Faasologa o le Sauniga o le Auaunaga

Vaiaso e Amata iā Setema 12

Pese 24 (29)

10 minu: Faasilasilaga a le faapotopotoga. Faasilasilaga e fili ma i La Tatou Faiva o le Malo. Faaaogā fautuaga o loo i le itulau e 8 (pe a talafeagai ma la outou oganuu) e faataʻitaʻi ai le auala e ofo ai le Olomatamata o Setema 1 ma le Ala Mai! o Iulai-Setema. E mafai ona faaaogā nisi taulimaga talafeagai. Ia faia e se toeaina le tasi o taulimaga, ae fai e se talavou le isi taulimaga. Pe a uma taulimaga taʻitasi, ia faamatilatila ni vala lelei o le taulimaga.

20 minu: “Faaaogā Tatau Lou Taimi.”a Valaaulia le aofia e fai mai ni o latou manatu i le auala latou te faatulagaina ai le taimi i aso taʻitasi e faitau ai le Tusi Paia. Faalaeiau aiga ma tagata taʻitoʻatasi e faaaogā le faaopoopoga o La Tatou Faiva o le Malo o Me 2005 e faatulaga ai gaoioiga faaleagaga.

15 minu: “Faia o Suʻesuʻega Faale-Tusi Paia e Agaʻigaʻi i Luma.”b Talanoaga ma le aofia e faavae i le vaega 1 ma le 2 i le faaopoopoga. E mafai foʻi ona toe tagaʻi i La Tatou Faiva o le Malo, o Aokuso 2004 itulau 1. Aiseā e tāua ai le sauniuni lelei i taimi taʻitasi e te faia ai se suʻesuʻega faale-Tusi Paia? O le ā e aofia ai? Valaaulia le aofia e faamatala mai le auala na latou faatatauina ai fautuaga na saunia mai i La Tatou Faiva o le Malo. Ia faaiʻu i le faia o se manatu i le pusa o loo i le pito i luga i le itulau muamua o le faaopoopoga.

Pese 28 (33) ma le tatalo faaiʻu.

Vaiaso e Amata iā Setema 19

Pese 10 (12)

10 minu: Faasilasilaga a le faapotopotoga. Autalu manatu tāua o le tusi mai le Ofisa i Samoa, lea o loo i le itulau muamua o La Tatou Faiva o le Malo.

20 minu: O le ā na Tatou Faataunuuina i le Tausaga ua Teʻa? E toe autalu e le ovasia o le auaunaga le tausaga faaleauaunaga ua teʻa, ma taulaʻi atu i mea lelei na faataunuuina i le faiva. Ia avatu se faamālō talafeagai. Ia taʻua se vala se tasi pe lua e manaʻomia ona uaʻi atu i ai i le tausaga faaleauaunaga o loo sau. Ia fai se faamatalaga i le galuega a paeonia, ma faamālō atu iā i latou mo galuega lelei na latou fai. Ia taʻua ni iʻuga lelei na maua mai taumafaiga e fesoasoani atu iā i latou ua lē o toe talaʻi.

15 minu: “Ia Outou Feapoapoaʻi.”c Ia valaaulia le aofia e faamatala mai le auala ua latou maua ai aogā mai le manatu alofa atu o isi.

Pese 30 (35) ma le tatalo faaiʻu.

Vaiaso e Amata iā Setema 26

Pese 17 (19)

10 minu: Faasilasilaga a le faapotopotoga. Faitau le tala o le tupe ma tusi na faafetai mai ai i foaʻi na auina atu. Ia faamanatu i le ʻautalaʻi e tuuina mai a latou lipoti o le auaunaga i le fanua mo Setema.

15 minu: Manaʻoga o le faapotopotoga.

20 minu: Ia Faailoa Atu le Tala Lelei i le Faaaogāina o Mekasini. I le masina o Oketopa, o le a tatou ofoina ai Le Olomatamata ma le Ala Mai! I le amataga o le lauga, ia talanoaina fautuaga o loo i La Tatou Faiva o le Malo o Fepuari 2005 itulau e 8, palakalafa e 3-6: (1) Ofo faatasi mekasini e lua. (2) Faatulaga se aso se tasi o vaiaso taʻitasi e fai ai sou sao i le galuega mekasini. (3) Faatulaga sou lava sini o mekasini e ao ona tufaina atu i le masina. (4) Faaaogā avanoa talafeagai uma e ofo atu ai mekasini. (5) Ia faaaogā lelei mekasini tuai. Ia fai se faatatauga o nei fautuaga i le faapotopotoga. Ona faataʻitaʻi lea o le auala e ofo ai le Olomatamata o Setema 15 ma le Ala Mai! o Iulai-Setema e faaaogā ai fautuaga i le itulau e 8 o La Tatou Faiva o le Malo o le masina nei (pe a talafeagai ma la outou oganuu). E mafai foʻi ona faaaogā isi taulimaga e talafeagai. E lē gata i lea, ia tataʻi atu manatu i mataupu faaopoopo o loo i mekasini e ono fiafia i ai tagata o le oganuu, ma faataʻitaʻi se taulimaga e faamatilatila ai na mataupu. Pe a uma faataʻitaʻiga taʻitasi, ona faamatilatila lea o ni vala lelei o le taulimaga na fai.

Pese 3 (3) ma le tatalo faaiʻu.

Vaiaso e Amata iā Oketopa 3

Pese 44 (54)

5 minu: Faasilasilaga a le faapotopotoga.

20 minu: “Fesoasoani i Isi ia ‘Gauaʻi ma le Loto.’”d A lava le taimi, ona valaaulia lea o le aofia e fai mai ni o latou manatu i mau faasino o loo iai.

20 minu: Ia Faafiafia le Finagalo o Ieova. (Faata. 27:11) Ia faatalanoa ni auauna faamaoni a Ieova se toʻalua pe toʻatolu ua loa ona iai i le auaunaga. Ia valaaulia taʻitoʻatasi i latou e taʻu mai se mea se tasi pe lua na fesoasoani iā i latou e tumau ai i le usiusitai iā Ieova. O nisi o mea e mafai ona faamatala, o le suʻesuʻe ma le maelega o le tagata lava ia i le Tusi Paia, auai e lē aunoa i sauniga, auaufaatasi ma isi auauna faamaoni, o le auai ma le loto atoa i le auaunaga i le fanua, tatalo faatauanau, ma le ʻalofia o faafiafiaga lē mamā. O ā tofotofoga o lo latou usiusitai na latou fesagaʻia, ma na faapefea ona latou faafetaiaʻia ma le manuia na tofotofoga? Ua faapefea ona faamanuiaina i latou ona o lo latou usiusitai?

Pese 1 (1) ma le tatalo faaiʻu.

[Faaopoopoga i lalo]