Faasologa o le Sauniga o le Auaunaga

Vaiaso e Amata iā Mati 13

Pese 66 (87)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. I le faaaogāina o fautuaga o loo i le itulau e 4 po o isi taulimaga e talafeagai ma la outou oganuu, ia faataʻitaʻi le auala e ofo ai le Olomatamata o Mati 1 ma le Ala Mai! o Ianuari-Mati.

15 minu: “Fesoasoani i Isi ia Maua Aogā o le Togiola.”a O le vaega o loo sosoo mai o le a talanoaina atili ai le auala e tatou te faaaogā ai le itulau e 206-208, o le tusi Aʻoaʻoga a le Tusi Paia pe a valaaulia tagata i le Faamanatuga.

20 minu: O le Talisuaga a le Alii, o se Aso Faamanatu e Viia ai le Atua. O le talanoaga i fesili ma tali e faavae i le itulau e 206-208 o le tusi Aʻoaʻoga a le Tusi Paia. I upu amata lea e itiiti ifo i le minute, ia faaali le auala e faamatala ai le mataupu i le tagata o le aiga i le faitauina lea o le palakalafa muamua. Ona valaaulia lea o le aofia e fai mai ni o latou sao i fesili o loo mulimuli mai e aunoa ma le faitauina o palakalafa: (pala. 2) O anafea na faavae ai e Iesu le Faamanatuga o lona maliu? (pala. 3) E faafia ona faamanatu le Talisuaga a le Alii? (pala. 4) Ua faapefea ona faamatalaina i le Tusi Paia le faamanatuga? (pala. 5) E faapefea ona tatou iloa e leʻi liua moni lava e Iesu le areto i lona tino, ma le uaina i lona toto? (pala. 6) O le ā o loo fai ma faatusa o le areto? (pala. 7) O le ā o loo fai ma faatusa o le uaina mūmū? (pala. 8) E na o ai e ao ona taumamafa i le areto ma le uaina? (pala. 9) O fea le taimi e fai ai le Faamanatuga i tausaga taʻitasi, ma aiseā e tatau ai ona tatou auai? Ia talanoaina mau autū i le taimi faatulagaina. Faalaeiau tagata uma e suʻesuʻe nei faamatalaga ma a latou tagata aʻoga o le Tusi Paia, ma isi e latou te valaaulia i le Faamanatuga i le faitauina o palakalafa, talanoaina manatu autū, ma faaaogā fesili faigofie e pei ona taʻua i lenei vaega.

Pese 81 (134) ma le tatalo faaiʻu.

Vaiaso e Amata iā Mati 20

Pese 16 (18)

10 minu: Faasilasilaga a le faapotopotoga. Ia toe autalu manatu autū o loo i le pusa “Mea ia Manatua mo le Faamanatuga.”

23 minu: Le Matafaioi a Keriso i le Faatulagaga a le Atua. Lauga e faavae i le tusi Ua Faamaopoopo Ina ia Faia le Finagalo o Ieova, itulau 11-14. Pe a talanoaina uluaʻi palakalafa e lua i lalo o le tamaʻi ulutala “Le Matafaioi a Keriso,” ia faaaogā se tolu pe fā minute e taʻu atu ai ma faataʻitaʻi auala e faaaogā ai le tusi valaaulia o le Faamanatuga. Toe autalu fautuaga o loo i La Tatou Faiva o le Malo o Fepuari 2006, itu. e 3, palakalafa e 3.

12 minu: Faamalosia e Ala i le Iloiloina o le Tusi Paia i Aso Taʻitasi. Lauga ma se faataʻitaʻiga e faavae i upu tomua o le Iloiloina o le Tusi Paia i Aso Taʻitasi—2006. Faatulaga se faataʻitaʻiga, o se aiga o loo iloiloina faatasi le mau o le asō ma le faaopoopoga.

Pese 70 (103) ma le tatalo faaiʻu.

Vaiaso e Amata iā Mati 27

Pese 53 (70)

15 minu: Faasilasilaga a le faapotopotoga. Faamanatu i le ʻautalaʻi e tuuina mai a latou lipoti o le auaunaga o Mati. Faitau le tala o le tupe ma faafetai na auina mai mo foaʻi na auina atu. I le faaaogāina o fautuaga o loo i le itulau e 4 po o nisi taulimaga e talafeagai ma la outou oganuu, ia faataʻitaʻi le auala e ofo ai le Olomatamata o Mati 15 ma le Ala Mai! o Ianuari-Mati. I le faaiʻuga o le taulimaga o le Olomatamata, ia valaaulia e le tagata talaʻi le tagata o le aiga i le Faamanatuga e faaaogā ai le itulau i tua o le mekasini. Ia faailoa foʻi le auala e faaaogā ai le tusi valaau e valaaulia ai tagata lotofiafia ia auai i le Faamanatuga.

10 minu: Manaʻoga o le faapotopotoga.

20 minu: Mea na tutupu. Valaaulia le aofia e faamatala mai mea na tutupu sa latou olioli ai, i le ofoina o le tusi Aʻoaʻoga a le Tusi Paia iā Mati. Ia faamatilatila suʻesuʻega faale-Tusi Paia na amata ai. E mafai ona toe faataʻitaʻi se mea mataʻina na tupu, se tasi pe lua.

Pese 83 (136) ma le tatalo faaiʻu.

Vaiaso e Amata iā Aperila 3

Pese 13 (15)

15 minu: Faasilasilaga a le faapotopotoga. Ia autalu puupuu le mataupu, “Ia Olioli i lo Tatou Suʻesuʻeina o le Tusi O ā Aʻoaʻoga Moni a le Tusi Paia?” o loo i le itulau e 6 o La Tatou Faiva o le Malo o Fepuari 2006. Ia taulaʻi atu manatu i le faasologa o le suʻesuʻega o le tusi Aʻoaʻoga a le Tusi Paia. Ia faailoa foʻi le auala e faaaogā ai le tusi valaau e valaaulia ai tagata lotofiafia i le Faamanatuga.

10 minu: O Ai e Tatau Ona Pulea Mataupu Fai a le Lalolagi? Lauga ma se faataʻitaʻiga e faavae i le itulau pito i tua o le Olomatamata o Aperila 1, 2006. Ia faaaogā avanoa uma e valaaulia ai tagata i le lauga faapitoa. Ia faamautinoa ua valaaulia uma tagata aʻoga o le Tusi Paia, faapea ma tagata o le aiga o ē e lē o auai i le suʻesuʻega faale-Tusi Paia. O tagata fiafia uma faapea ma isi e tatou te feiloaʻi i le auaunaga i le fanua, e ao ona valaaulia faapitoa i latou. Ia faataʻitaʻi le auala e faaaogā ai le Olomatamata o Aperila 1 pe a valaaulia se tagata ua lē o toe talaʻi po ua lē toe auai i sauniga.

20 minu: “Aʻoaʻo Ē Agamalu e Savavali i Ala o le Atua.”b Ia faaaofia ai ma manatu e faavae mai i le Olomatamata o Iulai 1, 2004, itulau e 16, palakalafa 9.

Pese 68 (93) ma le tatalo faaiʻu.

[Faaopoopoga i lalo]