Faasilasilaga
◼ Lomiga e ofo iā Tesema: Le Tagata Silisili o Ē Uma na Soifua Mai. Ianuari: Laʻu Tusi o Tala o Le Tusi Paia. Afai e lē talia e tagata o aiga le ofo o le tusi, ona ofo lea i ai o le polosiua Ia Faaauau Ona Mataala! Fepuari: Faalatalata Atu iā Ieova. Mati: O ā Aʻoaʻoga Moni a le Tusi Paia? Ia fai ni taumafaiga faapitoa e amata ai suʻesuʻega faale-Tusi Paia. Aperila ma Me: Le Olomatamata ma le Ala Mai! Pe a faia ni toe asiga i tagata na faaalia le fiafia, e aofia ai ma tagata na auai i le Faamanatuga po o isi sauniga ae e lē o toe aufaatasi ma le faapotopotoga, ia taulaʻi atu i le ofoina o le tusi fou O ā Aʻoaʻoga Moni a le Tusi Paia? O le fuafuaga ia amataina se suʻesuʻega faale-Tusi Paia i le tusi.
◼ E lē o toe umi ae auina atu tusi valaaulia mo le Faamanatuga o le 2006 i le gagana a faapotopotoga taʻitasi. Afai e iai nisi gagana o loo tautala ai tagata i le oganuu a la outou faapotopotoga ma o loo outou mananaʻo i ni tusi valaaulia i na gagana, e ao ona talosagaina i le vave e mafai ai i le faaaogāina o le Literature Request Form (S-14). O le lisi o gagana o loo maua ai tusi valaaulia o le Faamanatuga o le a iai i “Faasilasilaga i Faapotopotoga Uma,” lea e meli atu i masina taʻitasi. Faamolemole ia talosaga na o gagana e manaʻomia i la outou oganuu.
◼ Ia mātau o le Faamanatuga i le tausaga 2007 o le a faia i le Aso Gafua, Aperila 2, pe a mavae le goto o le lā. Ua avatu vave lenei faasilasilaga ina ia mafai ai e uso ona saʻilia ma taofia po o le faia o ni feagaiga talafeagai mo ni maota o loo avanoa mo le Faamanatuga pe a tele ni faapotopotoga e faaaogāina le Maota o le Malo lea ua manaʻomia ai ona saʻilia nisi maota. I tulaga faapena, e tatau ona faia e toeaina se ioega ma tagata o le pulega, ina ia faamautinoa ai e leai se faalavelave mai o isi gaoioiga e faia i le fale lava lea, ina ia mafai ona filemu ma sologa lelei le faagasologa o le Faamanatuga.
◼ Ona o le tāua tele o le Faamanatuga, e ao ai i toeaina ona filifili se toeaina e sili ona agavaa e fai ma failauga, na i lo le tau lava ina auauaʻi po o le faaaogā o le toeaina lava e tasi i tausaga uma. Afai o iai se toeaina o le vaega faauuina e agavaa lelei e faia le lauga, e ao ona filifilia o ia.