. O le ā le mea ua faatusa i ai le alofa i le va o Ionatana ma Tavita? (2 Samu. 1:26) [w89-E 1/1 itu. 26 pala. 13]

12. O ā ni lesona e aʻoaʻoina ina ua taumafai muamua lava Tavita e aumai le atolaau o le feagaiga i Ierusalema? (2 Samu. 6:2-9)

13. Ina ua agasala Tavita ma Patesepa, aiseā na oti ai la laʻua tama ae o loo taʻua i le Teuteronome 24:16 ma le Esekielu 18:20 e lē oti le atalii i le agasala a le tamā? (2 Samu. 12:14; 22:31)

14. E faapefea ona tatou iloa e pepelo le tala a Sipa e uiga iā Mefiposeta? (2 Samu. 16:1-4)

15. E faapefea ona avea ma faaaʻoaʻoga lelei mo i tatou le tali a Mefiposeta i le mea na tupu i lo la va ma Sipa? (2 Samu. 19:24-30)